ຂ່າວຫຼ້າສຸດ

ລັດຖະບານຍີ່ປຸ່ນ ຊ່ວຍເຫຼືອການບໍລິການສຸຂະພາບແມ່ ແລະ ເດັກ

159 20 ສ.ຫ. 2018 ຂ່າວໜ້າ​ໜຶ່ງ
ລັດຖະບານຍີ່ປຸ່ນ ຊ່ວຍເຫຼືອການບໍລິການສຸຂະພາບແມ່ ແລະ ເດັກ

    ພິ­ທີ​ລົງ​ນາມ​ສັນ­ຍາ​ໂຄງ­ການ​ປັບ­ປຸງ​ບໍ­ລິ­ການ​ດ້ານ​ສຸ­ຂະ­ພາບ​ແມ່ ແລະ ເດັກ ໃນ​ເຂດ​ພູ​ດອຍ ແຂວງ​ຜົ້ງ​ສາ­ລີ ໄລ­ຍະ​ທີ 3 ຈັດ​ຂຶ້ນ​ວັນ​ທີ 16 ສິງ­ຫາ 2018 ຢູ່​ສະ­ຖານ­ທູດ​ຍີ່­ປຸ່ນ ປະ­ຈຳ​ລາວ ລະ­ຫວ່າງ ທ່ານ ທາ​ເຄ​ຊິ ຮິ​ຄິ​ຮາ​ຣະ ເອກ​ອັກ­ຄະ­ລາ­ຊະ­ທູດ​ຍີ່­ປຸ່ນ ປະ­ຈຳ​ລາວ ແລະ ທ່ານ​ນາງ ໂນ​ຣິ​ໂກະ ອັນ​ໂດະ ຜູ້​ຈັດ ການ​ໂຄງ­ການ​ຂອງ​ສະ­ມາ­ຄົມ​ເພື່ອ​ຊ່ວຍ­ເຫຼືອ ແລະ ບັນ­ເທົາ​ທຸກ​ແຫ່ງ​ປະ­ເທດ​ຍີ່­ປຸ່ນ (AAR Japan) ໂດຍ​ມີ​ທ່ານ ຄຳ​ເຈນ ວົງ​ໂພ​ສີ ເຈົ້າ​ແຂງ​ຜົ້ງ​ສາ­ລີ ພ້ອມ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໂຄງ­ການ​ປັບ­ປຸງ​ບໍ­ລິ­ການ​ດ້ານ​ສຸ­ຂະ­ພາບ​ແມ່ ແລະ ເດັກ ໃນ​ເຂດ​ພູ​ດອຍ ແຂວງ​ຜົ້ງ​ສາ­ລີ (ໄລ­ຍະ​ທີ 3) ມີ​ເປົ້າ​ໝາຍ​ທີ່​ຈະ​ປັບ­ປຸງ​ສຸ­ຂະ­ພາບ​ແມ່ ແລະ ເດັກ ພາຍ​ໃນ​ສະ­ຖານ­ທີ່​ກຸ່ມ​ເປົ້າ​ໝາຍ ໂດຍ​ການ​ເພີ່ມ​ຈຳ­ນວນ​ຜູ້​ໃຊ້​ບໍ­ລິ­ການ​ດ້ານ​ສຸ­ຂະ­ພາບ​ແມ່ ແລະ ເດັກ ປັດ­ຈຸ­ບັນ AAR Japan ໄດ້​ມອບ​ອຸ­ປະ­ກອນ​ການ​ແພດ​ທີ່​ຈຳ­ເປັນ ສ້າງ​ສະ­ພາບ​ແວດ​ລ້ອມ​ດ້ານ​ການ​ບໍ­ລິ­ຫານ​ສິ່ງ​ອຳ­ນວຍ​ຄວາມ​ສະ­ດວກ​ດ້ານ​ສຸ­ຂະ­ພາບ ເພື່ອ​ຈັດ​ຕັ້ງ​ການ​ບໍ­ລິ­ການ​ສຸ­ຂະ­ພາບ​ແມ່ ແລະ ເດັກ ຈັດ​ເຝິກ­ອົບ­ຮົມ​ພັດ­ທະ­ນາ​ຄວາມ​ອາດ​ສາ­ມາດ​ໃຫ້​ແກ່​ຜູ້​ໃຫ້​ບໍ​ລິ ການ​ທາງ​ສຸ­ຂະ­ພາບ ແລະ ເຜີຍ­ແຜ່​ຄວາມ​ສຳ­ຄັນ​ຂອງ​ສຸ­ຂະ­ພາບ​ແມ່ ແລະ ເດັກ ໃຫ້​ຊາວ­ບ້ານ ນອກ​ນີ້ ລັດ­ຖະ­ບານ​ຍີ່­ປຸ່ນ ຍັງ​ໄດ້​ໃຫ້­ການ​ຊ່ວຍ­ເຫຼືອ​ລ້າ 355.775 ໂດ​ລາ​ສະ­ຫະ­ລັດ ປະ­ມານ 2,84 ຕື້​ກີບ ເພື່ອ​ຍົກ​ລະ­ດັບ​ຄວາມ​ສຳ­ຄັນ​ຂອງ​ການ​ບໍ­ລິ­ການ​ສຸ­ຂະ­ພາບ​ແມ່ ແລະ ເດັກ ໃນ ສປປ ລາວ.

    ໄລ­ຍະ​ສຸດ​ທ້າຍ AAR Japan ຈະ​ມອບ​ອຸ­ປະ­ກອນ​ການ​ແພດ​ທີ່​ຈຳ­ເປັນ​ເພີ່ມ​ຕື່ມ​ອີກ ປັບ­ປຸງ​ເງື່ອນ­ໄຂ​ສຸ​ຂະ​ອະ­ນາ­ໄມ​ພາຍ​ໃນ​ສິ່ງ​ອຳ­ນວຍ​ຄວາມ​ສະ­ດວກ​ທາງ​ການ​ແພດ ໂດຍ​ສະ­ເພາະ ການ​ເຂົ້າ​ໂຮງ­ໝໍ​ຂອງ​ຜູ້­ຍິງ​ຖື­ພາ ແລະ ເດັກ­ນ້ອຍ ສ້ອມ­ແປງ​ຫຼັງ­ຄາ​ຫ້ອງ​ປະ­ສູດ ສືບ­ຕໍ່​ຈັດ​ຕັ້ງ​ກິດ­ຈະ­ກຳ​ການ​ບໍ­ລິ­ຫານ​ອຸ­ປະ­ກອນ​ການ​ແພດ ແລະ ບຳ­ລຸງ​ຮັກ­ສາ​ສະ­ພາບ​ແວດ​ລ້ອມ​ພາຍ​ໃນ​ສິ່ງ­ແວ­ດລ້ອມ​ການ​ແພດ​ໃຫ້​ສະ­ອາດ ແລະ ເປັນ​ລະ­ບຽບ ນອກ​ນີ້ ຍັງ​ຈະ​ຈັດ​ເຝິກ­ອົບ­ຮົມ​ເພື່ອ​ເພີ່ມ​ຄຸ­ນະ­ພາບ​ຂອງ​ການ​ບໍ­ລິ­ການ​ດ້ານ​ສາ­ທາ­ລະ­ນະ​ສຸກ​ໃນ​ສຸກ­ສາ­ລາ ຊ່ວຍ​ໃຫ້​ຜູ້​ບໍ­ລິ­ການ​ດ້ານ​ສາ­ທາ­ລະ­ນະ​ສຸກ​ສາ­ມາດ​ພັດ­ທະ­ນາ​ດ້ວຍ​ຕົນ​ເອງ​ໄດ້.

AAR Japan ແມ່ນ​ອົງ­ການ​ທີ່​ບໍ່​ຂຶ້ນ​ກັບ​ລັດ­ຖະ­ບານ ໄດ້​ເຄື່ອນ​ໄຫວ​ກິດ­ຈະ­ກຳ​ໃນ ສປປ ລາວ ແຕ່​ປີ 2000 ເປັນ­ຕົ້ນ​ມາ ນັບ​ແຕ່​ປີ 2010-2014 ອົງ­ການ​ດັ່ງ­ກ່າວ ໄດ້​ຈັດ​ເຝິກ­ອົບ­ຮົມ​ກ່ຽວ​ກັບ​ການ​ປະ­ຖົມ​ພະ ຍາ​ບານ​ຂັ້ນ​ຕົ້ນ​ໃນ​ກໍ­ລະ­ນີ​ມີ​ອຸ­ບັດ​ຕິ​ເຫດ​ຈາກ​ລະ­ເບີດ​ທີ່​ບໍ່​ທັນ​ແຕກ​ທີ່​ແຂວງ​ຊຽງ​ຂວາງ ໂດຍ​ເປັນ​ທຶນ​ຊ່ວຍ ເຫຼືອ​ຈາກ​ລັດ­ຖະ­ບານ​ຍີ່­ປຸ່ນ.

ຂ່າວທີ່ກ່ຽວຂ້ອງ