ຂ່າວຫຼ້າສຸດ

ເກີດ​ເຫດການ​ລັກ​ພາ​ຕົວ​ຢູ່​ໃນ​ຝຣັ່ງ

56 23 ສ.ຫ. 2018 ຂ່າວຕ່າງປະເທດ
ເກີດ​ເຫດການ​ລັກ​ພາ​ຕົວ​ຢູ່​ໃນ​ຝຣັ່ງ

    ວັນ​ທີ 21 ສິງຫາ​ນີ້ ຕຳຫຼວດ​ຝຣັ່ງ ໄດ້​ບຸກ​ເຂົ້າ​ໄປ​ໃນ​ອາຄານ​ຫ້ອງ​ແຖວ​ຫຼັງ​ໜຶ່ງ ຢູ່​ໃນ​ນະຄອນຫຼວງ​ປາ​ຣີ ຫຼັງ​ຈາກ​ທີ່​ໄດ້​ຮັບ​ແຈ້ງ​ຂ່າວ​ຈາກ​ຜູ້​ເຫັນ​ເຫດການ ກ່ຽວ​ກັບ​ເປົ້າ​ໝາຍ​ລັກ​ພາ​ຕົວ​ຜູ້​ຄົນ​ໄປ​ເປັນ​ຕົວ​ປະກັນ ມາ​ເປັນ​ເວລາ 16 ຊົ່ວໂມງ ແຕ່​ຍັງ​ບໍ່​ທັນ​ເປັນ​ທີ່​ຈະ​ແຈ້ງວ່າ ຄົນ​ຮ້າຍ​ຈັບ​ຕົວ​ປະກັນ​ໄວ້​ຈັກ​ຄົນ.

    ກ່ອນ​ໜ້າ​ນີ້ ເມື່ອ​ວັນ​ທີ 12 ມິຖຸນາ​ທີ່​ຜ່ານ​ມາ ກໍ​ໄດ້​ເກີດ​ເຫດການ​ລັກ​ພາ​ຕົວ​ມາ​ແລ້ວ ເມື່ອ​ຜູ້​ຊາຍ​ຄົນ​ໜຶ່ງ​ທີ່​ມີ​ອາວຸດ ໄດ້​ບຸກ​ເຂົ້າ​ໄປ​ໃນ​ອາຄານ​ຫຼັງ​ໜຶ່ງ ໃນ​ພື້ນ​ທີ່​ນະຄອນຫຼວງ​ປາ​ຣີ ໂດຍ​ໄດ້​ຈັບ​ຕົວ​ຜູ້​ຄົນ​ຈຳນວນ​ໜຶ່ງ​ໄປ​ເປັນ​ຕົວ​ປະກັນ. ຫຼັງ​ຈາກ​ເຫດການ​ນີ້​ເກີດ​ຂຶ້ນ ຕຳຫຼວດ​ກໍ​ໄດ້​ຈັບ​ກຸມ​ຄົນ​ຮ້າຍ​ທີ່​ກໍ່​ເຫດ ແລະ ​ຊ່ວຍເຫຼືອ​ຕົວ​ປະກັນ​ອອກ​ມາ​ໄດ້​ຢ່າງ​ປອດ​ໄພ.

 

ຂ່າວທີ່ກ່ຽວຂ້ອງ