OCA ກຽມຕັດນັກກີລາໃຊ້ສານກະຕຸ້ນ 3 ຄົນອອກຈາກເອຊຽນເກມສ໌

95 22 ສ.ຫ. 2018 ວົງຈອນກີລາ
OCA ກຽມຕັດນັກກີລາໃຊ້ສານກະຕຸ້ນ 3 ຄົນອອກຈາກເອຊຽນເກມສ໌

          ທ່ານ ຊີກ ຮາໝັດ ອັນ ຟາອັດ ອັນຊາບາ ປະທານຄະນະກໍາມະການໂອລິມປິກແຫ່ງອາຊີ ຫຼື OCA ເປິດເຜີຍວ່າ ສິ່ງທີ່ ເອຊຽນເກມສ໌ ຕ້ອງເລັ່ງແກ້ໄຂໃນຕອນນີ້ກໍຄື ເລື່ອງຂອງການໃຊ້ສານກະຕຸ້ນ ເພື່ອໃຫ້ການແຂ່ງຂັນເປັນໄປຢ່າງຂາວສະອາດ.

                “ມີ 3 ຊະນິດກີລາທີ່ມີບັນຫາໃນເລື່ອງນີ້ມາຕະຫຼອດ 12 ປີທີ່ຜ່ານມາ ເມື່ອເປັນແບບນີ້ ເຮົາກຳລັງມີການພິຈາລະນາກັນຢູ່ວ່າ ອາດຈະມີການຫຼຸດຈຳນວນການແຂ່ງຂັນຂອງກີລາດັ່ງກ່າວ ລວມເຖິງອາດພິຈາລະນາເຖິງການຕັດກີລາຊະນິດນັ້ນໆອອກໄປກໍເປັນໄດ້ ຫາກນັກກີລາຍັງປະພຶດຕົວກັນແບບນີ້ຕໍ່ໄປ”.

          OCA ໄດ້ຮັບລາຍງານວ່າ ມີການເສບສານກະຕຸ້ນເຖິງ 10 ຄັ້ງໃນການແຂ່ງຂັນກີລາເອຊຽນອິນດໍ ແລະ ມາຊຽວອາດສ໌ເກມສ໌ ທີ່ອາຊກາບັຕ ປະເທດຕວກເມນິສຖານ ເມື່ອປີກ່ອນ ໂດຍຈະນຳເລື່ອງດັ່ງກ່າວນີ້ມາໂອ້ລົມກັນໃນທ້າຍອາທິດນີ້ທີ່ອິນໂດເນເຊຍ.

                “ເຮົາກຳລັງເຮັດວຽກຢ່າງໜັກເພື່ອໃຫ້ເກມອອກມາດີທີ່ສຸດ ແລະ ຂາວສະອາດທີ່ສຸດ ຂ້ອຍເຊື່ອໝັ້ນວ່າ ເຮົາຊາວອາຊີຈະເຮັດໄດ້ໃນເລື່ອງທີ່ບໍ່ຈຳເປັນຕ້ອງມີນັກກີລາເສບຢາ ເຮົາຫວັງວ່າພາລະກິດນີ້ຈະສຳເລັດໄດ້ໃນໄວໆນີ້”.

          ທັ້ງນີ້ ທີມກີລາຈາກ ຈີນ ກັບ ກາຊັກສະຖານ ຖືກຫ້າມແຂ່ງໃນການແຂ່ງຂັນຍົກນ້ຳໜັກ ເອຊຽນເກມສ໌ ຄັ້ງນີ້ ເນື່ອງຈາກມີບັນຫາເລື່ອງສານກະຕຸ້ນ.

ຂ່າວທີ່ກ່ຽວຂ້ອງ