ຂ່າວຫຼ້າສຸດ

ອະດີດ​ນາຍົກລັດຖະມົນຕີ​ອິນ​ເດຍ ເຖິງ​ແກ່​ມໍລະນະ​ກຳ ໃນ​ໄວ 94 ປີ

216 20 ສ.ຫ. 2018 ຂ່າວຕ່າງປະເທດ
ອະດີດ​ນາຍົກລັດຖະມົນຕີ​ອິນ​ເດຍ ເຖິງ​ແກ່​ມໍລະນະ​ກຳ ໃນ​ໄວ 94 ປີ

     ນາຍົກລັດຖະມົນຕີ​ອິນ​ເດຍ ນາ​ເຣນ​ດຣາ ໂມ​ດີ ແຈ້ງ​ໃຫ້​ຮູ້ເມື່ອ​ວັນ​ທີ 16 ສິງຫາ​ນີ້​ວ່າ​ທ່ານ ອາ​ຕາ​​ລ ບີ​ຣາ​ຣີ ວາ​​ສ​ປາ​ເຢ (Atal Bihari Vajpayee) ອະດີດ​ນາຍົກລັດຖະມົນຕີ​ອິນ​ເດຍ ໄດ້​ເຖິງ​ແກ່​ມໍ​​ລະ​ນະ​ກຳ​ແລ້ວ ລວມ​ອາຍຸ​ໄດ້ 94 ປີ.

    ທ່ານ ວາ​​ສ​ປາ​ເຢ ເປັນ​ນັກ​ກະວີ ແລະ​ກໍ​ເປັນ​ນັກ​ການເມືອງ ໂດຍ​ທີ່​ທ່ານ​ເປັນ​ໜຶ່ງ​ໃນ​ບັນດາ​ຜູ້ນຳ ທີ່​ໄດ້​ຮັບ​ຄວາມ​ຮັກແພງ​ຢູ່​ໃນ​ພັກ ບາ​ຣາ​ຕີ​ຢາ ຈາ​ນາ​ຕາ (Bharatiya Janata - BJP)  ຂອງ​ນາຍົກລັດຖະມົນຕີ ໂມ​ດີ ແລະ ​ທ່ານ​ກໍ​ເປັນ​ຕົວ​ແທນ​ທີ່​ມີ​ຄວາມ​ສະຫງ່ຽມ​ຄ່ຽມຄົມ​ຂອງ​ລັດທິ​ຊາດ​ຮິນ​ດູ. ໃນ​ຖານະ​ທີ່​ເປັນ​ນາຍົກລັດຖະມົນຕີ​ນັ້ນ ທ່ານ ວາ​​ສ​ປາ​ເຢ ເຄີຍ​ໄດ້​ເດີນທາງ​ໂດຍ​ລົດ​ບັດ ໄປ​ຍັງ​ປະເທດ​ປາ​ກິດ​ສະຖານ ເພື່ອ​ສະແດງ​ອອກ​ເຖິງ​ເຈດ​ຕະ​ນາ​ດີ​ທາງ​ດ້ານ​ການ​ທູດ.

    ທ່ານ ວາ​​ສ​ປາ​ເຢ ເກີດ​ເມື່ອ​ປີ 1924 ດຳລົງ​ຕຳແໜ່ງ​ນາຍົກລັດຖະມົນຕີ​ອິນ​ເດຍ 3 ເທື່ອ ໂດຍ​ໃນ​ເທື່ອ​​ທຳ​ອິດ​ຢູ່​ໃນ​ຕຳແໜ່ງ​ເປັນ​ເວລາ 13 ວັນ ໃນ​ປີ 1996; ເທື່ອ​ທີ​ສອງ​ຢູ່​ໃນ​ຕຳແໜ່ງ​ເປັນ​ເວລາ 11 ເດືອນ ແຕ່​ປີ 1998 ຮອດ​ປີ 1999; ແລະ ​ເທື່ອ​ທີ​ສາມ​ຢູ່​ໃນ​ຕຳແໜ່ງ​ແຕ່​ປີ 1999 ຮອດ​ປີ  2004.

ຂ່າວທີ່ກ່ຽວຂ້ອງ