ຂ່າວຫຼ້າສຸດ

ທຄຕລ-ສາຍໃຍສຳພັນ ບໍລິການຊຳລະສະສາງຜ່ານ BILL PAYMENT

241 17 ສ.ຫ. 2018 ຂ່າວໜ້າ​ໜຶ່ງ
ທຄຕລ-ສາຍໃຍສຳພັນ ບໍລິການຊຳລະສະສາງຜ່ານ BILL PAYMENT

    ທະນາຄານ​ການ​ຄ້າ​ຕ່າງປະເທດ​ລາວ ມະຫາຊົນ (​ທຄຕລ) ລົງ​ນາມ​ສັນຍາ​ການ​ຮ່ວມ​ມື​ວ່າ​ດ້ວຍ​ການ​ບໍລິການ​ຊຳລະ​ສະ​ສາງ​ຄ່າ​ບໍລິການ​ຕ່າງໆ​ຜ່ານ ​ທຄຕລ (BILL PAYMENT) ກັບ​ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ເງິນ​ຝາກ​ສາຍ​ໃຍ​ສຳພັນ ເພື່ອ​ອຳນວຍ​ຄວາມ​ສະດວກ​ໃຫ້​ກັບ​ລູກ​ຄ້າ.

    ການ​ຮ່ວມ​ມື​ດັ່ງກ່າວ ເບື້ອງ​ຕົ້ນ​ຈະ​ໄດ້​ນຳ​ໃຊ້​ລະບົບ Auto Debit ກໍ່​ຄື​ການ​ຕັດ​ບັນຊີ​ຂອງ​ລູກ​ຄ້າ​ແບບ​ອັດຕະໂນມັດ ໃນ​ການ​ຊຳລະ​ຄ່າ​ງວດ​ເຊົ່າ​ສິນ​ເຊື່ອ ໃຫ້​ແກ່​ສະ​ຖາ​ບັນ​ການ​ເງິນ​ຈຸ​ລະ​ພາກ ທີ່​ຮັບ​ເງິນ​ຝາກ​ສາຍ​ໃຍ​ສຳພັນ ໂດຍ​ຈະ​ມີ​ການ​ພັດທະນາ​ໃຫ້​ສາມາດ​ຊຳລະ​ຜ່ານ​ຈຸດ​ບໍລິການ​ສຳນັກງານ​ໃຫຍ່ ບັນດາ​ສາຂາ ໜ່ວຍ​ບໍລິການ​ຂອງ ​ທຄຕລ ທົ່ວ​ປະເທດ ນອກ​ນີ້ ຍັງ​ຈະ​ສາມາດ​ຊຳລະ​ຜ່ານ​ລະບົບ BCEL One BCEL i-Bank ຕູ້ ATM ແລະ SMS Banking ຕື່ມ​ອີກ.

    ພິທີ​ລົງ​ນາມ​ສັນຍາ​ຮ່ວມ​ມື​ດັ່ງກ່າວ ຈັດ​ຂຶ້ນ​ວັນ​ທີ 15 ສິງຫາ 2018 ລະຫວ່າງ​ທ່ານ ນັນທະ​ລາດ ແກ້ວ​ປະເສີດ ຮອງ​ຜູ້ອຳນວຍການ​ໃຫຍ່ ​ທຄຕລ ແລະ ທ່ານ ສາຍສະໝອນ ກວານ​ເມືອງ​ຈັນ ຜູ້ອຳນວຍການ​ສະ​ຖາ​ບັນ​ການ​ເງິນ​ຈຸ​ລະ​ພາກ ທີ່​ຮັບ​ເງິນ​ຝາກ​ສາຍ​ໃຍ​ສຳພັນ ໂດຍ​ມີ​ຄະນະ​ບໍລິຫານ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ