ຂ່າວຫຼ້າສຸດ

ໄຊຍະບູລີ ສຳເລັດແຂ່ງຂັນກີລາບານສົ່ງ ຍິງ-ຊາຍ ຊີງຂັນທ່ານເຈົ້າແຂວງ

150 21 ສ.ຫ. 2018 ວົງຈອນກີລາ
ໄຊຍະບູລີ ສຳເລັດແຂ່ງຂັນກີລາບານສົ່ງ ຍິງ-ຊາຍ ຊີງຂັນທ່ານເຈົ້າແຂວງ

    ການ​ແຂ່ງ­ຂັນ​ກີ­ລາ​ບານ­ສົ່ງ ຍິງ-ຊາຍ ຊີງ​ຂັນ​ທ່ານ​ເຈົ້າ ແຂວງ​ໄຊ​ຍະ​ບູ​ລີ ປະ­ຈຳ​ປີ 2018 ເພື່ອ​ເປັນ​ການ​ຄັດ​ເລືອກ​ຕົວ​ນັກກີ­ລາ ​ເພື່ອ​ເປັນ​ຕົວ​ແທນ​ໃຫ້ແຂວງ​ໄຊ​ຍະ​ບູ​ລີ​ເຂົ້າ​ຮ່ວມ​ງານ​ມະ​ຫະ​ກຳ​ກິ­ລາ​ແຫ່ງ​ຊາດ ຄັ້ງ​ທີ 11 ທີ່​ແຂວງ​ຊຽງ​ຂວາງ ເປັນ​ເຈົ້າ ພາບ​ໃນ​ທ້າຍ​ປີ​ນີ້ ຈັດ​ຂຶ້ນ​ວັນ​ທີ 27 ກໍ­ລະ­ກົດ ຫາ 14 ສິງ­ຫາ 2018 ມີ 12 ທີມ​ເຂົ້າ​ຮ່ວມ​ໃນ​ນັ້ນ​ຍິງ 4 ທີມ ປະ­ກອບ​ມີ: ທີມ​ກອງ​ບັນ­ຊາ​ການ ປກສ ແຂວງ ກອງ​ບັນ­ຊາ​ການ​ທະ­ຫານ​ແຂວງ ກອງ​ພົນ­ທະ­ຫານ​ຮາບ​ທີ 2 ພະ​ແນກ​ກະ­ສິ­ກຳ ແລະ ປ່າ­ໄມ້​ແຂວງ  ທີມ​ຟຣີ​ດອມ ສາ​ມະ​ຄີ​ໄຊ ບ່າວ​ເມືອງ​ຊ້າງ ແລະ ທີມ​ທອງ​ໃບ​ການ​ໄຟ­ຟ້າ ສ່ວນ​ປະ­ເພດ​ທີມ​ຍິງ​ຄື: ພະ​ແນກ​ສຶກ​ສາ​ທິ​ການ ແລະ ກີ­ລາ​ແຂວງ ກອງ​ບັນ­ຊາ​ການ ປກສ ແຂວງ ກອງ​ບັນ­ຊາ​ການ ທະ­ຫານ​ແຂວງ ແລະ ພະ​ແນກ​ກະ­ສິ­ກຳ ແລະ ປ່າ­ໄມ້​ແຂວງ.

    ຜ່ານ​ການ​ແຂ່ງ­ຂັນ​ປະ­ເພດ​ທີມ​ຍິງ​ທີ 1 ທີມ​ກອງ​ບັນ­ຊາ​ການ​ທະ­ຫານ​ແຂວງ ທີ 2 ທີມ ປກສ ແຂວງ ທີ 3 ທີມ​ພະ​ແນກ​ສຶກ​ສາ​ທິ​ການ ແລະ ກີ­ລາ​ແຂວງ ແລະ ທີ 4 ທີມ​ພະ​ແນກ​ກະ­ສິ­ກຳ ແລະ ປ່າ­ໄມ້​ແຂວງ ສ່ວນ​ປະ­ເພດ​ທີມ​ຊາຍ ທີ 1 ທີມ​ກອງ​ບັນ­ຊາ​ການ​ທະ­ຫານ​ແຂວງ​ທີ 2 ທີມ ປກສ ແຂວງ ທີ 3 ທີມ​ພະ​ແນກ​ກະ­ສິ­ກຳ ແລະ ປ່າ­ໄມ້​ແຂວງ ແລະ ທີ 4 ທີມ​ຟຣີ​ດອມ ໂດຍ​ລາ­ງວັນ​ທີ 1 ທີ 2 ທີ 3 ແລະ ທີ 4 ທັງ​ປະ­ເພດ​ທີມ​ຍິງ-ຊາຍ ໄດ້​ຮັບ​ເທົ່າ​ກັນ​ທີ 1 ໄດ້​ຮັບ​ຂັນ 1 ໜ່ວຍ+ເງິນ­ສົດ 1 ລ້ານ​ກີບ ທີ 2 ເງິນ 8 ແສນ​ກີບ ທີ 3 ເງິນ 5 ແສນ​ກີບ ແລະ ທີ 4 ເງິນ 3 ແສນ​ກີບ.

ຂ່າວທີ່ກ່ຽວຂ້ອງ