ຂ່າວຫຼ້າສຸດ

ນັກກີລາເທຄວັນໂດລາວ ພ້ອມແລ້ວເຂົ້າຮ່ວມງານ ເອຊຽນເກມ

168 20 ສ.ຫ. 2018 ວົງຈອນກີລາ

    ວັນ​ທີ 16 ສິງ­ຫາ 2018  ທາງ​ຄະ­ນະ​ນຳ ຄູ​ເຝິກ-ນັກ­ກີ­ລາ​ເທ​ຄວັນ​ໂດ​ທີມ​ຊາດ​ລາວ ນຳ​ໂດຍ ທ່ານ ສີ​ວັນ­ນະ​ກອນ ມາ­ລີ​ວັນ ຮອງ​ປະ­ທານ​ສະ­ຫະ­ພັນ​ເທ​ຄວັນ​ໂດ​ແຫ່ງ​ຊາດ ທ່ານ ຈີນ​ຈົງ​ວູ ຫົວ­ໜ້າ​ຄູ​ເຝິກ ທ່ານ ກໍ­ລະ­ກົດ ສີ​ເມືອງ​ຊອງ ຄູ​ເຝິກ​ປະ­ເພດ​ປຸມ​ເຊ ໄດ້​ເຂົ້າ​ພົບ ທ່ານ ອາດ​ສະ­ພັງ​ທອງ ສີ​ພັນ​ດອນ ຮອງ​ລັດ​ຖະມົນ­ຕີ ກະ­ຊວງ​ການ​ເງິນ ປະ­ທານ​ສະ­ຫະ­ພັນ​ກີ­ລາ​ເທ​ຄວັນ​ໂດ​ແຫ່ງ​ຊາດ ພ້ອມ​ຄະ­ນະ​ບໍ­ລິ­ຫານ​ງານ ສະ­ຫະ­ພັນ ເພື່ອ​ລາຍ​ງານ​ສະ ພາບ​ການ​ກະ­ກຽມ ແລະ ຄວາມ​ພ້ອມ​ກ່ອນ​ໄປ​ຮ່ວມ​ແຂ່ງ­ຂັນ​ກີ­ລາ ເອ​ຊຽນ​ເກມ ຄັ້ງ​ທີ 18 ທີ່​ປະ­ເທດ​ອິນ​ໂດ​ເນ​ເຊຍ.

    ໂອ­ກາດ​ນີ້ ທ່ານ ອາດ​ສະ­ພັງ​ທອງ ສີ​ພັນ​ດອນ ພ້ອມ​ດ້ວຍ​ຄະນະ​ບໍ­ລິ­ຫານ​ງານ​ສະ­ຫະ­ພັນ ກໍ່​ໄດ້​ໃຫ້​ຄຳ​ໂອ­ວາດ​ຕໍ່​ນັກ­ກີ­ລາ​ທີ່​ຈະເຂົ້າ​ຮ່ວມ​ແຂ່ງ­ຂັນ​ໃນ​ຄັ້ງ​ນີ້​ໃຫ້​ທຸກ​ຄົນ​ມີ​ມາ­ນະ​ຈິດ ສູ້​ຊົນ​ຕັ້ງ­ໃຈ​ຕໍ່­ສູ້​ແຂ່ງ­ຂັນ​ໃຫ້​ໄດ້​ດີ​ທີ່​ສຸດ​ເພື່ອ​ປະ­ຊາ­ຊົນ​ລາວ​ທັງ​ຊາດ ເວົ້າ​ລວມ ເວົ້າ​ສະ­ເພາະ ກໍ່​ເພື່ອ​ສ້າງ​ຊື່​ສຽງ​ໃຫ້​ແກ່​ປະ­ເທດ​ຊາດ ເຖິງ​ແມ່ນ​ວ່າ​ໃນ​ງານ​ເອ​ຊຽນ ເກມ ໃນ​ຄັ້ງ​ນີ້​ຈະ​ເປັນ​ງານ​ໃຫຍ່​ຂອງ​ທະ­ວີບ​ກໍ່​ຕາມ ບໍ່​ໃຫ້​ຫຍໍ້­ທໍ້ ພົບ​ຊາດ​ໃດ​ກໍ່​ໃຫ້​ສູ້​ສຸດ​ຄວາມ​ສາ ມາດ.

    ພ້ອມ​ນີ້ ສະ­ຫະ­ພັນ​ເທ​ຄວັນ​ໂດ ແຫ່ງ​ຊາດ​ກໍ່​ໄດ້​ມອບ​ເງິນ ຈຳ ນວນ 2.000 ໂດ​ລາ​ສະ­ຫະ­ລັດ ຊຸກ­ຍູ້​ນ້ຳ­ໃຈ​ນັກ­ກີ­ລາ ເພື່ອ​ນຳ​ໃຊ້​ໃນ​ສິ່ງ​ທີ່​ຈຳ­ເປັນ ໃນ​ໄລ­ຍະ​ການ​ແຂ່ງ­ຂັນ ພາຍ­ຫຼັງ​ກັບ​ມາ​ຈາກ​ການ​ແຂ່ງ­ຂັນ​ແລ້ວ ທາງ​ຄະ­ນະ​ສະ­ຫະ­ພັນ​ເທ​ຄວັນ​ໂດ​ແຫ່ງ​ຊາດ​ກໍ່​ຈະ​ມີ​ລາ­ງວັນ​ໃຫ້​ຕື່ມ​ອີກ​ຕໍ່​ຄູ​ເຝິກ-ນັກ​ກິ­ລາ​ທີ່​ສາ­ມາດ​ຍາດ​ຫຼຽນ​ໃດ​ຫຼຽນ​ໜຶ່ງ​ມາ­ສູ່​ປະ­ເທດ​ໄດ້. 

    ສະ­ເພາະ​ກີ­ລາ​ເທ​ຄວັນ​ໂດ​ຈະ​ເລີ່ມ​ແຂ່ງ­ຂັນ​ໃນ​ລະ­ຫວ່າງ​ວັນ​ທີ 19-23 ສີງ​ຫາ​ນີ້ ເຊິ່ງ​ວັນ​ທີ 19 ມີ 2 ນັກ­ກີ­ລາ​ປະ­ເພດ ປຸ່ມ​ເຊ ຈະ​ໄດ້​ລົງ​ແຂ່ງ­ຂັນ​ໃນ​ລາຍ­ການ ຊາຍ​ດ່ຽວ-ຍິງ​ດ່ຽວ ປະ​ເດີມ​ສະ ໜາມ​ເທ​ຄວັນ​ໂດ​ໃນ​ມື້​ທຳ​ອິດ ໃນ​ງານ​ເອ​ຊຽນ​ເກມ​ຄັ້ງ​ນີ້ ຂໍ​ໃຫ້ ພີ່­ນ້ອງ​ລາວ​ຈົ່ງ​ໃຫ້​ແຮງ​ໃຈ​ເຊຍ​ນັກ​ກິ­ລາ​ລາວ​ເຮົາ​ດ້ວຍ.

ຂ່າວທີ່ກ່ຽວຂ້ອງ