ຂ່າວຫຼ້າສຸດ

ອິດ​ສະ​ຣາ​ແອນ​ປິດ​ເສັ້ນທາງ​ຍ່າງ​ເຂົ້າ​ໄປ​ໃນ​ແຫຼມ​ກາ​ຊາ

218 21 ສ.ຫ. 2018 ຂ່າວຕ່າງປະເທດ
ອິດ​ສະ​ຣາ​ແອນ​ປິດ​ເສັ້ນທາງ​ຍ່າງ​ເຂົ້າ​ໄປ​ໃນ​ແຫຼມ​ກາ​ຊາ

    ໂຄສົກ​ຂອງ​ກົມ​ກອງ​ໜຶ່ງ ທີ່​ຂຶ້ນ​ກັບ​ກະຊວງ​ປ້ອງ​ກັນ​ປະເທດ​ອິດ​ສຣາ​ແອນ ແຈ້ງ​ໃຫ້​ຮູ້ເມື່ອ​ວັນ​ທີ 19 ສິງຫາ​ນີ້ ວ່າ​ທາງ​ການ​ອິດ​ສະ​ຣາ​ແອນ ໄດ້​ໃຫ້​ປິດ​ເສັ້ນທາງ​ຍ່າງ​ລະຫວ່າງ​ອິດ​ສະ​ຣາ​ແອນ ກັບ​ແຫຼມ​ກາ​ຊາ ຫຼັງ​ຈາກ​ທີ່​ເກີດ​ມີ​ການ​ປະ​ທ້ວງ​ຫຼາຍ​ລາຍ ນຳໄປ​ສູ່​ການ​ປະ​ທະ​ກັນ ເຮັດ​ໃຫ້​ເກີດ​ມີ​ຜູ້​ການ​ບາດເຈັບ​ລົ້ມ​ຕາຍ​ຢູ່​ໃນ​ເຂດ​ຊາຍ​ແດນ ພາຍ​ໃນ​ສອງ​ມື້​ທ້າຍ​ອາທິດ​ທີ່​ຜ່ານ​ມາ. ຕາມ​ນັ້ນແລ້ວ ເສັ້ນທາງ​ເຊື່ອມ​ຕໍ່​ລະຫວ່າງ​ອິດ​ສະ​ຣາ​ແອນ ກັບ​ແຫຼມ​ກາ​ຊາ ຈະ​ໄດ້​ຖືກ​ນຳ​ໃຊ້​ໃຫ້​ແກ່​ກໍລະນີ​ມະນຸດສະທຳ​ເທົ່າ​ນັ້ນ.

    ກ່ອນ​ໜ້າ​ນັ້ນ ການ​ປະ​ທ້ວງ ແລະ​ການ​ປະ​ທະ​ກັນ ໄດ້​ເກີດ​ຂຶ້ນ​ເມື່ອ​ວັນ​ທີ 17 ສິງຫາ​ທີ່​ຜ່ານ​ມາ ຢູ່​ໃນ​ເຂດ​ຊາຍ​ແດນ​ລະຫວ່າງ​ອິດ​ສະ​ຣາ​ແອນ ກັບ​ແຫຼມ​ກາ​ຊາ ຊຶ່ງ​ປັດຈຸບັນ​ນີ້​ຄວບ​ຄຸມ​ໂດຍ​ຂະ​ບວນ​ການ​ຮາ​ມາ​​ສ ຂອງ​ປາ​ແລັດ​ສະ​ຕິນ ເປັນ​ເຫດ​ໃຫ້​ຊາວ​ປາ​ແລັດ​ສະ​ຕິນ ເສຍ​ຊີວິດ 2 ຄົນ.

    ການ​ຕົກລົງ​ປິດ​ເສັ້ນທາງ​ດັ່ງກ່າວ​ຂອງ​ອິດ​ສະ​ຣາ​ແອນ ມີ​ຂຶ້ນ​ທ່າມກາງ​ຄວາມ​ພະຍາຍາມ​ໄກ່​ເກ່ຍ​ຂອງ​ເອ​ຢິບ ແລະ​ ສະຫະ​ປະຊາ​ຊາດ ເພື່ອ​ຊຸກຍູ້​ຄຳ​ສັ່ງ​ຢຸດ​ຍິງ ລະຫວ່າງ​ອິດ​ສະ​ຣາ​ແອນ ກັບ​ຮາ​ມາ​​ສ.

 

ຂ່າວທີ່ກ່ຽວຂ້ອງ