ປະກາດໃຫ້ລາງວັນນັກກີລາຫຼຽນຄຳ ໃນເອຊຽນເກມ

222 23 ສ.ຫ. 2018 ວົງຈອນກີລາ
ປະກາດໃຫ້ລາງວັນນັກກີລາຫຼຽນຄຳ ໃນເອຊຽນເກມ

   ທ່ານ ອຸ­ດົມ​ສັກ ອຸ­ດົມ​ທອງ​ກະ­ເສມ ປະ­ທານ​ສະ­ຫະ­ພັນ​ວູ​ຊູ​ແຫ່ງ​ຊາດ​ລາວ ທັງ​ເປັນ​ປະ­ທານ​ບໍ­ລິ­ສັດ ສົມ­ບູນ​ການ​ຄ້າ ຈຳ­ກັດ ປະ­ກາດ​ໃຫ້​ລາ­ງວັນ​ນັກ­ກີ­ລາ​ວູ​ຊູ​ທີມ​ຊາດ​ລາວ ສ້າງ​ຜົນ­ງານ​ໃນ​ການ​ແຂ່ງ­ຂັນ​ກີ­ລາ​ວູ​ຊູ ງານ​ມະ​ຫະ​ກຳ​ກີ­ລາ​ເອ​ຊຽນ​ເກມ ຄັ້ງ​ທີ 18 ທີ່​ປະ­ເທດ​ອິນ​ໂດ​ເນ​ເຊຍ ຮັບ​ກຽດ​ເປັນ​ເຈົ້າ­ພາບ ຖ້າ​ຫາກ​ສາ­ມາດ​ຍາດ​ໄດ້​ຫຼຽນ​ຄຳ​ຈະ​ໃຫ້​ເງິນ​ໂບ​ນັດ 50 ລ້ານ​ກີບ ພ້ອມ​ລົດ­ຈັກ 1 ຄັນ ຫຼຽນ​ເງິນ 20 ລ້ານ​ກີບ ພ້ອມ​ລົດ­ຈັກ 1 ຄັນ ແລະ ຫຼຽນ​ທອງ 10 ລ້ານ​ກີບ ພ້ອມ​ລົດ­ຈັກ 1 ຄັນ.

   ໃນ​ງານ​ກີ­ລາ​ເອ​ຊຽນ​ເກມ​ປີ​ນີ້ ສະ­ຫະ­ພັນ​ວູ​ຊູ​ແຫ່ງ​ຊາດ​ລາວ ໄດ້​ສົ່ງ​ນັກ­ກີ­ລາ 6 ຮຸ່ນ ຍິງ 2 ຮຸ່ນ.

   ດຳ­ເນີນ​ແຂ່ງ­ຂັນ​ໃນ​ວັນ​ທີ 20-23 ສິງ­ຫາ 2018 ແລະ ໄດ້​ລົງ​ແຂ່ງ­ຂັນ​ມາ​ແລ້ວ 5 ຮຸ່ນ ຕົກ​ຮອບ​ຄັດ​ເລືອກ 3 ຮຸ່ນ ຍິງ 2 ຮຸ່ນ ໂດຍ​ສະ­ເພາະ ຜົນ​ການ​ແຂ່ງ­ຂັນ​ຫຼ້າ​ສຸດ​ນັກ­ກີ­ລາ​ວູ​ຊູ​ທີມ​ຊາດ​ລາວ ລົງ​ສະ­ໜາມ​ແຂ່ງ­ຂັນ 3 ຮຸ່ນ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ຮຸ່ນ​ນ້ຳ­ໜັກ 56 ກິ​ໂລ ຮອບ 16 ຄົນ ຄຳ​ຫຼ້າ ສຸ​ຂະ​ພອນ ສາ­ມາດ​ເອົາ​ຊະ­ນະ​ນັກ­ກີ­ລາ​ເນ​ປານ 2-0 ເກມ ເຂົ້າ​ຮອບ​ຊີງ​ຫຼຽນ​ທອງ ພົບ​ກັບ​ຄູ່​ປັບ​ເກົ່າ ນັກ­ກີ­ລາ​ຈາກ​ຫວຽດ­ນາມ ແລະ ຮຸ່ນ​ນ້ຳ­ໜັກ 65 ກິ​ໂລ ດຳ​ຊຸມ­ພອນ ຂຽວ​ສະ­ຫວາດ ຊະ­ນະ​ຟາວ​ແບບ​ບໍ່​ໄດ້​ອອກ­ແຮງ​ເມື່ອຍ ຜ່ານ​ເຂົ້າ​ໄປ​ພົບ​ກັບ​ນັກ­ກີ­ລາ ອັບ​ກາ​ນິດ​ສະ­ຖານ ໃນ​ຮອບ​ຊີງ​ຫຼຽນ​ທອງ ຂະ­ນະ​ທີ່ ໜູ​ຄິດ ລາດ​ສະ­ເພົາ ເສຍ​ໃຫ້​ນັກ­ກີ­ລາ​ສີ​ລັງ­ກາ ຕົກ​ຮອບ​ຄັດ​ເລືອກ ຕາມ​ຮອຍ 2 ສາວ​ລາວ ນາງ ມີ່​ມີ່ ຍອຍ​ສາຍ​ຄຳ ຮຸ່ນ​ນ້ຳ­ໜັກ 52 ກິ​ໂລ ແລະ ນາງ ດອກ​ເປື່ອຍ ມະ­ນີ​ວັນ ຮຸ່ນ​ນ້ຳ­ໜັກ 56 ກິ​ໂລ ທີ່​ເສຍ​ໃຫ້​ນັກ­ກີ­ລາ​ຈາກ​ປະ­ເທດ​ຟິ​ລິບ​ປິນ ແນວ­ໃດ​ກໍ່​ຕາມ​ວູ​ຊູ​ລາວ​ຍັງ​ມີ​ອີກ 1 ຮຸ່ນ ທ້າວ ກາ­ລັນ ໂຄດ​ສົມ­ບັດ ຮຸ່ນ​ນ້ຳ­ໜັກ 70 ກິ​ໂລ.

ຂ່າວທີ່ກ່ຽວຂ້ອງ