ຂ່າວຫຼ້າສຸດ

ສະພາ​ແຫ່ງ​ຊາດ​ອົດ​ສະ​ຕຣາ​ລີ ບໍ່​ຮັບຮອງ​ການ​ປະຕິ​ຮູບ​ທີ່​ສຳຄັນ​ຂອງ​ລັດຖະບານ

46 24 ສ.ຫ. 2018 ຂ່າວຕ່າງປະເທດ
ສະພາ​ແຫ່ງ​ຊາດ​ອົດ​ສະ​ຕຣາ​ລີ ບໍ່​ຮັບຮອງ​ການ​ປະຕິ​ຮູບ​ທີ່​ສຳຄັນ​ຂອງ​ລັດຖະບານ

    ວັນ​ທີ 22 ສິງຫາ​ນີ້ ສະພາ​ແຫ່ງ​ຊາດ​ອົດ​ສະ​ຕຣາ​ລີ ໄດ້​ລົງ​ຄະແນນ​ສຽງ​ບໍ່​ເຫັນ​ພ້ອມ ກັບ​ຮ່າງ​ແຜນການ​ຕັດ​ຫຼຸດ​ພາສີ​ລາຍ​ຮັບ​ຂອງ​ວິ​ສາ​ຫະ​ກິດ ທີ່​ມີ​ລະດັບ​ລາຍ​ຮັບ​ຫຼາຍ​ກວ່າ 50 ລ້ານ​ໂດ​ລາ ອົດ​ສະ​ຕຣາ​ລີ (ເທົ່າ​ກັບ​ເກືອບ 37 ລ້ານ​ໂດ​ລາ​ສະຫະລັດ)/ປີ ຊຶ່ງ​ຕາມ​ນັ້ນແລ້ວ ລະດັບ​ພາສີ ທີ່​ຈະ​ຕ້ອງ​ເສຍ​ແມ່ນ​ຫຼຸດ​ລົງ​ຈາກ 30% ມາ​ຍັງ​ເຫຼືອ 25% ນັບ​ແຕ່​ປີ 2026 ເປັນຕົ້ນ​ໄປ ຕາມ​ການ​ນຳ​ສະເໜີ​ຂອງ​ລັດຖະບານ ພາຍ​ໃຕ້​ການ​ນຳພາ​ຂອງ​ນາຍົກລັດຖະມົນຕີ ມານ​ຄອມ ເທີນ​ບູນ.

    ການ​ນຳ​ສະເໜີ​ຕັດ​ຫຼຸດ​ພາສີ​ລາຍ​ຮັບ​ຂອງ​ວິ​ສາ​ຫະ​ກິດ​ໃນ​ອົດ​ສະ​ຕຣາ​ລີ ປະກອບ​ມີ​ສອງ​ເນື້ອ​ໃນ ຄື​ເນື້ອ​ໃນ​ທີ​ໜຶ່ງ​ແມ່ນ​ຕັດ​ຫຼຸດ​ພາສີ​ລາຍ​ຮັບ ສຳລັບ​ບັນດາ​ວິ​ສາ​ຫະ​ກິດ​ທີ່​ມີ​ລາຍ​ຮັບ​ຕ່ຳ​ກວ່າ 50 ລ້ານ​ໂດ​ລາ​ອົດ​ສະ​ຕຣາ​ລີ/ປີ ຊຶ່ງ​ສະພາ​ແຫ່ງ​ຊາດ​ໄດ້​ຮັບຮອງ​ໄປ​ແລ້ວ​ກ່ອນ​ໜ້າ​ນີ້.

    ເຖິງ​ຢ່າງໃດ​ກໍ​ຕາມ ສຳລັບ​ເນື້ອ​ໃນ​ທີ​ສອງ ຊຶ່ງ​ສະເໜີ​ຕັດ​ຫຼຸດ​ພາສີ​ລາຍ​ຮັບ​ຕື່ມ​ອີກ 5% ສຳລັບ ບັນດາ​ວິ​ສາ​ຫະ​ກິດ​ທີ່​ມີ​ລາຍ​ຮັບ​ເກີນ 50 ລ້ານ​ໂດ​ລາ​ອົດ​ສະ​ຕຣາ​ລີ/ປີ ໄດ້​ເຮັດ​ໃຫ້​ເກີດ​ການ​ຖົກ​ຖຽງ ແລະ​ຖືກ​ກັກ​ໄວ້​ຢູ່​ໃນ​ສະພາ​ສູງ ມາ​ເປັນ​ເວລາ​ຫຼາຍ​ເດືອນ​ທີ່​ຜ່ານ​ມາ.

 

ຂ່າວທີ່ກ່ຽວຂ້ອງ