ຂ່າວຫຼ້າສຸດ

ກາແດງສິງກະໂປ ຊ່ວຍເຫຼືອຜູ້ປະສົບໄພນ້ຳຖ້ວມ

250 23 ສ.ຫ. 2018 ຂ່າວໜ້າ​ໜຶ່ງ
ກາແດງສິງກະໂປ ຊ່ວຍເຫຼືອຜູ້ປະສົບໄພນ້ຳຖ້ວມ

    ອົງ­ການ​ກາ­ແດງ​ແຫ່ງ​ປະ­ເທດ​ສິງ­ກະ­ໂປ ນຳ​ເຄື່ອງ​ຊ່ວຍ­ເຫຼືອ​ປະ­ເພດ​ຜ້າ­ຫົ່ມ ເຄື່ອງ­ໃຊ້​ພາຍ​ໃນ​ເຮືອນ ຢາ​ປົວ​ພະ­ຍາດ ແລະ ເຄື່ອງ​ກອງ​ນ້ຳ ລວມ​ມູນ​ຄ່າ 433,72 ລ້ານ​ກີບ ຫຼື ປະ­ມານ 70.000 ໂດ​ລາ​ສິງ­ກະ­ໂປ ໃນ​ນີ້​ເງິນ​ສະ­ໜັບ­ສະ­ໜູນ​ຈາກ​ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ສິງ­ກະ­ໂປ​ຂອງ​ຈີນ ແລະ ສະ­ມາ­ຄົມ​ວິ​ສາ​ຫະ​ກິດ​ທຸ­ລະ​ກິດ​ຂະ­ໜາດ​ນ້ອຍ ແລະ ຂະ­ໜາດ​ກາງ​ສິງ­ກະ­ໂປ ລວມ​ມູນ​ຄ່າ 166,62 ລ້ານ​ກີບ ຫຼື ປະ­ມານ 20.000 ໂດ​ລາ​ສະ­ຫະ­ລັດ ໄປ​ມອບ​ໃຫ້​ອົງ­ການ​ກາ­ແດງ​ລາວ ເພື່ອ​ນຳ­ໄປ​ມອບ​ຕໍ່​ຊ່ວຍ­ເຫຼືອ​ບັນ­ເທົາ​ທຸກ​ໃຫ້​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຢູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື.

    ພິ­ທີ​ມອບ-ຮັບ​ເຄື່ອງ​ຊ່ວຍ­ເຫຼືອ​ຈັດ​ຂຶ້ນ​ວັນ​ທີ 20 ສິງ­ຫາ 2018 ຢູ່​ສຳ­ນັກ­ງານ​ໃຫຍ່​ອົງ­ການ​ກາ­ແດງ​ລາວ ກ່າວ​ມອບ​ໂດຍ​ທ່ານ Benjamin William ເລ­ຂາ­ທິ­ການ​ໃຫຍ່ ແລະ ຜູ້​ບໍ­ລິ­ຫານ​ອົງ­ການ​ກາ­ແດງ​ປະ­ເທດ​ສິງ­ກະ­ໂປ ແລະ ຮັບ​ໂດຍ​ທ່ານ ຄຳ​ຮຸ່ງ ເຮືອງ​ວົງ​ສີ ປະ­ທານ​ອົງ­ການ​ກາ­ແດງ​ລາວ ມີ​ທ່ານ Domenic Goh ທູດ​ສິງ­ກະ­ໂປ ປະ­ຈຳ​ລາວ ພ້ອມ​ດ້ວຍ​ຄະ­ນະ​ບໍ­ລິ­ຫານ ແລະ ສະ­ມາ­ຊິກ​ສະ­ມາ­ຄົມ​ນັກ­ທຸ­ລະ­ກິດ​ສິງ­ກະ­ໂປ​ໃນ​ລາວ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ