ຂ່າວຫຼ້າສຸດ

“ຊາລາ-ໂຣນັນໂດ-ໂມດຣິຊ” ຊີງລາງວັນນັກເຕະດີເດ່ັນ “ຢູຟາ”

339 22 ສ.ຫ. 2018 ວົງຈອນກີລາ
“ຊາລາ-ໂຣນັນໂດ-ໂມດຣິຊ” ຊີງລາງວັນນັກເຕະດີເດ່ັນ “ຢູຟາ”

          ຄຣິສເຕຍໂນ່ ໂຣນັນໂດ, ລູກາ ໂມດຣິຊ ແລະ ໂມຮາເໝັດ ຊາລາ ມີຊື່ເຂົ້າຊິງລາງວັນນັກເຕະໂດດເດັ່ນຂອງ ຢູຟ່າ ປະຈຳລະດູການ 2017/18 ໂດຍການປະກາດລາງວັນຈະມີຂຶ້ນທ້າຍເດືອນນີ້.

          ສະຫະພັນເຕະບານເອີຣົບ (ຢູຟ່າ) ປະກາດລາຍຊື່ 3 ນັກເຕະທີ່ຖືກສະເໜີຊິງຣາງວັນ "ນັກເຕະໂດດເດັ່ນຂອງ ຢູຟ່າ ປະຈຳລະດູການ 2017/18 " ອອກມາເປັນທີ່ຮຽບຮ້ອຍ ເມື່ອວັນຈັນທີ 20 ສິງຫາທີ່ຜ່ານມາ ຊຶ່ງປະກອບໄປດ້ວຍ ຄຣິສເຕຍໂນ່ ໂຣນັນໂດ ຍອດກອງໜ້າ ຢູເວນຕຸສ ລູກາ ໂມດຣິຊ ກອງກາງ ຣິວ ມາດຣິດ ແລະ ໂມຮາເໝັດ ຊາລາ ດາວຍິງຄົນເກັ່ງ ລິເວີພູນ.

          ໂຣນັນໂດ ກັບ ໂມດຣິຊ ຊ່ວຍກັນພາ ຣິວ ມາດຣິດ ຄວ້າແຊັມ ຢູຟ່າ ແຊັມປຽນ ລີກ ມາຄອງຢ່າງຍິ່ງໃຫຍ່ໃນລະດູການທີ່ຜ່ານມາ ກ່ອນທີ່ຄົນທໍາອິດຈະຍ້າຍໄປ ຢູເວນຕຸສ ໄລຍະພັກຮ້ອນນີ້ ຂະນະທີ່ ຊາລາ ສາມາດຊ່ວຍລີເວິພູນ ທະລຸເຂົ້າເຖິງຮອບຊິງຯ ຂັນໃຫຍ່ ແຖມຍັງຍິງປະຕູໄດ້ຫຼາຍເຖິງ 44 ລູກ ຈາກການລົງຫຼິ້ນລວມທຸກລາຍການ 52 ນັດ.

          ສຳລັບສາມນັກເຕະທີ່ຖືກສະເໜີຊື່ເຂົ້າຊິງລາງວັນນັກເຕະໂດດເດັ່ນແຫ່ງປີຂອງ ຢູຟ່າ ນັ້ນ ຖືກເລືອກຈາກໂຄ໊ຊ 80 ຄົນທີ່ຮ່ວມສຶກແຊັມປຽນ ລີກ ແລະ ຢູໂຣປາ ລີກ ລະດູການ 2017-18 ຮ່ວມກັບນັກຂ່າວ 55 ຄົນທີ່ຖືກຄັດເລືອກໂດຍ ຢູໂຣປຽນ ສະປອດ ມີເດຍ ກຣຸ໊ບ ແລະ ຕົວແທນຈາກຊາດສະມາຊິກຂອງ ຢູຟ່າ.

          ທັ້ງນີ້ ການປະກາດລາງວັນຈະມີຂຶ້ນໃນວັນທີ່ 30 ສິງຫາ ຊຶ່ງເປັນວັນດຽວກັບການຈັບສະຫຼາກແບ່ງກຸ່ມສຶກ ຢູຟ່າ ແຊັມປຽນ ລີກ ລະດູການ 2018/19.

ຂ່າວທີ່ກ່ຽວຂ້ອງ