ຂ່າວຫຼ້າສຸດ

ຕວກ​ກີ ຈັບ​ກຸມ​ຜູ້​ທີ່​ກ່ຽວຂ້ອງ​ກັນ​ເຫດການ​ຍິງ​ປືນ​ໃສ່​ສະຖານທູດ ສ ອາ​ເມ​ຣິ​ກາ

170 22 ສ.ຫ. 2018 ຂ່າວຕ່າງປະເທດ
ຕວກ​ກີ ຈັບ​ກຸມ​ຜູ້​ທີ່​ກ່ຽວຂ້ອງ​ກັນ​ເຫດການ​ຍິງ​ປືນ​ໃສ່​ສະຖານທູດ ສ ອາ​ເມ​ຣິ​ກາ

     ສຳນັກ​ຂ່າວສານ Anadolu ຂອງ​ຕວກ​ກີ ລາຍ​ງານ​ວ່າ ວັນ​ທີ 20 ສິງຫາ​ນີ້ ຕຳຫຼວດ​ຕວກ​ກີ ໄດ້​ຈັບ​ກຸມ​ເປົ້າ​ໝາຍ​ຜູ້​ໜຶ່ງ ທີ່​ພົວພັນ​ເຖິງ​ເຫດການ​ຍິງ​ປືນ​ໃສ່​ສະຖານທູດ ສ ອາ​ເມ​ຣິ​ກາ ຢູ່​ໃນ ນະຄອນຫຼວງ​ອັງກາ​ຣາ  ຊຶ່ງ​ເກີດ​ຂຶ້ນ​ກ່ອນ​ໜ້າ​ນັ້ນ​ໃນ​ວັນ​ດຽວ​ກັນ ແຕ່​ວ່າ​ບໍ່​ໄດ້​ໃຫ້​ຮູ້​ຂໍ້ ມູນ​ລະອຽດ ເພີ່ມ​ເຕີມ.

    ໃນ​ຕອນ​ເຊົ້າ​ຂອງ​ວັນ​ທີ 20 ສິງຫາ ມີ​ມື​ປືນ​ຜູ້​ໜຶ່ງ ທີ່​ບໍ່​ຮູ້​ວ່າ​ເປັນ​ຝ່າຍ​ໃດ ທີ່​ຂີ່​ລົດ​ໂອ​ໂຕ​ສີຂາວ ໄດ້​ຍິງ​ປືນ​ຫຼາຍ​ນັດ​ໃສ່​ອາຄານ​ສະຖານທູດ ສ ອາ​ເມ​ຣິ​ກາ ປະຈຳ​ນະຄອນຫຼວງ​ອັງກາ​ຣາ. ຫຼັງ​ຈາກ ກໍ່​ເຫດ​ແລ້ວ ລົດ​ຄັນ​ດັ່ງກ່າວ​ກໍ​ໄດ້​ແລ່ນ​ອອກ​ໄປ​ຈາກ​ບ່ອນເກີດ​ເຫດ ຈຶ່ງ​ເຮັດ​ໃຫ້​ຕຳຫຼວດ ບໍ່​ກຳນົດ​ໄດ້ ເຖິງ​ປ້າຍ​ທະບຽນ​ຂອງ​ລົດ. ການ​ຍິງ​ປືນ​ດັ່ງກ່າວ ໄດ້​ເຮັດ​ໃຫ້​ແກ້ວ​ປ່ອງຢ້ຽມ​ຂອງ​ອາຄານ​ແຕກ ແຕ່​ບໍ່​ມີ​ຜູ້​ໄດ້​ຮັບ​ບາດເຈັບ ຫຼື​ເສຍ​ຊີວິດ.

 

ຂ່າວທີ່ກ່ຽວຂ້ອງ