ສັ່ງຂັງຄຸກອະດີດປະທານເຕະບານບຣາຊິນ 4 ປີ ເຫດທຸຈະລິດ

123 23 ສ.ຫ. 2018 ວົງຈອນກີລາ
ສັ່ງຂັງຄຸກອະດີດປະທານເຕະບານບຣາຊິນ 4 ປີ ເຫດທຸຈະລິດ

ທ່ານ ໂຊເຊ່ ມາເຣຍ ມາຣິນ (ຂວາ) ອະດີດປະທານສະຫະພັນເຕະບານບຣາຊິນ ຖືກລົງໂທດຂັງຄຸກ 4 ປີ ຈາກຂໍ້ຫາທຸຈະລິດທີ່ເກີດຂຶ້ນໃນສະຫະພັນເຕະບານນານາຊາດ ຫຼື ຟີຟ່າ.

          ກ່ອນໜ້ານີ້ ມີການລ້າງບາງການທຸຈະລິດໃນ ຟີຟ່າ ຊຶ່ງມີບັນດາຜູ້ບໍລິຫານລະດັບສູງ ລວມໄປເຖິງປະທານສະຫະພັນ ແລະ ສະມາຄົມເຕະບານຫຼາຍປະເທດ ຮູ້ເຫັນເປັນໃຈກັບເລື່ອງດັ່ງກ່າວດ້ວຍ.

          ຫຼ້າສຸດ ສານຂອງປະເທດສະຫະລັດອາເມຣິກາ ໄດ້ຕັດສິນຂັງຄຸກ ທ່ານ ມາຣິນ ໃນໄວ 86 ປີເປັນໄລຍະເວລາ 4 ປີຈາກຂໍ້ຫາທີ່ແຈ້ງອອກມາວ່າ ມີສ່ວນທຸຈະລິດໃນສະຫະພັນ, ຟອກເງິນ ແລະ ສໍ້ໂກງ.

          ທັ້ງນີ້ ຖືເປັນການເລີ່ມພິຈາລະນາຄະດີ 'ຟີຟ່າເກດ' ອັນອື້ສາວ ໂດຍທາງ ທ່ານ ມາຣິນ ຈະຖືກຂັງຄຸກທີ່ນິວຢອກ ປະເທດສະຫະລັດອາເມຣິກາ. 

ຂ່າວທີ່ກ່ຽວຂ້ອງ