ຂ່າວຫຼ້າສຸດ

ທົ່ວປະເທດ ປັກດຳເຂົ້ານາປີສຳເລັດ 94% ຂະນະເນື້ອທີ່ຜົນເສຍຫາຍກໍ່ມີສູງ

191 22 ສ.ຫ. 2018 ຂ່າວໜ້າ​ໜຶ່ງ

    ປັດ­ຈຸ­ບັນ​ຊາວ​ກະ­ສິ­ກອນ​ໃນ​ທົ່ວ​ປະ­ເທດ ກຳ­ລັງ​ຂຸ້ນ­ຂ້ຽວ​ປັກ​ດຳ​ເຂົ້າ­ນາ​ປີ ເພື່ອ​ໃຫ້​ສຳ­ເລັດ​ທ່ວງ​ທັນ​ຕາມ​ລະ­ດູ​ການ ເຊິ່ງ​ມາ​ຮອດ​ປັດ­ຈຸ­ບັນ​ຢູ່​ແຕ່​ລະ​ພາກ​ຂອງ ສປປ ລາວ ສາ­ມາດ​ປັກ​ດຳ​ເຂົ້າ­ນາ​ປີ​ສຳ­ເລັດ​ຫຼາຍ​ກວ່າ 90%.

    ອີງ​ຕາມ​ບົດ​ສະ­ຫຼຸບ​ລາຍ​ງານ​ປະ­ຈຳ​ເດືອນ​ສິງ­ຫາຂອງ​ກະ­ຊວງ​ກະ­ສິ­ກຳ ແລະ ປ່າ­ໄມ້ ໃຫ້​ຮູ້​ວ່າ: ມາ​ຮອດ​ວັນ​ທີ 16 ສິງ­ຫາ 2018 ຊາວ​ກະ­ສິ­ກອນ​ທົ່ວ​ປະ­ເທດ ສາ­ມາດ​ປັກ​ດຳ​ເຂົ້າ­ນາ​ປີ​ສຳ­ເລັດ 768.410 ເຮັກ­ຕາ ເທົ່າ​ກັບ 94% ຂອງ​ແຜນ­ການ ຄື: 817.800 ເຮັກ­ຕາ ທຽບ­ໃສ່​ອາ­ທິດ​ຜ່ານ​ມາ​ເພີ່ມ​ຂຶ້ນ 6% ໃນ​ນີ້ ນາ​ຢອດ 10.726 ເຮັກ­ຕາ ນາ­ຫວ່ານ 93.803 ເຮັກ­ຕາ ໂດຍ​ການ​ປັກ​ດຳ​ເຂົ້າ­ນາ​ປີ​ຢູ່​ແຂວງ​ພາກ​ເໜືອ ສະ­ເລ່ຍ 97% ພາກ​ກາງ 94% ແລະ ພາກ​ໃຕ້ 93% ໃນ​ນີ້​ມີ​ເນື້ອ­ທີ່​ນາ​ຖືກ​ນ້ຳ​ຖ້ວມ 91.149 ເຮັກ­ຕາ ສັດ­ຕູ​ພືດ​ທຳ­ລາຍ 625,3 ເຮັກ­ຕາ ດິນ​ເຈື່ອນ (ຖົມ) 207 ເຮັກ​ຕ

    ສຳ­ລັບ​ການ​ປູກ​ພືດ​ຜັກ ແລະ ໝາກ​ໄມ້​ລະ­ດູ­ຝົນ ໃນ​ທົ່ວ​ປະ­ເທດ​ມີ​ແຜນ­ການ​ປູກ​ໃນ​ເນື້ອ­ທີ່ 763.000 ເຮັກ­ຕາ ປັດ­ຈຸ­ບັນ​ປະ­ຊາ­ຊົນ​ສາ­ມາດ​ປູກ​ແລ້ວ​ປະ­ມານ 220.216 ເຮັກ­ຕາ ເທົ່າ​ກັບ 29% ຂອງ​ແຜນ­ການ​ປີ.

ຂ່າວທີ່ກ່ຽວຂ້ອງ