ມອບເງິນນະໂຍບາຍໃຫ້ຜູ້ມີຜົນງານ-ຄຸນງາມຄວາມດີ

235 17 ສ.ຫ. 2018 ຂ່າວໜ້າ​ໜຶ່ງ
ມອບເງິນນະໂຍບາຍໃຫ້ຜູ້ມີຜົນງານ-ຄຸນງາມຄວາມດີ

    ພະ​ແນກ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ນະ­ຄອນ­ຫຼວງ​ວຽງ​ຈັນ (ນວ) ຈັດ​ພິ­ທີ​ມອບ-ຮັບ​ເງິນ​ນະ­ໂຍ­ບາຍ​ໃຫ້​ຜູ້​ທີ່​ມີ​ຜົນ­ງານ ແລະ ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດ ຂຶ້ນ​ວັນ​ທີ 15 ສິງ­ຫາ 2018 ຢູ່​ພະ​ແນກ​ດັ່ງ­ກ່າວ ເຊິ່ງ​ມອບ​ໂດຍ​ທ່ານ​ນາງ ລຳ​ພອຍ ສີ​ອັກ​ຄະ​ຈັນ ຫົວ­ໜ້າ​ພະ​ແນກ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ນວ ມີ​ຮອງ​ເຈົ້າ­ເມືອງ ພະ­ແນກ­ການ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ​ນາງ ລຳ​ພອຍ ສີ​ອັກ​ຄະ​ຈັນ ກ່າວ​ວ່າ: ເຖິງ​ວ່າ​ໄລ­ຍະ​ຜ່ານ​ມາ​ພະ​ແນກ​ແຮງ​ງານ ແລະ ສະຫວັດ​ດີ​ການ​ສັງ­ຄົມ ນວ ໄດ້​ເອົາ­ໃຈ­ໃສ່​ເຮັດ​ໜ້າ­ທີ່​ຢ່າງ​ຈົດ­ຈໍ່ ແລະ ດ້ວຍ​ຄວາມ​ຮັບ­ຜິດ­ຊອບ​ຕໍ່­ໜ້າ​ທີ່​ການ­ເມືອງ​ສູງ ແຕ່​ສິ່ງ​ທີ່​ໄດ້​ມາ​ເພື່ອ​ຕອບ​ບຸນ​ແທນ​ຄຸນ​ຕໍ່​ຜູ້​ທີ່​ມີ​ຜົນ­ງານ ແລະ ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດຍັງ​ມີ​ໜ້ອຍ ບໍ່​ທົ່ວ​ເຖິງ ບໍ່​ສາ­ມາດ​ທ່ວງ​ທັນ​ກັບ​ເວ­ລາ ຍ້ອນ​ສາຍ­ເຫດ​ໃນ​ຕົວ ແລະ ນອກ​ຕົວ​ຂອງ​ພະ​ແນກ​ພວກ​ເຮົາ ແຕ່​ປັດ​ໄຈ​ທີ່​ມີ​ລັກ­ສະ­ນະ​ຕັດ­ສິນ​ໃນ​ໄລ­ຍະ​ນີ້​ ແມ່ນ​ແຫຼ່ງ​ລາຍ​ຮັບ​ແຫ່ງ​ຊາດ​ຍັງ​ມີ​ໜ້ອຍ ບໍ່​ສາ­ມາດ​ຕອບ​ສະ­ໜອງ​ໄດ້​ຕາມ​ຄວາມ​ຕ້ອງ­ການ​ທາງ​ດ້ານ​ວັດ­ຖຸຈິດ­ໃຈ​ຂອງ​ທຸກ​ທ່ານ ຖ້າ​ທຽບ­ໃສ່​ຜົນ­ງານ​ທີ່​ໄດ້​ບຸກ​ບືນ ລົ້ມ­ລຸກ­ຄຸກ­ຄານ ທໍ­ລະ​ຫົດ​ອົດ­ທົນ ລອດ​ລົ້ມ​ລອດ​ຕາຍ ຈຳ­ນວນ​ໜຶ່ງ​ກໍ່​ເຖິງ​ຂັ້ນ​ເສຍ​ອົງ­ຄະ ແລະ ເສຍ​ຊີ­ວິດ​ ແຕ່​ເຖິງ​ຢ່າງ­ໃດ​ກໍ່​ດີ ​ເຖິງ​ມູນ​ຄ່າ​ລາ­ຄາ​ຈະ​ບໍ່​ຫຼາຍ ບໍ່​ສົມ​ຄູ່​ກັບ​ຜົນ­ງານ ແຕ່​ຂໍ​ໃຫ້​ບັນ­ດາ​ທ່ານ​ເຂົ້າ­ໃຈ​ວ່າ​ສິ່ງ​ນີ້​ແມ່ນ​ນ້ຳ​ຈິດ​ນ້ຳ­ໃຈ​ຂອງ​ຮຸ່ນ​ລູກ-ຮຸ່ນ​ຫຼານ​ຜູ້​ສືບ​ທອດ​ພາ­ລະ­ກິດ ຍັງ​ເປັນ​ຫ່ວງ​ເປັນ​ໄຍ ຈົດ​ຈຳ​ບຸນ­ຄຸນ​ຂອງ​ບັນດາ​ທ່ານ​ໄວ້​ບໍ່​ມີ​ວັນ​ຈະ​ຫຼົງ​ລືມ​ໄດ້.

    ການ​ມອບ​ເງິນ​ນະ­ໂຍ­ບາຍ​ໃຫ້​ຜູ້​ທີ່​ມີ​ຜົນ­ງານ ແລະ ຄຸນ­ງາມ­ຄວາມ­ດີ​ຕໍ່​ປະ­ເທດ​ຊາດ​ຄັ້ງ​ນີ້ ປະ­ກອບ​ມີ: ເງິນ​ນະ­ໂຍ­ບາຍ​ປ່ຽນ​ແທນ​ໂກ​ຕ້າ​ລົດ 1 ທ່ານ ເປັນ​ເງິນ 77,18 ລ້ານ​ກວ່າ​ກີບ ນະ­ໂຍ­ບາຍ​ເງິນ​ອຸດ​ໜູນ​ເສຍ­ສະ­ຫຼະ​ຊີ­ວິດ 72 ທ່ານ ເປັນ​ເງິນ 1,69 ຕື້​ກວ່າ​ກີບ ແລະ ນະ­ໂຍ­ບາຍ​ເງິນ​ອຸດ​ໜູນ​ເທື່ອ​ດຽວ​ຕໍ່​ຜູ້​ຍັງ​ມີ​ຊີວິດ 22 ທ່ານ ເປັນ​ເງິນ 480 ລ້ານ​ກວ່າ​ກີບ.

ຂ່າວທີ່ກ່ຽວຂ້ອງ