ຂ່າວຫຼ້າສຸດ

ນະຄອນຫຼວງວຽງຈັນ ແຈ້ງໃຫ້ທຸກພາກສ່ວນກຽມຮັບມືກັບໄພນ້ຳຖ້ວມ

242 20 ສ.ຫ. 2018 ຂ່າວໜ້າ​ໜຶ່ງ
ນະຄອນຫຼວງວຽງຈັນ ແຈ້ງໃຫ້ທຸກພາກສ່ວນກຽມຮັບມືກັບໄພນ້ຳຖ້ວມ

    ອີງ​ຕາມ​ຜົນ​ການ​ຕິດ­ຕາມ​ລະ­ດັບ​ນ້ຳ​ງື່ມ​ປະ­ຈຳ​ວັນ​ທີ 18 ສິງ­ຫາ ແລະ ການ​ຊີ້​ນຳ​ຂອງ​ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ຄັ້ງ​ວັນ​ທີ 18 ສິງ­ຫາ 2018.

    ຫ້ອງ​ວ່າ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ຂໍ​ຖື​ເປັນ​ກຽດ​ແຈ້ງ​ມາ​ຍັງ​ທຸກ​ພາກ­ສ່ວນ​ຊາບ​ວ່າ: ເນື່ອງ​ຈາກ​ປັດ­ຈຸ­ບັນ​ລະ­ດັບ​ນ້ຳ​ງື່ມ​ໄດ້​ເພີ່ມ​ຂຶ້ນ​ສູງ​ເຖິງ​ເຂດ​ເຕືອນ​ໄພ ແລະ ບາງ​ສ່ວນ​ກໍ່​ໄດ້​ໄຫຼ​ເຂົ້າ​ສູ່​ເຮືອນ​ຊານ ແລະ ເຂດ​ການ​ຜະ­ລິດ​ຂອງ​ປະ­ຊາ­ຊົນ​ແລ້ວ ຈຶ່ງ​ຂໍ​ແຈ້ງ​ໃຫ້​ພາກ­ສ່ວນ​ທີ່​ກ່ຽວ­ຂ້ອງ​ໃຫ້​ເອົາ­ໃຈ­ໃສ່​ຈັດ​ຕັ້ງ​ປະ­ຕິ­ບັດ​ຄື:ໃຫ້​ຄະ­ນະ​ກຳ­ມະ­ການ ແລະ ຄວບ​ຄຸມ​ໄພ­ພິ­ບັດ​ຂັ້ນ​ນະ­ຄອນ­ຫຼວງ​ວຽງ​ຈັນ​ເອົາ­ໃຈ­ໃສ່​ກຽມ​ຄວາມ​ພ້ອມ​ຮັບ​ມື​ກັບ​ໄພ​ນ້ຳ​ຖ້ວມ ໂດຍ​ສະ­ເພາະ​ແມ່ນ​ຢູ່​ບັນ­ດາ​ເມືອງ​ທີ່​ຕິດ​ກັບ​ແຄມ​ແມ່­ນ້ຳ​ງື່ມ  ແລະ​ໃຫ້​ພະ​ແນກ​ກະ­ສິ­ກຳ ແລະ ປ່າ­ໄມ້​ນະ­ຄອນ­ຫຼວງ​ວຽງ​ຈັນ​ຕິດ­ຕາມ​ປະ­ຕູ​ນ້ຳ​ແຕ່​ລະ​ຈຸດ ສຳ­ລັບ​ບັນ­ດາ​ເມືອງ​ທີ່​ຕິດ​ກັບ​ແຄມ​ແມ່­ນ້ຳ​ງື່ມ​ໃຫ້​ກະ­ກຽມ​ເຮືອ ຖົງ​ແຮ່​ຊາຍ ກຳ­ລັງ​ເພື່ອ​ຮ່າຍ ລຳ­ລຽງ​ຖົງ​ຊາຍ ແລະ ແຈ້ງ​ເຕືອນ​ໃຫ້​ພໍ່​ແມ່​ປະ­ຊາ­ຊົນ​ທີ່​ອາ­ໄສ​ດຳ­ເນີນ​ທຸ­ລະ​ກິດ ແລະ​ເຄື່ອນ​ໄຫວ​ຢູ່​ຕາມ​ລຽບ​ແຄມ​ແມ່­ນ້ຳ​ງື່ມ​ກຽມ​ຍົກ­ຍ້າຍ​ເຄື່ອງ​ຂອງໆ​ຕົນ​ເອົາ​ໄວ້​ທີ່​ສູງ ແລະ ທັງ​ໃຫ້​ຕິດ­ຕາມ​ລູກ​ຫຼານ​ບໍ່​ໃຫ້​ຫຼິ້ນ​ຢູ່​ຕາມ​ແຄມ​ນ້ຳ.

    ສຳ­ລັບ​ວັນ​ທີ 19 ສິງ­ຫາ 2018 ເຫັນ​ວ່າ​ລະ­ດັບ​ນ້ຳ­ຂອງ​ໄດ້​ເພີ່ມ​ຂຶ້ນ​ສູງ ແລະ ນ້ຳ​ໄດ້​ໄຫຼ​ເຂົ້າ​ສູ່​ພື້ນ​ທີ່​ຕ່ຳ ເຊິ່ງ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່​ພໍ່​ແມ່​ປະ­ຊາ­ຊົນ​ທີ່​ອາ­ໄສ ແລະ ດຳ­ເນີນ​ທຸ­ລະ​ກິດ​ຢູ່​ລຽບ​ແມ່­ນ້ຳ​ຂອງ ໂດຍ​ສະ­ເພາະ​ແມ່ນ​ຕະ­ຫຼາດ​ແຄມ​ຂອງ​ກາງ­ຄືນ 2 ນາ­ຄາ​ຣາ​ຊ ຊີ​ຕີ​ສະ­ນັ້ນ​ຕໍ່​ກັບ​ສະ­ພາບ​ການ​ດັ່ງ­ກ່າວ​ຂໍ​ຮຽກ­ຮ້ອງ​ມາ​ຍັງ​ພໍ່​ແມ່​ປະ­ຊາ­ຊົນ​ໃຫ້​ມີ​ສະ­ຕິ​ເພື່ອ​ພ້ອມ​ຮັບ​ມື​ກັບ​ລະ­ດັບ​ນ້ຳ​ທີ່​ເພີ່ມ​ຂຶ້ນ  ແລະ​ອື່ນໆ.

ຂ່າວທີ່ກ່ຽວຂ້ອງ