ຂ່າວຫຼ້າສຸດ

ລົດ​ບັນທຸກ​ລູກ​ສອນ​ໄຟ ແລ່ນ​ພຸ່ງ​ຕຳ​ສູນ​ການ​ຄ້າ​ໃນ​ນະຄອນຫຼວງ​ກີ​ແອບ

207 21 ສ.ຫ. 2018 ຂ່າວຕ່າງປະເທດ
ລົດ​ບັນທຸກ​ລູກ​ສອນ​ໄຟ ແລ່ນ​ພຸ່ງ​ຕຳ​ສູນ​ການ​ຄ້າ​ໃນ​ນະຄອນຫຼວງ​ກີ​ແອບ

     ສື່ສານ​ໃນ​ອູ​ແກຣນ ໄດ້​ລາຍ​ງານ​ຜ່ານ​ວີ​ດີ​ໂອ ຊຶ່ງ​ຜູ້​ເຫັນ​ເຫດການ​ບັນທຶກ​ເອົາ​ໄວ້  ກ່ຽວ​ກັບ​ລົດ​ບັນທຸກ​ລູກ​ສອນ​ໄຟ ບຸກ (Buk) ຂອງ​ກອງທັບ​ອູ​ແກຣນ ແລ່ນ​ພຸ່ງ​ຕຳ​ໃສ່​ບໍລິເວນ​ລະບຽງ​ອາຄານ​ສູນ​ການ​ຄ້າ​ແຫ່ງ​ໜຶ່ງ ໃນ​ນະ​ຄອນ​​ຫຼວງ​ກີ​ແອບ  ທີ່​ເກີດ​ຂຶ້ນ​ເມື່ອ​ວັນ​ທີ 19 ສິງຫາ​ນີ້.

    ຂ່າວ​ແຈ້ງວ່າ ໃນ​ຂະນະ​ທີ່​ຂະ​ບວນ​ລົດ​ທີ່​ຂຶ້ນ​ກັບ​ກົມ​ກອງ​ລູກ​ສອນ​ໄຟ​ປ້ອງ​ກັນ​ອາກາດ ຂອງ​ກອງທັບ​ອູ​ແກຣນ ແລ່ນ​ຜ່ານ​ຖະໜົນ​ສາຍ​ໜຶ່ງ ໃນ​ນະຄອນຫຼວງ​ກີ​ແອບ ຢູ່​ບໍ່​ຢູ່​ກໍ​ມີ​ລົດ​ຄັນ​ໜຶ່ງ​ຈາກ​ຂະ​ບວນ​ລົດ​ນັ້ນ​ເກີດ​ເສຍ​ຫຼັກ ແລ່ນ​ພຸ່ງ​ຂຶ້ນ​ແຄມ​ທາງ ແລະ​ ພຸ່ງ​ໃສ່​ອາຄານ​ສູນ​ການ​ຄ້າ​ດັ່ງກ່າວ ເຮັດ​ໃຫ້​ຜູ້​ທີ່​ເຫັນ​ເຫດການ​ເກີດ​ຄວາມ​ຢ້ານ​ກົວ ແຕ່​ໂຊກ​ດີ​ທີ່​ບໍ່​ມີ​ຜູ້​ບາດເຈັບ ຫຼື​ເສຍ​ຊີວິດ ຈາກ​ເຫດການ​ໃນ​ເທື່ອ​ນີ້.

 

ຂ່າວທີ່ກ່ຽວຂ້ອງ