ຂ່າວຫຼ້າສຸດ

ເປິດອັດຕາແຊັມພຣີເມຍຫຼ້າສຸດ ແມນຊິຕີຕົວເກງ ລິເວີພູນຈີ້ຕິດ

138 22 ສ.ຫ. 2018 ວົງຈອນກີລາ
ເປິດອັດຕາແຊັມພຣີເມຍຫຼ້າສຸດ ແມນຊິຕີຕົວເກງ ລິເວີພູນຈີ້ຕິດ

ເປິດອັດຕາຕໍ່ລອງແຊັມພຣີເມຍຫຼ້າສຸດ ຫຼັງຜ່ານພົ້ນນັດທີສອງໄປຄົບທຸກຄູ່ ປາກົດວ່າ ຮ້ານຮັບພະນັນຖືກກົຕໝາຍຂອງອັງກິດຍັງເຊີດຊູ ແມນຯ ຊິຕີ ແຊັມເກົ່າ ເປັນຕົວເກງອັນດັບ 1 ດ້ວຍລາຄາແບບແທງຫຼາຍກວ່າຈ່າຍ ຕາມມາດ້ວຍ ລິເວີພູນ ຂະນະທີ່ ແມນຯ ຢູໄນເຕັດ ຫຼົ່ນຈາກຕົວເກງອັນດັບ 5 ດ້ວຍອັດຕາຈ່າຍສຸດຕໍ່າ.

          ແມນຯ ຊິຕີ ທີ່ເກັບໄຊຊະນະ 2 ນັດ ຍັງຄົງເປັນຕົວເກງອັນດັບ 1 ຂອງຮ້ານດັງຢ່າງ ໂຄຣັນ ທີ່ລາຄາ 4/7 (ແທງ 7 ໄດ້ 4 ບໍ່ລວມທຶນ) ຕາມມາດ້ວຍ ລີເວີພູນ ທີ່ໄດ້ 6 ແຕ້ມເຕັມເຊັ່ນກັນ ທີ່ລາຄາ 3/1 ຫຼັງຫາກໍບຸກຊະນະ ຄຣິສຕັນ ພາເລຊ 2-0 ເມື່ອຄືນວັນຈັນທີ່ຜ່ານມາ.

          ດ້ານຕົວເກງອັນດັບ 3 ຕົກເປັນຂອງ ເຊວຊີ ທີ່ລາຄາຂ້ອນຂ້າງຫ່າງເຖິງ 12/1 ຕົວເກງອັນດັບ 4 ທັອດແນ່ມ ຮັອດສະເປີ 16/1 ສ່ວນ ແມນຯ ຢູໄນເຕັດ ທີ່ຫາກໍພ່າຍແພ້ນັດທໍາອິດຂອງລະດູການຕໍ່ ໄບຣຕັນ ຄອງຕົວເກງ 5 ທີ່ລາຄາສຸດຕໍ່າເຖິງ 20/1  ຂະນະທີ່ ອາເຊນ່ອນ ຊຶ່ງຍັງບໍ່ມີແຕ້ມ ເປັນຕົວເກງອັນດັບ 6 ທີ່ລາຄາຈ່າຍ 50/1.

ຂ່າວທີ່ກ່ຽວຂ້ອງ