ຂ່າວຫຼ້າສຸດ

ປ່ອຍສັດປ່າປະເພດຫວງຫ້າມ ຄືນສູ່ທຳມະຊາດ

244 22 ສ.ຫ. 2018 ຂ່າວໜ້າ​ໜຶ່ງ

    ວັນ​ທີ 20 ສິງ­ຫາ 2018 ທີ່​ກົມ​ກວດ­ກາ​ປ່າ­ໄມ້ ກະ­ຊວງ​ກະ­ສິ­ກຳ ແລະ ປ່າ­ໄມ້ ໄດ້​ຈັດ​ພິ­ທີ​ມອບ-ຮັບ​ສັດ​ນ້ຳ-ສັດ­ປ່າ​ປະ­ເພດ​ຫວງ​ຫ້າມ​ທີ່​ຢຶດ​ໄດ້​ຢູ່​ຈຸດ​ກວດ­ກາ​ແຂວງ​ສະ­ຫວັນ​ນະ​ເຂດ ໃນ​ທ້າຍ​ອາ­ທິດ​ທີ່​ຜ່ານ​ມາ ເພື່ອ​ປ່ອຍ​ຄືນ​ສູ່​ທຳ​ມະ​ຊາດ ກ່າວ​ມອບ​ໂດຍ​ທ່ານ​ນາງ ຈິນ­ດາ ກີນ​ດາ​ວົງ ຮອງ​ຫົວ­ໜ້າ​ໜ່ວຍ​ງານ​ສັດ​ນ້ຳ-ສັດ­ປ່າ ກອງ​ກວດ­ກາ​ແຂວງ​ສະ­ຫວັນ​ນະ​ເຂດ ແລະ ກ່າວ​ຮັບ​ໂດຍ​ທ່ານ​ນາງ ລອງ​ຄຳ ແສງ​ຈັນ​ອຸ­ດົມ ຮອງ​ຫົວ­ໜ້າ​ກົມ​ກວດ­ກາ​ປ່າ­ໄມ້ ມີ​ທ່ານ ຊູ​ຊາດ ໄຊ​ຍະ​ພົມ­ມາ ຫົວ­ໜ້າ​ກົມ​ປ່າ­ໄມ້ ແລະ ພະ­ນັກ­ງານ​ທີ່​ກ່ຽວ­ຂ້ອງ​ເຂົ້າ​ຮ່ວມ.

     ທ່ານ​ນາງ ຈິນ­ດາ ກີນ​ດາ​ວົງ ໃຫ້​ຮູ້​ວ່າ: ໃນ​ວັນ​ທີ 18 ສິງ­ຫາ 2018 ເຈົ້າ​ໜ້າ­ທີ່​ຕຳ­ຫຼວດ ປກສ ແຂວງ​ສະ­ຫວັນ​ນະ​ເຂດ ໄດ້​ຢຶດ​ສັດ​ນ້ຳ-ສັດ­ປ່າ​ປະ­ເພດ​ຫວງ​ຫ້າມ ຄື: ງູ​ຈົງ­ອາງ 32 ແກັດ ນ້ຳ­ໜັກ 266 ກິ​ໂລ ເຕົ່າ 48 ໂຕ ນ້ຳ­ໜັກ 44 ກິ​ໂລ ແລະ ງູ­ເຫຼືອມ ນ້ຳ­ໜັກ 8 ກິ​ໂລ ຢູ່​ຈຸດ​ກວດ­ກາ​ບ້ານ​ດົງ ເມືອງ​ເຊ​ໂປນ ຈາກ​ນັ້ນ ເຈົ້າ​ໜ້າ­ທີ່ ປກສ ໄດ້​ມອບ​ສັດ​ທີ່​ຢຶດ​ມາ​ໄດ້​ທັງ​ໝົດ​ມອບ​ໃຫ້​ກອງ​ຄຸ້ມ​ຄອງ​ພາ­ສີ VI ເພື່ອ​ສົ່ງ­ຕໍ່​ໃຫ້​ພະ​ແນກ​ກະ­ສິ­ກຳ ແລະ ປ່າ­ໄມ້ ແຂວງ​ສະ­ຫວັນ​ນະ​ເຂດ ເກັບ​ຮັກ­ສາ​ໄວ້ ແລະ ປ່ອຍ​ຄືນ​ສູ່​ທຳ​ມະ​ຊາດ.

ຂ່າວທີ່ກ່ຽວຂ້ອງ