ຂ່າວຫຼ້າສຸດ

ຊາວ​ມຸ​ສລິມ​ທົ່ວ​ໂລກ ເລີ່ມ​ຕ້ອນຮັບ​ເທດສະການ ອິດ ອາ​​ລ-ອັດ​ຮາ

207 23 ສ.ຫ. 2018 ຂ່າວຕ່າງປະເທດ
ຊາວ​ມຸ​ສລິມ​ທົ່ວ​ໂລກ ເລີ່ມ​ຕ້ອນຮັບ​ເທດສະການ ອິດ ອາ​​ລ-ອັດ​ຮາ

   ຊາວ​ມຸ​ສລິມ​ຫຼາຍ​ລ້ານ​ຄົນ​ໃນ​ທົ່ວ​ໂລກ ໄດ້​ເລີ່ມ​ຕ້ອນຮັບ​ວັນ​ບຸນ ຫຼື​ເທດສະການ ອິດ ອາ​​ລ-ອັດ​ຮາ  (Eid al-Adha) ໃນ​ວັນ​ທີ 21 ສິງຫາ​ນີ້ ເພື່ອ​ລ້ຳ​ລຶກ ແລະ​ບູຊາ​ພະ​ສາດສະດາ ອີ​ບຣາ​ຮິມ  (Ibrahim).

    ໃນ​ໂອກາດ​ດັ່ງກ່າວ ຊາວ​ມຸ​ສລິມ ມັກ​ພາກັນ​ໄປ​ເຕົ້າໂຮມ​ຢູ່​ໃນ​ສະຖານທີ່​ສັກສິດ​ຕ່າງໆ ຫຼື​ບໍ່​ກໍ​ຢູ່​ໃນ​ສະຖານທີ່​ສາທາລະນະ​ທີ່​ກວ້າງຂວາງ ເພື່ອ​ດຳເນີນ​ພິທີ​ທາງ​ສາສະໜາ ແລະ ​ຖວາຍ​ສິ່ງ​ທີ່​ມີ​ຊີວິດ​ເຊັ່ນ ແກະ ຫຼື​ແບ້ ດັ່ງນີ້​ເປັນຕົ້ນ. ຫຼັງ​ຈາກ​ນັ້ນແລ້ວ ຊີ້ນ​ຂອງ​ລັດ​ເຫຼົ່ານັ້ນ ກໍ​ຈະ​ຖືກ​ແບ່ງ​ໃຫ້​ຄອບຄົວ ເພື່ອນ​ມິດ ແລະ​ຄົນ​ທຸກ​ຍາກ.

    ຢູ່​ໃນ ອາ​ຣາ​ບີ ຊາ​ອຸ​ດິດ ມີ​ຊາວ​ມຸ​ສລິມ 2 ລ້ານ​ກວ່າ​ຄົນ ໄດ້​ເລີ່ມ​ການ​ສະແຫວງ​ບຸນ ຮາ​ຈິ  (Haji) ກ່ອນ​ທີ່​ເທດສະການ ອິດ ອາ​​ລ- ອັດ​ຮາ ຈະ​ເລີ່ມ​ຂຶ້ນ. ການ​ສະແຫວງ​ບຸນ​ນີ້ ເລີ່ມ​ຂຶ້ນ​ດ້ວຍ​ວິທີ​ຍ່າງ​ອ້ອມ​ອາຄານ ກາ​ອາ​ບາ (Kaaba) ຢູ່​ໃນ​ສະຖານທີ່​ສັກສິດ ເມ​ກະ (Mecca) ໃນ​ເຂດ​ຮ່ອມ​ພູ ມີນາ (Mina). ນີ້​ເປັນ​ໜຶ່ງ​ໃນ​ບັນດາ​ສະຖານທີ່​ສັກສິດ​ທີ່​ສຸດ​ສຳລັບ​ຊາວ​ມຸ​ສລິມ  ໂດຍ​ໃນ​ແຕ່​ລະ​ປີ ບໍ່​ສະເພາະ​ແຕ່​ມີ​ຊາວ ອາ​ຣາ​ບີ ຊາ​ອຸ​ດິດ ເທົ່່າ​ນັ້ນ ຫາກ​ຍັງ​ລວມ​ເຖິງ​ຊາວ​ມຸ​ສລິມ​ຫຼາຍ​ລ້ານ​ຄົນ ຈາກ​ທົ່ວ​ໂລກ ພາກັນ​ມາ​ທີ່​ນີ້​ເພື່ອ​ປະຕິບັດ​ພິທີ​ທາງ​ສາສະໜາ.

 

ຂ່າວທີ່ກ່ຽວຂ້ອງ