ຂ່າວຫຼ້າສຸດ

ຢາກເຮັດຄືລູກຊາຍ

282 20 ສ.ຫ. 2018 ຫົວຂໍ້ຂ່າວອື່ນໆ

    ລຸງ ເຕີ່ງ ໄດ້​ຮັບ​ນາມ­ມະ­ຍົດ​ເປັນ “ຄໍ​ທອງ­ແດງ” ເພາະ​ເມົາ​ເປັນ ປະ­ຈຳ​ແບບ “ວັນ​ສິນ​ບໍ່​ລະ ວັນ​ພະ​ບໍ່​ເວັ້ນ”  ລູກ​ຊາຍ ລຸງ ເຕີ່ງ  ຊື່​ທ້າວ ປື່ງ ຫັ້ນ​ກໍ່​ນຳ​ຮອຍ​ຜູ້​ເປັນ​ພໍ່  ແຕ່​ລະ​ມື້​ເມົາ​ແປ​ເມົາ​ແປດ ພ້ອມ​ທັງ​ເປັນ​ໜີ້​ຮ້ານ​ເບຍ​ຈົນ​ບໍ່​ມີ​ປັນ­ຍາ​ໃຊ້.

    ມື້­ໜຶ່ງ ລຸງ ເຕີ່ງ  ເຂົ້າ​ໄປ​ຮ້ານ​ເບຍ​ບ່ອນ​ລູກ​ຊາຍ​ຕິດ​ໜີ້​ໄວ້  ແລ້ວ​ຖາມ​ເຈົ້າ​ຂອງ​ຮ້ານ​ຂຶ້ນ​ວ່າ:

    “ ຂ້ອຍ​ໄດ້​ຍິນ​ວ່າ​ລູກ​ຊາຍ​ເປັນ​ໜີ້​ເບຍ​ເຈົ້າ​ເກືອບ 10 ລັງ ແມ່ນ​ບໍ ?” ເຈົ້າ​ຂອງ​ຮ້ານ​ຮູ້­ສຶກ​ດີ­ໃຈ ເພາະ​ຄິດ​ວ່າ​ລຸງ ເຕີ່ງ ຈະ​ມາ​ໃຊ້​ໜີ້​ແທນ​ລູກ​ຊາຍ.

    “ແມ່ນ­ແທ້ ທ້າວ ປື່ງ ຕິດ​ເງິນ​ຄ່າ​ເບຍ​ຂ້ອຍ​ເກືອບ​ໜຶ່ງ​ລ້ານ​ກີບ... ລຸງ​ຊິ​ມາ​ໃຊ້​ໜີ້​ແທນ​ທ້າວ ປື່ງ ບໍ ?” ເຈົ້າ​ຂອງ​ຮ້ານ  ຖາມ ລຸງ ເຕີ່ງ ຕອບ​ວ່າ:

    “ ບໍ່​ແມ່ນ !  ຂ້ອຍ​ກໍ່​ຢາກ​ມາ​ຊື້­ຕິດ­ໜີ້​ເບຍ​ຮ້ານ​ເຈົ້າ ຄື​ລູກ​ຊາຍ​ຫັ້ນ​ລະ !”.

ຂ່າວທີ່ກ່ຽວຂ້ອງ