ຂ່າວຫຼ້າສຸດ

ກອງເຊຍແມນຢູ ຈ້າງເຮືອບິນແຂວນປ້າຍໄລ່ “ເອັດ ວຸດເວິດ” ນັດພົບກັບເບີນລີ່

315 23 ສ.ຫ. 2018 ວົງຈອນກີລາ
ກອງເຊຍແມນຢູ ຈ້າງເຮືອບິນແຂວນປ້າຍໄລ່ “ເອັດ ວຸດເວິດ” ນັດພົບກັບເບີນລີ່

ລາຍງານຈາກໜັງສືພິມ ເດິະ ຊັນ ລະບຸວ່າ ກອງເຊຍບານແມນເຊສເຕີ ຢູໄນເຕັດ ຈ້າງເຮືອບິນກຽມແຂວນປ້າຍບິນຜ່ານສະໜາມເທິຟ ມົວ ໃນເກມພົບກັບເບິນລີ່ ເພື່ອຮຽກຮ້ອງໃຫ້ທ່ານ ເອັດ ວູດເວິດ ອອກຈາກຕຳແໜ່ງ.

          ທ່ານ ເອັດ ວູດເວິດ ຜູ້ບໍລິຫານຂອງແມນນ ຢູໄນເຕັດ ຕົກເປັນເປົ້າໝາຍໃນໄລຍະຫຼາຍອາທິດທີ່ຜ່ານມາ ຫຼັງສະໂມສອນບໍ່ມີກອງຫຼັງຄົນໃໝ່ຍ້າຍເຂົ້າທີມເໝືອນຢ່າງທີ່ ໂຈເຊ່ ມູຣິນໂຢ່ ຕ້ອງການໃນພັກຮ້ອນນີ້ ຊຶ່ງຜູ້ຈັດການຊາວປອກຕຸຍການກໍພົບກັບຄວາມກົດດັນເພີ່ມຂຶ້ນດ້ວຍເໝືອນກັນ.

          ແມນຯ ຢູໄນເຕັດ ພ່າຍແພ້ເກມອອກໄປຢາມນັດທໍາອິດໃນລະດູການໃໝ່ເມື່ອວັນອາທິດທີ່ຜ່ານມາ ດ້ວຍຝີຕີນຂອງໄບຣຕັນ ແລະ ກາຍເປັນຕົວຈຸດປະກາຍໃຫ້ກອງເຊຍບານເລີ່ມເຄື່ອນໄຫວ.

          ສື່ຊຶ່ດັງຂອງອັງກິດຢ່າງ ເດິະ ຊັນ ລາຍງານວ່າ ປ້າຍດັ່ງກ່າວຈະສຸມໄປທີ່ທ່ານ ເອັດ ວູດເວິດ ແລະ ຕະກູນເກວເຊີ ເຈົ້າຂອງສະໂມສອນ ໂດຍໃຊ້ຂໍ່ຄວາມວ່າ "ED OUT – LUHG (Love United Hate Glazer)"

          ໃນເບື້ອງຕົ້ນ ລາຍງານລະບຸວ່າພວກເຂົາວາງແຜນໃຫ້ບິນຜ່ານສະໜາມໂອລ ແທຣບຟອດກ່ອນເກມພບກັບທັອດແນ່ມ ຮັອດສະເປີໃນວັນຈັນທີ່ຈະມາເຖິງນີ້ ແຕ່ຈຳເປັນຕ້ອງມີການປ່ຽນກຳນົດການ ເພາະຂໍ້ກຳນົດເລື່ອງແສງໄຟ ສຸດທ້າຍແລ້ວພວກເຂົາຈະໃຫ້ໄປບິນຜ່ານສະໜາມເທິຟ ມົວ ແທນ ໃນເກມທີ່ແມນຢູຈະໄປຢາມເບິນລີ່ໃນວັນທີ 2 ກັນຍາແທນ.

           ຢ່າງໃດກໍຕາມ ກອງເຊຍບານບໍ່ໄດ້ວາງແຜນທີ່ຈະປະທ້ວງມູຣິນໂຢ່ໃນເກມດັ່ງກ່າວ ເພາະສ່ວນໃຫຍ່ແລ້ວຍັງຄົງໃຫ້ການສະໜັບສະໜູນຜູ້ຈັດການຂອງພວກເຂົາ.

          ຄັ້ງສຸດທ້າຍທີ່ເຮືອບິນເອົາປ້າຍແຂວນໃສ່ແລ້ວບິນຜ່ານໂອລ ແທຣບຟອດ ຕ້ອງຢ້ອນໄປເດືອນມີນາປີ 2014 ທີ່ກອງເຊຍບານບໍ່ພໍໃຈ ເດວິດ ມອຍ ອະດີດຜູ້ຈັດການຂອງທີມ ເຊິ່ງປ້າຍໃສ່ຂໍ້ຄວາມວ່າ "Wrong One Moyes Out" ບິນຜ່ານສະໜາມໃນເກມທີ່ພົບກັບ ແອສຕັນ ວິນລ່າ ແລະ ສຸດທ້າຍ ເດວິດ ມອຍກໍຖືກປົດອອກຈາກຕຳແໜ່ງໄປໃນບໍ່ເທົ່າໃດອາທິດໃຫ້ຫຼັງຈາກນັ້ນ.

ຂ່າວທີ່ກ່ຽວຂ້ອງ