ຂ່າວຫຼ້າສຸດ

ຈັດແຂ່ງຂັນກີລາ 5 ປະເພດ ສະຫຼອງວັນສ້າງຕັ້ງ ປກສ ຄົບຮອບ 43 ປີ

154 21 ສ.ຫ. 2018 ວົງຈອນກີລາ
ຈັດແຂ່ງຂັນກີລາ 5 ປະເພດ ສະຫຼອງວັນສ້າງຕັ້ງ ປກສ ຄົບຮອບ 43 ປີ

    ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ຈັດ­ການ​ແຂ່ງ­ຂັນ​ກີ­ລາ 5 ປະ­ເພດ ເພື່ອ​ເປັນ​ການ​ຄຳ­ນັບ​ຮັບ​ຕ້ອນ ວັນ​ສຳ­ຄັນ​ຕ່າງໆ​ຂອງ​ພັກ ຂອງ​ຊາດ ຂຶ້ນ​ວັນ​ທີ 16 ສິງ­ຫາ 2018 ທີ່​ເດີ່ນ​ຫຍ້າ​ທຽມ ລາວ-ໄອ​ເຕັກ ໂດຍ​ມີ​ທ່ານ ພົ​ຈວ ບຸບ­ຜາ ສີ​ພົມ­ມາ ຫົວ­ໜ້າ​ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ກົມ​ກອງ​ອ້ອມ​ຂ້າງ​ກອງ​ບັນ­ຊາ​ການ ແລະ ກອງ​ບັນ­ຊາ​ການ ປກສ 9 ເມືອງ ເຂົ້າ​ຮ່ວມ.

    ການ​ສ້າງ​ຂະ​ບວນ​ການ​ແຂ່ງ ຂັນ​ກີ­ລາ​ຄັ້ງ​ນີ້ ກໍ່​ເພື່ອ​ຄຳ­ນັບ​ຮັບ ຕ້ອນ​ວັນ​ສຳ­ຄັນ​ຕ່າງໆ​ຂອງ​ພັກ ຂອງ​ຊາດ ໂດຍ​ສະ­ເພາະ​ແມ່ນ​ວັນ​ສ້າງ­ຕັ້ງ​ກຳ­ລັງ​ປ້ອງ​ກັນ ຄວາມ​ສະ­ຫງົບ​ນະ­ຄອນ­ຫຼວງ​ວຽງ​ຈັນ (ນວ) ຄົບ­ຮອບ 43 ປີ (26/8/1975-26/8/2018) ທັງ ເປັນ​ການ​ເພີ່ມ​ທະ­ວີ​ຄວາມ​ສາ ມັກ​ຄີ​ລະ­ຫວ່າງ​ຄະ­ນະ​ພັກ-ຄະ ນະ​ບັນ­ຊາ ກັບ​ນາຍ ແລະ ພົນ​ຕຳ­ຫຼວດ​ໃນ​ກຳ­ລັງ​ປ້ອງ​ກັນ​ຄວາມ​ສະ­ຫງົບ ນວ ໃຫ້​ມີ​ຄວາມ​ສາ­ມັກ­ຄີ​ເປັນ​ປຶກ​ແຜ່ນ ເພື່ອ​ມິດ ຕະ​ພາບ ເພື່ອ​ສຸ­ຂະ­ພາບ ໃຫ້​ມີກຳ­ລັງ​ເຂັ້ມ­ແຂງ​ທາງ​ດ້ານ​ຮ່າງ ກາຍ ແລະ ຈິດ­ໃຈ ຮູ້​ເສຍ ຮູ້​ຊະ­ນະ ຮູ້​ໃຫ້​ອະ­ໄພ ມີ​ຄວາມ​ເສຍ­ສະ­ຫຼະ​ອົດ­ທົນ ແລະ ພ້ອມ​ກັນ​ກ້າວ​ຂຶ້ນ​ເຮັດ​ສຳ­ເລັດ​ໜ້າ­ທີ່​ການ­ເມືອງ​ທີ່​ພັກ-ລັດ​ມອບ​ໝາຍ​ໃຫ້.

    ສຳ­ລັບ​ການ​ແຂ່ງ­ຂັນ​ຄັ້ງ​ນີ້ ປະ ກອບ​ມີ 5 ປະ­ເພດ ຄື: ບານ ເຕະ​ຟຸດ​ຊໍ ບານ­ສົ່ງ ກະ­ຕໍ້​ຫວາຍ ເປ​ຕັງ ແລະ ດຶງ­ເຊືອກ ໂດຍ​ມີ 19 ພາກ­ສ່ວນ​ເຂົ້າ​ຮ່ວມ ມີ​ນັກ­ກີ­ລາ​ເຂົ້າ​ຮ່ວມ​ທັງ​ໝົດ 400 ກວ່າ​ຄົນ ເລີ່ມ​ການ​ແຂ່ງ­ຂັນ​ໃນ​ລະ ຫວ່າງ​ວັນ​ທີ 14-22 ສິງ­ຫາ 2018 ສ່ວນ​ສະ­ຖານ­ທີ່​ຈັດ­ການ​ແຂ່ງ­ຂັນ​ກີ­ລາ​ບານ­ເຕະ​ຟຸດ​ຊໍ ແມ່ນ​ຈັດ​ຢູ່​ເດີ່ນ​ບານ­ເຕະ​ຫຍ້າ​ທຽມ ລາວ-ໄອ​ເຕັກ ແລະ ອີກ 4 ປະ­ເພດ ແມ່ນ​ແຂ່ງ­ຂັນ​ຢູ່​ເດີ່ນ​ກີ­ລາ​ຂອງ​ກອງ​ບັນ­ຊາ​ການ ປກສ ນວ.

ຂ່າວທີ່ກ່ຽວຂ້ອງ