ຂ່າວຫຼ້າສຸດ

ພິທີເປີດບໍລິສັດ ລາວໂກໂບຟິວເຈີແອນຄອມໂມດີທີເອັກແຊນ ຈໍາກັດ

303 20 ສ.ຫ. 2018 ຂ່າວໜ້າ​ໜຶ່ງ
ພິທີເປີດບໍລິສັດ ລາວໂກໂບຟິວເຈີແອນຄອມໂມດີທີເອັກແຊນ ຈໍາກັດ

    ພິ­ທີ​ເປີດ​ບໍ­ລິ­ສັດ​ລາວ​ໂກ​ໂບ​ຟິວ​ເຈີ​ແອນ​ຄອມ​ໂມ​ດີ​ທີ​ເອັກ​ແຊນ ຈຳ­ກັດ ຫຼື ສູນ​ແລກ­ປ່ຽນ​ຊື້-ຂາຍ​ສິນ­ຄ້າ​ອະ­ນາ­ຄົດ​ທາງ​ການ​ເງິນ​ໃນ​ທົ່ວ​ໂລກ​ຂອງ ສປປ ລາວ (LGFEX) ຈັດ​ຂຶ້ນ​ໃນ​ວັນ​ທີ 17 ສິງ­ຫາ 2018 ຢູ່​ໂຮງ­ແຮມ​ດອນ​ຈັນ​ພາ​ເລດ ໂດຍ​ມີ​ທ່ານ ສົມ​ສະ­ຫວາດ ເລັ່ງ​ສະ​ຫວັດ ອະ­ດີດ​ຮອງ​ນາ­ຍົກ­ລັດ­ຖະ­ມົນ­ຕີ ທ່ານ ແກ້ວ​ພິ­ລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ໂພ​ຄຳ ໄຊ​ຍະ​ສອນ ເຈົ້າ­ເມືອງ​ສີ​ສັດ­ຕະ​ນາກ ພ້ອມ​ດ້ວຍ​ແຂກ​ຖືກ​ເຊີນ​ເຂົ້າ​ຮ່ວມ.

    ທ່ານ YINDOG.HE ຜູ້­ອຳ­ນວຍ­ການ​ບໍ­ລິ­ສັດ LGFEX ກ່າວ​ວ່າ: ປັດ­ຈຸ­ບັນ​ເສດ­ຖະ­ກິດ​ໂລກ​ກຳ­ລັງ​ມີ​ການ​ປ່ຽນ ແປງ ໂດຍ​ເຄື່ອນ​ຍ້າຍ​ຈາກ​ຕາ­ເວັນ­ຕົກ​ສູ່​ຕາ­ເວັນ​ອອກ ເຊິ່ງ​ສູນ​ກາງ​ການ​ກຳ­ນົດ​ລາ­ຄາ​ສິນ­ຄ້າ​ໂດຍ​ທົ່ວ​ໄປ​ໃນ​ອະ­ນາ­ຄົດ ກໍ່​ຈະ​ເຄື່ອນ​ຍ້າຍ​ຈາກ​ພາກ​ຕາ­ເວັນ­ຕົກ​ສູ່​ພາກ​ຕາ­ເວັນ​ອອກ ລະ­ຫັດ​ຂອງ​ເສດ­ຖະ­ກິດ​ໂລກ​ແມ່ນ 1114 ຄື​ປະ­ຊາ­ກອນ 7.000 ລ້ານ​ຄົນ​ໃນ​ໂລກ 1.000 ລ້ານ​ຄົນ​ຢູ່​ທະ­ວີບ​ອາ​ເມ​ຣິ​ກາ 1.000 ລ້ານ​ຄົນ​ຢູ່​ທະ­ວີບ​ເອີ​ຣົບ 1.000 ລ້ານ​ຄົນ​ຢູ່​ທະ­ວີບ​ອາ​ຟຣິ​ກາ ແລະ 4.000 ລ້ານ ຢູ່​ທະ­ວີບ­ອາ­ຊີ​ສະ­ແດງ​ໃຫ້​ເຫັນ​ວ່າ​ອາ­ຊີ​ນັບ​ມື້​ຈະ​ກາຍ­ເປັນ​ສູນ​ກາງ​ທາງ​ດ້ານ​ເສດ ຖະ​ກິດ-ການ​ຄ້າ​ທີ່​ມີ​ຊີ­ວິດ​ຊີ­ວາ ແລະ ຄຶກ­ຄື້ນ​ທີ່​ສຸດ​ໃນ​ໂລກ ສປປ ລາວ ຕັ້ງ​ຢູ່​ອາ­ຊີ​ຕາ­ເວັນ​ອອກ​ສ່ຽງ​ໃຕ້ ມີ​ຊາຍ​ແດນ​ຕິດ​ກັບ​ຫຼາຍ​ປະ­ເທດ ເຊິ່ງ​ທີ່​ຕັ້ງ​ພູມ​ສັນ­ຖານ​ຖື​ວ່າ​ມີ​ຂໍ້​ໄດ້​ປຽບ ແລະ ໂດດ​ເດັ່ນ ທັງ​ເປັນ​ປະ­ເທດ​ທີ່​ອຸ­ດົມ​ຮັ່ງ­ມີ​ດ້ວຍ​ຊັບ​ພະ­ຍາ ກອນ​ທຳ​ມະ​ຊາດ ໂດຍ​ສະ­ເພາະ​ແຮ່​ກົ່ວ ຊືນ ທອງ ເຫຼັກ ຄຳ ແລະ ອື່ນໆ ດັ່ງ­ນັ້ນ​ການ​ສ້າງ­ຕັ້ງ LGFEX ຢູ່​ລາວ ຈະ​ເຮັດ​ໃຫ້​ເກີດ​ການ​ຊອກ​ຫາ​ເສັ້ນ­ທາງ​ໃໝ່​ແຫ່ງ​ການ​ພັດ­ທະ­ນາ​ຂະ­ແໜງ­ການ​ບໍ­ລິ­ການ ຕະ­ຫຼາດ​ສິນ­ຄ້າ​ອະ­ນາ­ຄົດ​ທາງ​ການ​ເງິນ ມີ​ບົດ­ບາດ​ໃນ​ການ​ສ້າງ​ຄວາມ​ເຂັ້ມ­ແຂງ​ໃຫ້​ແກ່​ຕະ­ຫຼາດ ພ້ອມ​ທັງ​ສາ­ມາດ​ສົ່ງ­ເສີມ​ໃຫ້​ຂະ­ແໜງ­ການ​ທີ່​ກ່ຽວ­ຂ້ອງ​ໄດ້​ຮັບ​ການ​ພັດ­ທະ­ນາ​ຢ່າງ​ໝັ້ນ­ຄົງ ສ້າງ​ຜົນ­ງານ​ດ້ານ​ຜະ­ລິດ​ຕະ​ພັນ​ທີ່​ໂດດ​ເດັ່ນ​ຂອງ​ລາວ​ໃຫ້​ສາ­ມາດ​ຈໍ​ລະ​ຈອນ​ໃນ​ຕະ­ຫຼາດ​ອາ​ຊຽນ ອາ­ຊີ ແລະ ທົ່ວ​ໂລກ.

     ໃນ​ອະ­ນາ­ຄົດ LGFEX ຈະ​ກາຍ­ເປັນ​ຊ່ອງ​ທາງ​ໃໝ່​ຂອງ​ຜູ້​ບໍ­ລິ­ຫານ​ຄວາມ​ສ່ຽງ​ໃນ​ການ​ຊື້-ຂາຍ ແລະ ເປັນ​ເວ­ທີ ໃໝ່​ຂອງ​ນັກ​ລົງ­ທຶນ​ໃນ​ຕະ­ຫຼາດ​ທີ່​ສາ­ມາດ​ຕອບ​ສະ­ໜອງ​ແກ່​ຍຸດ​ທະ​ສາດ​ດ້ານ​ການ​ຮ່ວມ​ມື​ສາ­ກົນ ໜຶ່ງ​ແລວ​ໜື່ງ​ເສັ້ນ­ທາງ​ຂອງ​ລັດ­ຖະ­ບານ​ຈີນ ໂດຍ​ມີ​ທີ່​ຕັ້ງ​ຢູ່ ສປປ ລາວ ແລ້ວ​ຂະ­ຫຍາຍ​ສູ່​ອາ­ຊີ​ຕາ­ເວັນ​ອອກ​ສ່ຽງ​ໃຕ້ ແລະ ຫັນ​ໜ້າ​ສູ່​ສາ­ກົນ ເປັນ​ເສັ້ນ­ທາງ​ເຄື່ອນ​ໄຫວ​ສິນ­ຄ້າ​ທີ່​ສາ­ມາດ​ເຊື່ອມ​ໂຍງ​ອາ​ຊຽນ​ກັບ​ທົ່ວ​ໂລກ ສ້າງ​ໃຫ້​ເປັນ​ສະ­ຖານ­ທີ່​ພາກ​ພື້ນ​ເສດ­ຖະ­ກິດ ໃໝ່ ເຊິ່ງ​ຈະ​ເຮັດ​ໃຫ້​ບັນ­ລຸ​ການ​ເຊື່ອມ​ໂຍງ​ກັນ​ທາງ​ດ້ານ​ນະ­ໂຍ­ບາຍ ພື້ນ­ຖານ​ໂຄງ​ລ່າງ ການ​ຄ້າ ແລະ ການ​ເງິນ.

    ທ່ານ ແກ້ວ​ພິ­ລາ​ວັນ ອາ​ໄພ​ລາດ ກ່າວ​ວ່າ: ນະ­ຄອນ­ຫຼວງ​ວຽງ​ຈັນ ເປັນ​ສູນ​ກາງ​ທາງ​ດ້ານ​ການ­ເມືອງ ເສດ​ຖະ ກິດ-ສັງ­ຄົມ ການ​ເປີດ​ປະ­ຊາ​ຄົມ​ເສດ­ຖະ­ກິດ​ອາ​ຊຽນ (AEC) ໃນ​ປີ 2016 ໄດ້​ເຮັດ​ໃຫ້​ມີ​ການ​ພົວ­ພັນ​ທາງ​ດ້ານ​ເສດ­ຖະ­ກິດ ແລະ ການ​ຄ້າ​ເພີ່ມ​ຂຶ້ນ​ເປັນ​ຈຳ­ນວນ​ຫຼວງ­ຫຼາຍ ໃນ​ນີ້ ສປປ ລາວ ກໍ່​ເປັນ​ປະ­ເທດ​ໜຶ່ງ​ໃນ​ກຸ່ມ AEC ໂດຍ​ສະ­ເພາະ​ນະ­ຄອນ­ຫຼວງ​ວຽງ​ຈັນ ທີ່​ມີ​ທ່າ­ແຮງ​ສູງ​ດ້ານ​ການ​ລົງ­ທຶນ​ປະ­ກອບ​ທຸ­ລະ​ກິດ​ທາງ​ດ້ານ​ບໍ­ລິ­ການ ດັ່ງ­ນັ້ນ​ຈຶ່ງ​ເຮັດ​ໃຫ້ LGFEX ຕັດ­ສິນ​ໃຈ​ມາ​ລົງ­ທຶນ​ຢູ່​ນະ­ຄອນ­ຫຼວງ​ວຽງ​ຈັນ ເຊິ່ງ​ຂ້າ­ພະ­ເຈົ້າ​ເຊື່ອ​ວ່າ­ການ​ຕັດ­ສິນ​ໃຈ​ມາ​ລົງ­ທຶນ​ຢູ່​ນະ­ຄອນ­ຫຼວງ​ວຽງ​ຈັນ​ໃນ​ຄັ້ງ​ນີ້ ຈະ​ສາ­ມາດ​ປະ­ສົບ​ຜົນ­ສຳ­ເລັດ​ຢ່າງ​ແນ່­ນອນ ໂອ­ກາດ​ເປີດ​ບໍ­ລິ­ສັດ​ຢູ່ ສປປ ລາວ ຄັ້ງ​ນີ້ LGFEX ຍັງ​ໄດ້​ລົງ​ນາມ​ສັນ­ຍາ​ຮ່ວມ​ມື​ກັບ​ບໍ­ລິ­ສັດ RICH OCEAN CONSULTANCY LIMITED ແລະ ບໍ­ລິ­ສັດ TOP STAGE TECHNOLOGY LIMITED ພ້ອມ​ທັງ​ໄດ້​ມອບ​ເງິນ 100 ລ້ານ​ກີບ ເພື່ອ​ປະ­ກອບ­ສ່ວນ​ໃນ​ການ​ຊ່ວຍ­ເຫຼືອ​ບັນ­ເທົາ​ທຸກ ໃຫ້​ຜູ້​ປະ­ສົບ​ໄພ­ພິ­ບັດ​ຢູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ຕື່ມ​ອີກ.

ຂ່າວທີ່ກ່ຽວຂ້ອງ