ຂ່າວຫຼ້າສຸດ

ໄວ້ອາໄລຕໍ່ການມໍລະນະກຳ ອະດີດນາຍົກອິນເດຍ

227 23 ສ.ຫ. 2018 ຂ່າວໜ້າ​ໜຶ່ງ

    ວັນ​ທີ 21 ສິງ­ຫາ 2018 ທີ່​ສະ­ຖານ­ທູດ​ອິນ​ເດຍ ຢູ່​ນະ­ຄອນ­ຫຼວງ​ວຽງ​ຈັນ ທ່ານ​ນາງ ຄຳ​ເພົາ ເອີນ​ທະ​ວັນ ຮອງ​ລັດ­ຖະ­ມົນ­ຕີ ກະ­ຊວງ​ການ​ຕ່າງ­ປະ­ເທດ ພ້ອມ​ດ້ວຍ​ຄະ­ນະ ໄດ້​ຕາງ­ໜ້າ​ໃຫ້​ລັດ­ຖະ­ບານ​ລາວ ເຂົ້າ​ຮ່ວມ​ເຊັນ​ປຶ້ມ​ໄວ້­ອາ­ໄລ​ຕໍ່​ການ​ມໍ­ລະ­ນະ​ກຳ​ຂອງ​ທ່ານ ອາ​ຕານ ບີ​ຮາ​ຣີ ວາ​ຊະ​ປາ​ຍີ ອະ­ດີດ​ນາ­ຍົກ­ລັດ­ຖະ­ມົນ­ຕີ​ອິນ​ເດຍ ໂດຍ​ມີ​ເນື້ອ​ໃນ​ຂຽນ​ວ່າ: ໃນ​ນາມ​ລັດ­ຖະ­ບານ​ລາວ ແລະ ໃນ​ນາມ​ສ່ວນ​ຕົວ ຂ້າ­ພະ­ເຈົ້າ​ຂໍ​ສະ­ແດງ​ຄວາມ​ເສົ້າ​ສະ­ຫຼົດ​ໃຈ​ຢ່າງ​ສຸດ​ຊຶ້ງ ຕໍ່​ການ​ມໍ­ລະ­ນະ​ກຳ​ຂອງ​ທ່ານ​ອະ­ດີດ​ນາ­ຍົກ­ລັດ­ຖະ­ມົນ­ຕີ​ອິນ​ເດຍ ຜູ້­ນຳ​ທີ່​ແສນ​ເຄົາ­ລົບ​ຮັກ​ຂອງ​ປະ­ຊາ­ຊົນ​ອິນ​ເດຍ.

    ຂ້າ­ພະ­ເຈົ້າ​ຂໍ​ແບ່ງ​ເບົາ​ຄວາມ­ທຸກ​ໂສກ ແລະ ເສຍ​ໃຈ​ຢ່າງ​ຈິງ​ໃຈ​ມາ​ຍັງ​ລັດ­ຖະ­ບານ ແລະ ປະ­ຊາ­ຊົນ​ອິນ​ເດຍ ໂດຍ​ສະ­ເພາະ​ແມ່ນ​ຄອບ­ຄົວ ແລະ ຍາດ​ພີ່­ນ້ອງ​ຂອງ​ທ່ານ ອາ​ຕານ ບີ​ຮາ​ຣີ ວາ​ຊະ​ປາ​ຍີ ໃນ​ໄລ­ຍະ​ເວ­ລາ​ອັນ​ເສົ້າ​ໂສກ​ນີ້.

ຂ່າວທີ່ກ່ຽວຂ້ອງ