ຂ່າວຫຼ້າສຸດ

ມຊ ມີຄວາມພ້ອມ 100% ສໍາລັບການສອບເສັງ 25 ສິງຫານີ້

242 22 ສ.ຫ. 2018 ຂ່າວໜ້າ​ໜຶ່ງ
ມຊ ມີຄວາມພ້ອມ 100% ສໍາລັບການສອບເສັງ 25 ສິງຫານີ້

    ປັດ­ຈຸ­ບັນ​ມີ​ຫຼາຍ​ສະ​ຖາ​ບັນ​ການ​ສຶກ​ສາ ທັງ​ພາກ​ລັດ ແລະ ເອ­ກະ​ຊົນ ໄດ້​ກະ­ກຽມ​ການ​ສອບ­ເສັງ​ຄັດ​ເລືອກ​ເອົາ​ນັກຮຽນ​ທີ່​ຮຽນ​ຈົບ​ຊັ້ນ ມ7 ສົກ­ຮຽນ 2017-2018 ພາຍ­ຫຼັງ​ທີ່​ເປີດ​ຮັບ​ສະ​ໜັກ​ລົງ­ທະ­ບຽນ​ມາ​ເປັນ​ເວ­ລາ​ເກືອບ​ເດືອນ ໃນ​ນັ້ນ ກໍ່​ມີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ມຊ) ທີ່​ຈະ​ສອບ­ເສັງ​ໃນ​ທ້າຍ​ອາ­ທິດ​ນີ້ ເພື່ອ​ຄັດ​ເລືອກ​ເອົາ​ນັກ­ຮຽນ​ທີ່​ມີ​ຄຸ­ນະ­ພາບ​ເກ່ງ​ເຂົ້າ​ມາ​ສຶກ​ສາ​ຢູ່​ສະ​ຖາ​ບັນ​ທີ່​ມີ​ຊື່​ສຽງ​ແຫ່ງ​ນີ້ ເພື່ອ​ສ້າງ​ບຸ​ຄະ­ລາ​ກອນ​ທີ່​ມີ​ຄຸ­ນະ­ພາບ​ຮັບ​ໃຊ້​ສັງ­ຄົມ ກໍ່​ຄື ປະ­ເທດ​ຊາດ.

    ທ່ານ ຄຳ​ຜົງ ນາມ​ມະ​ວົງ​ມີ​ໄຊ ຫົວ­ໜ້າ​ຫ້ອງ­ການ​ວິ­ຊາ​ການ ມຊ ໄດ້​ໃຫ້​ສຳ­ພາດ​ວັນ​ທີ 20 ສິງ­ຫາ 2018 ວ່າ:ສະ­ພາບ​ການ​ສອບ­ເສັງ​ຮັບ​ເອົາ​ນັກ​ສຶກ​ສາ ສົກ­ຮຽນ 2018-2019 ມຊ ໄດ້​ມີ​ການ​ກະ­ກຽມ​ຄວາມ​ພ້ອມ​ຮອບ­ດ້ານ ພາຍ­ຫຼັງ​ທີ່​ໄດ້​ຮັບ​ອະ­ນຸ­ມັດ​ມີ​ຂໍ້​ຕົກ­ລົງ​ຄະ­ນະ​ກຳ­ມະ­ການ​ສອບ­ເສັງ​ລະ­ດັບ​ຊາດ ຈາກ​ກະ­ຊວງ​ສຶກ​ສາ​ທິ​ການ ແລະ ກີ­ລາ ແລະ ອີງ­ໃສ່​ກອງ​ປະ­ຊຸມ​ສຶກ​ສາ​ຊັ້ນ​ສູງ​ທົ່ວ​ປະ­ເທດ​ຈັດ​ຂຶ້ນ​ຢູ່​ແຂວງ​ຈຳ­ປາ​ສັກ ໃນ​ເດືອນ​ເມ­ສາ 2018 ໄດ້​ກຳ­ນົດ​ມື້​ສອບ­ເສັງ​ຂອງ​ແຕ່​ລະ​ຄະ­ນະ​ວິ­ຊາ​ສອບ­ເສັງ​ຕ່າງໆ ພາຍ­ຫຼັງ​ໄດ້​ຮັບ​ການ​ແຈ້ງ​ການ​ຂອງ​ກະ­ຊວງ ມຊ ກໍ່​ໄດ້​ແຕ່ງ­ຕັ້ງ​ຄະ­ນະ​ຮັບ­ຜິດ­ຊອບ​ສອບ­ເສັງ​ລະ­ດັບ​ຊາດ​ສະ­ເພາະ ມຊ ໂດຍ​ມີ​ທ່ານ​ອະ­ທິ­ການ​ບໍ­ດີ​ເປັນ​ປະ­ທານ ທ່ານ​ຮອງ​ອະ­ທິ­ການ​ບໍ­ດີ​ຝ່າຍ​ວິ­ຊາ​ການ​ເປັນ​ຜູ້​ປະ­ຈຳ ການ ນອກ​ນັ້ນ ກໍ່​ມີ​ຄະ­ນະ­ບໍ­ດີ ຄະ­ນະ​ວິ­ຊາ​ຕ່າງໆ ຫົວ­ໜ້າ​ຫ້ອງ­ການ ສະ​ຖາ​ບັນ​ສາ­ຂາ​ຕ່າງໆ​ເຂົ້າ​ມາ​ເປັນ​ຄະ­ນະ​ກຳ​ມະການ ການ​ກະ­ກຽມ​ສອບ­ເສັງ​ປີ​ນີ້ ​ກໍ່​ຈັດ​ຄ້າຍ​ກັບ​ປີ­ຜ່ານ­ມາ ຄື: ມີ​ສູນ​ສອບ­ເສັງ 20 ຈຸດ ແລະ 1 ສູນ​ສອບ­ເສັງ.

ຂ່າວທີ່ກ່ຽວຂ້ອງ