ຂ່າວຫຼ້າສຸດ

ກອງ​ກຳລັງ​ກູ້​ໄພ​ໃນ​ອີ​ຕາ​ລີ ສືບຕໍ່​ຄົ້ນ​ຫາ​ຜູ້​ຫາຍ​ສາບ​ສູນຈາກ​ເຫດການ​ນ້ຳນອງ

191 23 ສ.ຫ. 2018 ຂ່າວຕ່າງປະເທດ
ກອງ​ກຳລັງ​ກູ້​ໄພ​ໃນ​ອີ​ຕາ​ລີ ສືບຕໍ່​ຄົ້ນ​ຫາ​ຜູ້​ຫາຍ​ສາບ​ສູນຈາກ​ເຫດການ​ນ້ຳນອງ

   ວັນ​ທີ 21 ສິງຫາ​ນີ້ ເຈົ້າ​ໜ້າທີ່​ກູ້​ໄພ ໄດ້​ໃຊ້​ເຮືອບິນ​ເອ​ລີ​ກອບ​ແຕ ແລະ​ໂຄມໄຟ​ແສງ​ສະຫວ່າງ ສືບຕໍ່​ຄົ້ນ​ຫາ​ຢູ່​ລຽບ​ຕາມ​ແມ່ນ້ຳ​ທີ່​ໄຫຼ​ມາ​ຈາກ​ຮ່ອມ​ພູ ຣາ​ກາ​ເນ​ໂລ ໃນ​ເຂດ ກາ​ລັບ​ເຣຍ (ພາກ​ໃຕ້​ອີ​ຕາ​ລີ) ບ່ອນ​ຊຶ່ງ​ເກີດ​ຝົນຕົກ​ໜັກ​ລົງ​ມາ​ຢ່າງ​ບໍ່​ຄາດ​ຝັນ ເຮັດ​ໃຫ້​ເກີດ​ກະແສນ້ຳ​ນອງ​ຢ່າງ​ແຮງ ແລະ ພັດ​ເອົາ​ນັກ​ທ່ອງ​ທ່ຽວ​ໄຫຼ​ໄປ​ຫຼາຍ​ຄົນ ໃນ​ວັນ​ທີ 20 ສິງຫາ​ນີ້ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 11 ຄົນ.

    ນອກຈາກ​ນັ້ນແລ້ວ ຍັງ​ມີ​ຜູ້​ຫາຍ​ສາບ​ສູນ​ອີກ 5 ຄົນ ແລະ ມີ​ຜູ້​ໄດ້​ຮັບ​ຄວາມ​ຊ່ວຍເຫຼືອ​ອອກ​ມາ​ໄດ້ 23 ຄົນ ແຕ່​ວ່າ​ເຈົ້າ​ໜ້າທີ່​ໃນ​ທອງ​ຖິ່ນ​ໃຫ້ການ​ຄາດ​ຄະເນ​ວ່າ ຕົວ​ເລກ​ດັ່ງກ່າວ ອາດ​ຈະ​ຫຼາຍ​ກວ່າ​ນັ້ນ ເພາະວ່າ ບໍ່​ແມ່ນ​ວ່າ​ທຸກໆ​ຄົນ​ທີ່​ເຂົ້າ​ໄປ​ໃນ​ເຂດ​ຮ່ອມ​ພູ ຣາ​ກາ​ເນ​ໂລ ນັ້ນ​ໄດ້​ລົງທະບຽນ​ກັບ​ເຈົ້າ​ໜ້າທີ່ໆ​ກ່ຽວຂ້ອງ.

 

ຂ່າວທີ່ກ່ຽວຂ້ອງ