ຂ່າວຫຼ້າສຸດ

ບຣາ​ຊີ​​ລ ຈັດ​ສັນ​ບ່ອນຢູ່​ໃໝ່​ໃຫ້​ແກ່​ຜູ້​ອົບ​ພະ​ຍົບ​ມາ​ຈາກ​ເວ​ເນ​ຊູ​ເອ​ລາ

162 24 ສ.ຫ. 2018 ຂ່າວຕ່າງປະເທດ
ບຣາ​ຊີ​​ລ ຈັດ​ສັນ​ບ່ອນຢູ່​ໃໝ່​ໃຫ້​ແກ່​ຜູ້​ອົບ​ພະ​ຍົບ​ມາ​ຈາກ​ເວ​ເນ​ຊູ​ເອ​ລາ

    ລັດຖະບານ​ບຣາ​ຊີ​​ລ ແຈ້ງ​ໃຫ້​ຮູ້​ວ່າ​ຜູ້​ເຂົ້າ​ເມືອງ ຊາວ​ເວ​ເນ​ຊູ​ເອ​ລາ 1.000 ຄົນ ທີ່​ພວມ​ດຳລົງ ຊີວິດ​ຢູ່​ໃນ​ລັດ​ໂຣ​ຣາຍ​ມາ (ພາກ​ເໜືອ​ສຸດ​ຂອງ​ບຣາ​ຊີ​​ລ) ຈະ​ໄດ້​ຖືກ​ສົ່ງ​ໄປ​ຍັງ​ລັດ​ອື່ນໆ ຢູ່​ໃນ​ເຂດ​ພາກ ໃຕ້​ບຣາ​ຊີ​​ລ

    ລັດ​ໂຣ​ຣາຍ​ມາ ເປັນ​ປະຕູ​ຕົ້ນຕໍ​ສຳລັບ​ຊາວ​ເວ​ເນ​ຊູ​ເອ​ລາ ຫຼາຍ​ໝື່ນ​ຄົນ ທີ່​ເຂົ້າ​ໄປ​ໃນ​ບຣາ​ຊີ​​ລ ເມື່ອ​ທ້າຍ​ອາທິດ​ທີ່​ຜ່ານ​ມາ ຢູ່​ໃນ​ເມືອງ ພາ​ຄາ​ຣາຍ​ມາ ໃນ​ລັດ​ດັ່ງກ່າວ ໄດ້​ເກີດ​ມີ​ການ​ປະ​ທະ ລະຫວ່າງ​ຜູ້​ເຂົ້າ​ເມືອງ​ຊາວ​ເວ​ເນ​ຊູ​ເອ​ລາ ກັບ​ປະຊາຊົນ​ຢູ່​ໃນ​ທ້ອງຖິ່ນ. ຈາກ​ສະພາບ​ວຸ້ນວາຍ ທີ່​ເກີດ​ຂຶ້ນ​ນັ້ນ ເຮັດ​ໃຫ້​ບຣາ​ຊີ​​ລ ຕ້ອງ​ໄດ້​ສົ່ງ​ກຳລັງ​ຮັກສາ​ຄວາມ​ສະຫງົບ ເພີ່ມ​ເຕີມ​ໄປ​ຍັງ​ລັດ ໂຣ​ຣາຍ​ມາ ເພື່ອ​ເຮັດ​ໃຫ້​ເກີດ​ຄວາມ​ເປັນ​ລະບຽບ​ຮຽບ​ຮ້ອຍ​ຢູ່​ທີ່​ນັ້ນ.

    ໄລ່​ມາ​ຮອດ​ປັດຈຸບັນ​ນີ້ ຜູ້​ອົບ​ພະ​ຍົບ​ເຂົ້າ​ເມືອງ​ດັ່ງກ່າວ ປະມານ 800 ຄົນ ໄດ້​ຮັບ​ການ​ຈັດ​ສັນ ບ່ອນຢູ່​ໃໝ່ ຢູ່​ໃນ​ດິນແດນ​ຂອງ​ບຣາ​ຊີ​​ລ.

 

ຂ່າວທີ່ກ່ຽວຂ້ອງ