ຂ່າວຫຼ້າສຸດ

ກາແດງຮ່າໂນ້ຍ ອົບຮົມປະຖົມພະຍາບານຂັ້ນຕົ້ນ ຄູ-ອາຈານ

233 24 ສ.ຫ. 2018 ຂ່າວໜ້າ​ໜຶ່ງ
ກາແດງຮ່າໂນ້ຍ ອົບຮົມປະຖົມພະຍາບານຂັ້ນຕົ້ນ ຄູ-ອາຈານ

    ໃນ​ໂອ­ກາດ​ທີ່​ຄະ­ນະ​ສະ­ພາ­ກາ­ແດງ​ນະ­ຄອນ­ຫຼວງ​ຮ່າ​ໂນ້ຍ ສສ ຫວຽດ­ນາມ ເດີນ­ທາງ​ມາ​ເຄື່ອນ​ໄຫວ​ກິດ­ຈະ­ກຳ​ຮ່ວມ​ກັບ​ຫ້ອງ­ການ​ກາ­ແດງ​ນະ­ຄອນ­ຫຼວງ​ວຽງ​ຈັນ ແຕ່​ວັນ 20-25 ສິງ­ຫາ 2018 ເພື່ອ​ສືບ­ຕໍ່​ຮັດ​ແໜ້ນ​ສາຍ​ພົວ­ພັນ​ສາ­ມັກ­ຄີ​ພິ­ເສດ ລາວ-ຫວຽດ­ນາມ ໂດຍ​ສະ­ເພາະ ຄະ­ນະ​ສະ­ພາ­ກາ­ແດງ​ນະ­ຄອນ­ຫຼວງ​ຮ່າ​ໂນ້ຍ ແລະ ຫ້ອງ­ການ​ກາ­ແດງ ນວ ໄດ້​ແລກ­ປ່ຽນ​ບົດ­ຮຽນ​ດ້ານ​ວິ­ຊາ​ການ ແລະ ວຽກ​ງານ​ອື່ນໆ.

    ວັນ​ທີ 22 ສິງ­ຫາ 2018 ຫ້ອງ­ການ​ກາ­ແດງ ນວ ແລະ ສະ­ພາ­ກາ­ແດງ​ນະ­ຄອນ­ຫຼວງ​ຮ່າ​ໂນ້ຍ ໄດ້​ເຄື່ອນ​ໄຫວ​ຢ້ຽມ­ຢາມ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ ແລະ ເຮັດ​ວຽກ​ຮ່ວມ​ກັບ​ຄະ­ນະ​ນຳ​ເມືອງ​ສັງ​ທອງ ໂດຍ​ໄດ້​ຈັດ​ເຝິກ­ອົບ­ຮົມ​ກ່ຽວ​ກັບ​ວຽກ​ງານ​ປະ­ຖົມ­ພະ­ຍາ­ບານ​ຂັ້ນ​ຕົ້ນ​ໃຫ້​ຄູ-ອາ­ຈານ​ຊັ້ນ​ປະ­ຖົມ ແລະ ອະ­ນຸ­ບານ ທີ່​ສະ­ໂມ­ສອນ​ເມືອງ​ສັງ​ທອງ ມີ​ທ່ານ​ນາງ ແກ້ວ ພົມ​ມະ​ລາດ ຮອງ​ເຈົ້າ­ເມືອງ​ສັງ​ທອງ ທ່ານ ສິງ ເມ​ໂນ​ລາດ ຮອງ​ປະ­ທານ​ອົງ­ການ​ກາ­ແດງ​ລາວ ທ່ານ ຫວ​ງຽນ ສີ ເຈືອງ ປະ­ທານ​ສະ­ພາ­ກາ­ແດງ​ນະ­ຄອນ­ຫຼວງ​ຮ່າ​ໂນ້ຍ ພ້ອມ​ດ້ວຍ​ທີມ​ງານ​ກາ­ແດງ​ລາວ ແລະ ກາ­ແດງ​ນະ­ຄອນ­ຫຼວງ​ຮ່າ​ໂນ້ຍ ແລະ ສຳ​ມະ​ນາ​ກອນ​ເຂົ້າ​ຮ່ວມ.

    ກິດ­ຈະ­ກຳ​ຄັ້ງ​ນີ້​ມີ​ຜູ້​ເຂົ້າ​ຮ່ວມ 30 ຄົນ ທີ່​ໄດ້​ຮຽນ​ຮູ້​ໃນ​ຫົວ­ຂໍ້​ສຳ­ຄັນ​ຕ່າງໆ ເຊັ່ນ: ການ​ປະ­ຖົມ​ພະ­ຍາ­ຍາມ ພະ­ຍາ­ບານ​ສຸກ​ເສີນ​ທັນ­ທີ ບັນ­ດາ​ຂັ້ນ​ຕອນ​ການ​ດຳ­ເນີນ​ປະ­ຖົມ­ພະ­ຍາ­ບານ​ສຸກ​ເສີນ ຕາມ​ຫຼັກ­ການ ການ​ປະ­ຖົມ­ພະ­ຍາ­ບານ​ສຸກ​ເສີນ​ກະ­ດູກ​ແຂນ-ຂາ​ຫັກ ແລະ ອື່ນໆ​ຕື່ມ​ອີກ​ຈຳ­ນວນ​ໜຶ່ງ ພ້ອມ​ນີ້ ສຳ​ມະ​ນາ​ກອນ​ຈະ​ໄດ້​ຮ່ວມ​ສາ­ທິດ​ພາກ​ປະ­ຕິ­ບັດ​ຕົວ​ຈິງ​ກັບ​ວິ­ທະ­ຍາ­ກອນ ຜ່ານ​ມາ​ການ​ຮົມ​ອົມ​ຄັ້ງ​ນີ້ ເຫັນ​ວ່າ​ສຳ​ມະ​ນາ​ກອນ​ສາ­ມາດ​ຮັບ​ຮູ້​ເຂົ້າ­ໃຈ​ໄດ້​ດີ​ພໍ​ສົມ­ຄວນ ທັງ​ນີ້ ເພື່ອ​ເປັນ​ການ​ສ້າງ​ຄວາມ​ເຂົ້າ­ໃຈ​ໃຫ້​ພະ­ນັກ­ງານ​ຄູ-ອາ­ຈານ ຮູ້​ກ່ຽວ​ກັບ​ການ​ປະ­ຖົມ​ພະ­ຍາ ບານ​ໃນ​ຂັ້ນ​ຕົ້ນ ເພື່ອ​ນຳ​ໃຊ້​ການ​ຊ່ວຍ­ເຫຼືອ​ນັກ­ຮຽນ ກໍ­ລະ­ນີ​ມີ​ການ​ບາດ­ເຈັບ​ຈາກ​ການ​ຫຼິ້ນ​ກີ­ລາ ແລະ ບຸກ­ຄົນ​ອື່ນໆ ກ່ອນ​ໄດ້​ນຳ​ສົ່ງ​ໂຮງ­ໝໍ.

ຂ່າວທີ່ກ່ຽວຂ້ອງ