ຢູ-23 ທີມຊາດລາວ ຊະນະນັດສົ່ງທ້າຍ ເອຊຽນ ເກມ

212 22 ສ.ຫ. 2018 ວົງຈອນກີລາ
ຢູ-23 ທີມຊາດລາວ ຊະນະນັດສົ່ງທ້າຍ ເອຊຽນ ເກມ

    ນັກ­ກີ­ລາ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 23 ປີ ລົງ​ສະ­ໜາມ​ນັດ​ສົ່ງ​ທ້າຍ ສາ­ມາດ​ເອົາ​ຊະ­ນະ​ທີມ​ຊາດ​ໄຕ້​ຫວັນ​ໄປ​ໄດ້ 2-0 ໃນ​ການ​ແຂ່ງ­ຂັນ​ເຕະ­ບານ​ຊາຍ ງານ​ມະ​ຫະ​ກຳ​ກີ­ລາ​ເອ​ຊຽນ ເກມ ຄັ້ງ​ທີ 18 ທີ່​ນະ­ຄອນ­ຫຼວງ​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ເປັນ​ເຈົ້າ­ພາບ ລະ­ຫວ່າງ​ວັນ​ທີ 18 ສິງ­ຫາ ຫາ 2 ກັນ­ຍາ 2018.

    ການ​ແຂ່ງ­ຂັນ​ຄັ້ງ​ນີ້ ຈັດ​ຂຶ້ນ​ໃນ​ວັນ​ທີ 20 ສິງ­ຫາ 2018 ທີ່​ນະ­ຄອນ­ຫຼວງ​ຈາ​ກາ​ຕາ ໂດຍ​ທີມ​ຊາດ​ລາວ ຢູ່​ກຸ່ມ ເອ ລົງ​ສະ­ໜາມ​ພົບ​ກັບ​ທີມ​ຊາດ​ໄຕ້​ຫວັນ ຜ່ານ​ການ​ແຂ່ງ­ຂັນ​ຕະ­ຫຼອດ 90 ນາ­ທີ ເປັນ​ທີມ​ຊາດ​ລາວ​ສາ­ມາດ​ເອົາ​ຊະ­ນະ​ໄປ​ໄດ້ 2-0 ຈາກ​ການ​ຍິງ​ຂອງ ທ້າວ ຈັນ​ສະ­ໝອນ ພົມ​ມະ​ລີ​ວັນ ນາ­ທີໆ 5 ແລະ ທ້າວ ຕີ​ນີ່ ບຸນ​ມາ­ໄລ ນາ­ທີໆ 74 ເຊິ່ງ​ການ​ເອົາ​ຊະ­ນະ​ນັດ​ນີ້ ເປັນ​ຄັ້ງ​ປະ­ຫວັດ­ສາດ​ໃນ​ບານ­ເຕະ​ກີ­ລາ ເອ​ຊຽນ ເກມ.

    ສຳ­ລັບ​ທີມ​ຊາດ​ລາວ ຢູ່​ຮ່ວມ​ກຸ່ມ ເອ ປະ­ກອບ​ມີ: ຮົງ​ກົງ ປາ​ເລ​ສ​ຕິນ ອິນ​ໂດ​ເນ​ເຊຍ (ເຈົ້າ­ພາບ) ໄຕ້​ຫວັນ ແລະ ສປປ ລາວ ໂດຍ​ທີມ​ຊາດ​ລາວ ລົງ​ສະ­ໜາມ​ນັດ​ທຳ​ອິດ ວັນ​ທີ 10 ສິງ­ຫາ 2018 ເສຍ​ໃຫ້ ຮົງ​ກົງ 1-3 ນັດ​ທີ​ສອງ ວັນ​ທີ 12 ສິງ­ຫາ 2018 ເສຍ​ໃຫ້ ປາ​ເລ​ສ​ຕິນ ນັດ​ທີ​ສາມ ວັນ​ທີ 17 ສິງ­ຫາ 2018 ເສຍ​ໃຫ້ ອິນ​ໂດ​ເນ​ເຊຍ 0-3 ແລະ ນັດ​ສຸດ​ທ້າຍ ວັນ​ທີ 20 ສິງ­ຫາ 2018 ຊະ­ນະ ໄຕ້​ຫວັນ 2-0.

ຂ່າວທີ່ກ່ຽວຂ້ອງ