ຂ່າວຫຼ້າສຸດ

ເກີດ​ອັກຄີ​ໄພ​ຢູ່​ໃນ​ອິນ​ເດຍ

152 24 ສ.ຫ. 2018 ຂ່າວຕ່າງປະເທດ
ເກີດ​ອັກຄີ​ໄພ​ຢູ່​ໃນ​ອິນ​ເດຍ

     ເຈົ້າ​ໜ້າທີ່​ອິນ​ເດຍ ແຈ້ງ​ໃຫ້​ຮູ້​ວ່າ ໄດ້​ເກີດ​ເຫດ​ໄຟ​ໄໝ້​ຢູ່​ທີ່​ສຳນັກງານ​ຂອງ​ໂທລະພາບ​ແຫ່ງ​ລັດ Doordarshan ຢູ່​ໃນ​ນະຄອນຫຼວງ​ນີວ​ແດນ​ລີ ຂອງ​ອິນ​ເດຍ ເມື່ອ​ວັນ​ທີ 22 ສິງຫາ​ນີ້ ແຕ່​ໂຊກ​ດີ ທີ່​ບໍ່​ມີ​ຜູ້​ໄດ້​ຮັບ​ບາດເຈັບ ຫຼື​ເສຍ​ຊີວິດ​ຈາກ​ອັກຄີ​ໄພ​ໃນ​ເທື່ອ​ນີ້.

    ຂ່າວ​ແຈ້ງວ່າ ຕົ້ນ​ໄຟ​ເກີດ​ຂຶ້ນ​ຈາກ​ເຄື່ອງ​ປັບ​ອາກາດ​ໜ່ວຍ​ໜຶ່ງ ຢູ່​ໃນ​ຊັ້ນ​ຊູ​ດິນ ຂອງ​ສຳນັກງານ Doordarshan Bhawan ຢູ່​ໃນ​ເຂດ​ໃຈກາງ​ນະຄອນຫຼວງ​ນີວ​ແດນ​ລີ ແລະ ເຈົ້າ​ໜ້າທີ່​ມອດ​ໄຟ ລະງັບ​ແປວໄຟ​ໄດ້​ໃນ​ເວລາ​ບໍ່​ພໍ​ເທົ່າໃດ​ນາທີ.

    ເຫດການ​ໄຟ​ໄໝ້​ດັ່ງກ່າວ​ເກີດ​ຂຶ້ນ​ພຽງ​ບໍ່​ພໍ​ເທົ່າໃດ​ຊົ່ວໂມງ ຫຼັງ​ຈາກ​ເກີດ​ໄຟ​ໄໝ້​ຄັ້ງ​ໃຫຍ່ ຢູ່​ໃນ ອາຄານ​ຫຼາຍ​ຊັ້ນ​ຫຼັງ​ໜຶ່ງ ໃນ​ນະຄອນ​ມູມ​ບາຍ ທີ່​ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 4 ຄົນ ແລະ ບາດເຈັບ 16 ຄົນ.

 

ຂ່າວທີ່ກ່ຽວຂ້ອງ