ຂ່າວຫຼ້າສຸດ

ປະເມີນການຈັດຕັ້ງປະຕິບັດແຜນພັດທະນາສາທາ

186 20 ສ.ຫ. 2018 ຂ່າວໜ້າ​ໜຶ່ງ

    ກອງ​ປະ­ຊຸມ​ສະ­ຫຼຸບ​ວຽກ​ງານ​ກາງ​ສະ­ໄໝ ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ສາ­ທາ­ລະ­ນະ​ສຸກ ຄັ້ງ​ທີ 5 ສະ­ໄໝ​ທີ VIII (2016-2020) ຈັດ​ຂຶ້ນ​ວັນ​ທີ 16-17 ສິງ­ຫາ 2018 ຢູ່​ໂຮງ­ແຮມ​ດອນ​ຈັນ​ພາ​ເລດ ໂດຍ​ເປັນ​ປະ­ທານ​ຂອງ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ມີ​ຮອງ​ລັດ­ຖະ­ມົນ­ຕີ  ຜູ້­ຕາງ­ໜ້າ​ຈາກ​ບັນ­ດາ​ກະ­ຊວງ ພະ​ແນກ​ສາ­ທາ­ລະ­ນະ​ສຸກ​ແຂວງ ນະ­ຄອນ­ຫຼວງ (ນວ) ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ເພື່ອ​ສະ­ຫຼຸບ​ວຽກ​ງານ​ກາງ​ສະ­ໄໝ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ສາ­ທາ­ລະ­ນະ​ສຸກ ໃນ​ໄລ­ຍະ​ຜ່ານ​ມາ ໂດຍ​ສຸມ​ໃສ່​ຄາດ­ໝາຍ ຕົວ​ຊີ້​ວັດ​ທຽບ­ໃສ່​ການ​ສຳ​ຫຼວດ​ດັດ​ສະ​ນີ​ໝາຍ​ສັງ­ຄົມ​ລາວ ການ­ຈັດ­ຕັ້ງ​ປະ­ຕິ­ບັດ​ຍຸດ​ທະ​ສາດ​ປະ­ຕິ​ຮູບ​ສາ­ທາ­ລະ­ນະ​ສຸກ ເປັນ­ຕົ້ນ ບັນ­ດາ​ຄາດ­ໝາຍ​ແຜນ­ການ​ທີ່​ກຳ­ນົດ​ໄວ້ ໂດຍ​ສະ­ເພາະ 10 ຕົວ​ຊີ້​ວັດ ໄລ­ຍະ​ເຄິ່ງ​ສະ­ໄໝ​ຜ່ານ​ມາ­ຄະ​ນະ​ພັກ​ກະ­ຊວງ​ໄດ້​ຖື​ເອົາ​ວຽກ​ງານ​ແນວ​ຄິດ-ການ­ເມືອງ ເປັນ​ວຽກ​ບຸ­ລິ­ມະ­ສິດ​ແຖວ​ໜ້າ ຊີ້​ນຳ-ນຳ­ພາ​ພະ­ນັກ­ງານ​ທີ່­ຢູ່​ໃນ​ຄວາມ​ຮັບ­ຜິດ­ຊອບ​ຂອງ​ຕົນ ຕັ້ງ­ໜ້າ​ຈິ່ງ​ເຮັດ​ໃຫ້​ວຽກ​ງານ​ຫຼາຍ​ດ້ານ​ປະ­ສົບ​ຜົນ­ສຳ­ເລັດ​ເຊັ່ນ: ຫຼຸດ­ຜ່ອນ​ອັດ­ຕາ​ການ​ຕາຍ​ຂອງ​ເດັກ​ລຸ່ມ 1 ປີ ລຸ່ມ 5 ປີ ອັດ­ຕາ​ການ​ຕາຍ​ຂອງ​ແມ່ ເພີ່ມ​ອັດ­ຕາ​ການ​ມີ​ແພດ​ຊ່ວຍ​ເກີດ ເພີ່ມ​ອັດ­ຕາ​ການ​ສັກ​ຢາ​ກັນ​ພະ­ຍາດ​ຂອງ​ແມ່ ແລະ ເດັກ ໂຄງ­ການ​ສ້າງ​ບ້ານ​ສາ­ທາ­ລະ­ນະ​ສຸກ ການ​ເຂົ້າ​ເຖິງ​ການ​ປິ່ນ­ປົວ​ນັບ​ມື້​ສູງ​ຂຶ້ນ ແລະ ວຽກ​ງານ​ອື່ນໆ​ອີກ.

      ນອກ­ຈາກ​ນີ້ ກອງ​ປະ­ຊຸມ​ຍັງ​ໄດ້​ຮັບ​ຟັງ​ການ​ຜ່ານ​ບົດ​ສະ­ຫຼຸບ ຄົ້ນ­ຄວ້າ​ແຜນ​ພັດ­ທະ­ນາ​ສາ­ທາ­ລະ­ນະ​ສຸກ ປະ­ຈຳ​ປີ 2019 ການ​ໃຫ້​ວັກ​ແຊງ ໂພ­ຊະ​ນາ​ການ ການ​ເກີດ​ລູກ​ແບບ​ມີ​ແພດ​ຊ່ວຍ ການ​ຊົມ­ໃຊ້​ນ້ຳ ແລະ ວິດ­ຖ່າຍ ບັນ­ຫາ​ໄຂ້­ເລືອດ­ອອກ ການ​ເຝົ້າ​ລະ­ວັງ​ພະ­ຍາດ​ຕາມ​ລະ­ດູ​ການ ການ​ບໍ­ລິ­ການ 5 ດີ 1 ພໍ­ໃຈ ຄຸ­ນະ­ພາບ ຄວາມ​ປອດ​ໄພ​ດ້ານ​ອາ­ຫານ ການ​ປະ­ກັນ​ສຸ­ຂະ­ພາບ ແລະ ການ​ເງິນ​ສາ­ທາ­ລະ­ນະ​ສຸກ ກຳ­ນົດ​ມາດ­ຖານ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ສາມ​ສ້າງ.

ຂ່າວທີ່ກ່ຽວຂ້ອງ