ຂ່າວຫຼ້າສຸດ

ສ ເກົາຫຼີ ແລະ ​ສປປ ເກົາຫຼີ ຈັດການ​ພົບ​ປະ​ຍາດຕິ​ພີ່ນ້ອງ ທີ່​ພັດ​ພາກ​ຈາກ​ກັນ​ເປັນ​ເວລາ​ດົນ​ນານ

192 22 ສ.ຫ. 2018 ຂ່າວຕ່າງປະເທດ
ສ ເກົາຫຼີ ແລະ ​ສປປ ເກົາຫຼີ ຈັດການ​ພົບ​ປະ​ຍາດຕິ​ພີ່ນ້ອງ ທີ່​ພັດ​ພາກ​ຈາກ​ກັນ​ເປັນ​ເວລາ​ດົນ​ນານ

     ຕອນ​ເຊົ້າ​ວັນ​ທີ 20 ສິງຫາ​ນີ້ ປະຊາຊົນ ສ ເກົາຫຼີ ຈຳນວນ 89 ຄົນ ຊຶ່ງ​ເກືອບ​ທັງ​ໝົດ​ຢູ່​ໃນ​ໄວ​ສູງ​ກວ່າ 70 - 80 ປີ ໄດ້​ເຂົ້າ​ຮ່ວມ​ກິດຈະກຳ​ເຕົ້າໂຮມ​ຄອບຄົວ ທີ່​ພັດ​ພາກ​ຈາກ​ກັນ​ໄປ​ຕັ້ງແຕ່​ສະ ໄໝ​ສົງຄາມ​ເກົາຫຼີ (1950-1953) ໂດຍ​ທີ່​ເຂົາເຈົ້າ​ໄດ້​ເດີນທາງ ໄປ​ພົບ​ໜ້າ​ພໍ້​ຕາ​ກັບ​ຄອບຄົວ​ຂອງ​ຕົນ​ຢູ່​ທີ່​ພູ ກຶມ​ກັງ ໃນ ​ສປປ ເກົາຫຼີ.

    ກະຊວງ​ທ້ອນໂຮມ​ປະເທດ​ຊາດ​ເປັນ​ເອກະ​ພາບ​ຂອງ ສ.ເກົາຫຼີ ໃຫ້​ຮູ້​ວ່າ ຄາດ​ວ່າ ປະຊາຊົນ ສ ເກົາຫຼີ ເດີນທາງ​ໄປ​ເຖິງ​ພູ ກຶມ​ກັງ ໃນ​ຕອນ​ທ່ຽງ​ວັນ​ຂອງ​ວັນ​ທີ 20 ສິງຫາ ແລະ​ຈະ​ເລີ່ມ​ກິດຈະກຳ​ພົບ​ປະ​ໃນ​ເວລາ 15 ໂມງ ຂອງ​ວັນ​ດຽວ​ກັນ.

    ສ ເກົາຫຼີ ແລະ ​ສປປ ເກົາຫຼີ ໄດ້​ຕົກລົງ​ກັນ​ຈະ​ຈັດ​ກິດຈະກຳ​ເຕົ້າໂຮມ​ຄອບຄົວ​ທີ່​ພັດ​ພາກ​ຈາກ​ກັນ​ນັ້ນ​ເປັນ​ເທື່ອ​ທີ 21 ໂດຍ​ແບ່ງ​ອອກ​ເປັນ 2 ງວດ ໃນ​ນັ້ນ​ງວດ​ທຳ​ອິດ​ຈັດ​ຂຶ້ນ​ຢູ່​ພູ ກຶມ​ກັງ ໃນ​ວັນ​ທີ 20-22 ສິງຫາ​ນີ້ ທີ່​ມີ​ປະຊາຊົນ​ຈາກ ສ ເກົາຫຼີ ຈຳນວນ 89 ຄົນ​ຈະ​ໄດ້​ພົບ​ໜ້າ​ພໍ້​ຕາ​ກັບ​ຄອບຄົວ​ຂອງ​ເຂົາເຈົ້າ​ຢູ່ ​ສປປ ເກົາຫຼີ. ຕໍ່​ມາ ງວດ​ທີ​ສອງ ຈະ​ຈັດ​ຂຶ້ນ​ໃນ​ວັນ​ທີ 24-26 ສິງຫາ​ນີ້ ໂດຍ​ມີ​ປະຊາຊົນ​ຈາກ ​ສປປ ເກົາຫຼີ ຈຳນວນ 83 ຄົນ ຈະ​ໄດ້​ພົບ​ໜ້າ​ພໍ້​ຕາ​ກັບ​ຄອບຄົວ​ຂອງ​ເຂົາເຈົ້າ​ຢູ່​ໃນ ສ ເກົາຫຼີ.

 

ຂ່າວທີ່ກ່ຽວຂ້ອງ