ສ ອາ​ເມ​ຣິ​ກາ ເລີ່ມ​ກໍ່ສ້າງ​ຖານ​ທັບ​ອາກາດ​ແຫ່ງ​ໃໝ່​ຢູ່​ໃນ​ຊີ​ຣີ

69 20 ສ.ຫ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ເລີ່ມ​ກໍ່ສ້າງ​ຖານ​ທັບ​ອາກາດ​ແຫ່ງ​ໃໝ່​ຢູ່​ໃນ​ຊີ​ຣີ

    ໜັງສືພິມ al-Watan ລາຍ​ງານ​ເມື່ອ​ວັນ​ທີ 16 ສິງຫາ​ທີ່​ຜ່ານ​ມາ​ວ່າ ກອງ​ກຳລັງ​ຂອງ ສ ອາ​ເມ​ຣິ​ກາ ໄດ້​ເລີ່ມ​ການ​ກໍ່ສ້າງ​ຖານ​ທັບ​ອາກາດ​ແຫ່ງ​ໃໝ່ ຢູ່​ໃນ​ເຂດ ອາ​​ລ-ຊາ​ດາ​ດີ (al-Shadadi) ໃນ​ແຂວງ ຮາ​ຊາ​ກາ (ທິດຕາເວັນຕົກ​ສ່ຽງ​ເໜືອ​ຊີ​ຣີ).

    ຂ່າວ​ແຈ້ງວ່າ ກອງ​ກຳລັງ​ຂອງ ສ ອາ​ເມ​ຣິ​ກາ ໄດ້​ເຄື່ອນ​ຍ້າຍ​ລົດ​ຂົນສົ່ງ 150 ຄັນ ຊຶ່ງ​ບັນທຸກ​ອາວຸດ ແລະ​ອຸປະກອນ​ການ​ທະຫານ ຈາກ​ພາກ​ເໜືອ​ອີ​ຣັກ ໄປ​ຍັງ​ເຂດ ດີ ເອ​​ສ​ຊໍ ແລະ ອາ​​ລ-ຊາ​ດາ​ດີ ຂອງ​ຊີ​ຣີ. ນອກຈາກ​ນັ້ນແລ້ວ ຂະ​ບວນ​ລົດ​ທະຫານ​ຂອງ ສ ອາ​ເມ​ຣິ​ກາ ຈຳນວນ​ໜຶ່ງ ກໍ​ໄດ້​ຖືກ​ສົ່ງ​ໄປ​ຍັງ​ເຂດ​ຕ່າງໆ​ທີ່​ຄວບ​ຄຸມ​ໂດຍ​ບັນດາ​ກອງ​ກຳລັງ​ປະຊາທິປະໄຕ​ຊີ​ຣີ (SDF).

    ກ່ອນ​ໜ້າ​ນັ້ນ ອົງການ​ຕິດຕາມ​ສິດທິ​ມະນຸດ​ຊີ​ຣີ (SOHR) ໄດ້​ເປີດເຜີຍ​ວ່າ ກອງ​ກຳລັງ​ປະສົມ ອັນ​ມີ ສ ອາ​ເມ​ຣິ​ກາ ເປັນ​ແກນ​ນຳ ໄດ້​ເຄື່ອນ​ຍ້າຍ​ລົດ​ຂົນສົ່ງ 250 ກວ່າ​ຄັນ ຊຶ່ງ​ບັນທຸກ​ອາວຸດ ເຂົ້າ​ໄປ​ຍັງ​ເຂດ​ທີ່ຢູ່​ພາຍ​ໃຕ້​ການ​ຄວບ​ຄຸມ​ຂອງ SDF ຢູ່​ໃນ​ເຂດ​ຝັ່ງ​ຕາເວັນ​ອອກ​ຂອງ​ແມ່ນ້ຳ​ອຸບ​ຣາ​ເຕ​​ສ.

 

ຂ່າວທີ່ກ່ຽວຂ້ອງ