EU ໃຫ້​ສັນຍາ​ເຖິງ​ການ​ທົດ​ແທນ​ຄວາມ​ເສຍ​ຫາຍ​ທີ່​ອີ​ຣານ​ແບກ​ຫາບ

126 21 ສ.ຫ. 2018 ຂ່າວຕ່າງປະເທດ
EU ໃຫ້​ສັນຍາ​ເຖິງ​ການ​ທົດ​ແທນ​ຄວາມ​ເສຍ​ຫາຍ​ທີ່​ອີ​ຣານ​ແບກ​ຫາບ

    ທ່ານ ເອ​​ສ​ຮັກ ຈາ​ຮັນ​ກີ​ຣີ ຮອງ​ປະທານາທິບໍດີ​ຄົນທີ​ໜຶ່ງ​ຂອງ​ອີ​ຣານ ຖະແຫຼງ​ເມື່ອ​ວັນ​ທີ 1 ສິງຫາ​ນີ້​ວ່າ ສະຫະພາບ​ເອີ​ຣົບ (EU) ໄດ້​ໃຫ້​ສັນຍາ​ທີ່​ຈະ​ດຳເນີນ​ງານ​ກ່ອນ​ທີ່​ຄຳ​ສັ່ງ​ຫ້າມ​ຂອງ ສ ອາ​ເມ​ຣິ​ກາ ໃນ​ການ​ນຳ​ເຂົ້າ​ນ້ຳມັນ​ຈາກ​ອີ​ຣານ ຈະ​ມີ​ຜົນ​ບັງຄັບ​ໃຊ້​ໃນ​ເດືອນ​ພະຈິກ​ໜ້າ​ນີ້.

    ໂທລະພາບ​ຊ່ອງ Press TV ຂອງ​ອີ​ຣານ ອ້າງ​ຕາມ​ຄຳ​ຖະແຫຼງ​ຂອງ​ທ່ານ ຈາ​ຮັນ​ກີ​ຣີ ໃຫ້​ຮູ້​ວ່າ ບັນດາ​ປະເທດ​ເອີ​ຣົບ ມີ​ຄຳ​ສັນຍາ​ດັ່ງກ່າວ​ອອກ​ມາ ໃນ​ຄວາມ​ພະຍາຍາມ​ເພື່ອ​ທົດ​ແທນ​ຄວາມ​ເສຍ​ຫາຍ​ທີ່​ອີ​ຣານ​ອາດ​ຕ້ອງ​ໄດ້​ແບກ​ຫາບ.

    ທ່ານ ຈາ​ຮັນ​ກີ​ຣີ ໃຫ້​ຄວາມ​ໃສ່ໃຈ​ວ່າ ມາ​ຮອດ​ເວລາ​ນີ້ ຄຳ​ສັ່ງ​ປິດ​ລ້ອມ​ຂອງ ສ ອາ​ເມ​ຣິ​ກາ ຍັງ​ບໍ່​ເປັນ​ທີ່​ຈຳກັດ​ຕໍ່​ບັນດາ​ປະເທດ​ເອີ​ຣົບ ຢູ່​ໃນ​ຂົງເຂດ​ເສດຖະກິດ ໂດຍ​ສະເພາະ​ກໍ​ແມ່ນ​ການ​ພົວພັນ​ເຖິງ​ການ​ຄ້າ ແລະ​ການ​ຈັດ​ຊື້​ນ້ຳມັນ. ປັດຈຸບັນ​ນີ້ ເຢຍ​ລະ​ມັນ ທີ່​ເປັນ​ພື້ນຖານ​ເສດຖະກິດ​ໃຫຍ່​ອັນ​ດັບ​ໜຶ່ງ​ໃນ​ເອີ​ຣົບ ຍັງ​ຄົງ​ສືບຕໍ່​ຮ່ວມ​ມື​ກັບ​ອີ​ຣານ ໃນ​ຂົງເຂດ​ນ້ຳມັນ ແລະ ແກ​​ັສ.

    ຕາມ​ແຜນການ​ແລ້ວ ສ ອາ​ເມ​ຣິ​ກາ ຈະ​ປະຕິບັດ​ມາດ​ຕະການ​ປິດ​ລ້ອມ​ຕໍ່​ຂະແໜງການ​ນ້ຳມັນ​ຂອງ​ອີ​ຣານ ນັບ​ແຕ່​ວັນ​ທີ 5 ພະຈິກ​ໜ້າ​ນີ້​ເປັນຕົ້ນ​ໄປ.

 

ຂ່າວທີ່ກ່ຽວຂ້ອງ