ຂ່າວຫຼ້າສຸດ

ແຈ້ງເຕືອນ ຈະມີຝົນຕົກທົ່ວທຸກພາກຂອງປະເທດລາວ

277 17 ສ.ຫ. 2018 ຂ່າວໜ້າ​ໜຶ່ງ
ແຈ້ງເຕືອນ ຈະມີຝົນຕົກທົ່ວທຸກພາກຂອງປະເທດລາວ

    ພາ­ຍຸ​ໜູນ​ເຂດ​ຮ້ອນ​ເບີ​ບິນ​ກາ (ຫົວ­ທີ 16) ປັດ­ຈຸ­ບັນ​ຍັງ​ປົກ​ຄຸມ​ຢູ່​ທະ­ເລ​ຈີນ​ໃຕ້ຕອນ​ເໜືອ ກຳ­ລັງເຄື່ອນ​ທີ່​ໄປ​ທາງ​ທິດ­ຕາ­ເວັນ­ຕົກ​ສຽງ​ເໜືອ ດ້ວຍ​ຄວາມ​ໄວ 10 ກິ­ໂລ­ແມັດ​ຕໍ່​ຊົ່ວ­ໂມງ ຕອນ​ເຊົ້າ​ວັນ​ທີ 17 ສິງ­ຫາ 2018 ຈະ​ເຄື່ອນ​ທີ່​ຜ່ານ​ອ່າວ​ຕົງ​ແກງ ແລ້ວ​ເຄື່ອນ​ທີ່​ເຂົ້າ​ພາກ​ເໜືອ​ຂອງ​ປະ­ເທດ​ຫວຽດ­ນາມ ຈາກ​ນັ້ນ ຈະ​ສືບ­ຕໍ່​ຜ່ານ​ບັນ­ດາ​ແຂວງ​ພາກ​ເໜືອ​ຂອງ​ລາວ​ຄື: ຊຽງ​ຂວາງ ຫົວ­ພັນ ຫຼວງ​ພະ​ບາງ ອຸ­ດົມ​ໄຊ ໄຊ​ຍະບູ​ລີ ແລະ ບໍ່​ແກ້ວ ຕະ­ຫຼອດ​ການ­ເຄື່ອນ­ໄຫວ​ຂອງ​ພາ­ຍຸ​ຫົວ​ດັ່ງ­ກ່າວ ຈະ​ເຮັດ​ໃຫ້​ກະ­ແສ​ລົມ​ມໍ​ລະ​ສຸມ​ມີ​ກຳ­ລັງ​ແຮງ​ພັດ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ­ເທດ​ລາວ ເຊິ່ງ​ຈະ​ເຮັດ​ໃຫ້​ມີ​ຝົນ­ຕົກ​ໃນ​ລະ­ດັບ​ຄ່ອຍເປັນ​ບໍ­ລິ­ເວນ​ກວ້າງ​ໃນ​ຂອບ​ເຂດ​ທົ່ວ​ປະ­ເທດ ແລະ ຕົກ​ປານ​ກາງ-ໜັກ ຢູ່​ບາງ​ທ້ອງ­ຖິ່ນ​ແຂວງ​ພາກ​ເໜືອ ພາກ​ກາງ ແລະ ພາກ​ໃຕ້ ໃນ​ວັນ​ທີ 16-18 ສິງ­ຫາ 2018.

    ດັ່ງ­ນັ້ນ ຈຶ່ງ​ແຈ້ງ​ເຕືອນ​ເຖິງ​ປະ­ຊາ­ຊົນ​ບັນ­ດາ­ເຜົ່າ ອຳ­ນາດ​ການ​ປົກ­ຄອງ ແລະ ອົງ​ການ­ຈັດ­ຕັ້ງ​ທຸກ​ພາກ­ສ່ວນ​ທີ່​ອາ­ໄສ​ຢູ່​ບັນ­ດາ​ແຂວງ​ດັ່ງ­ກ່າວ ຈົ່ງ​ມີ​ສະ­ຕິ ແລະ ກຽມ­ພ້ອມ​ຮັບ​ມື​ກັບ​ສະ­ພາບ​ຝົນ­ຕົກ​ໜັກ ເຊິ່ງ​ຈະ​ເຮັດ​ໃຫ້​ມີ​ຕົ້ນ­ໄມ້​ຫັກ ລົ້ມ ດິນ​ເຈື່ອນ ນ້ຳ​ຖ້ວມ​ຊຸ ນ້ຳ​ຖ້ວມ​ອັ່ງ ແລະ ລົມ​ພັດ​ແຮງ ພ້ອມ​ນີ້ ກໍ່​ໃຫ້​ເກັບ​ມ້ຽນ ແລະ ເຄື່ອນ​ຍ້າຍ​ວັດ­ຖຸ​ສິ່ງ​ຂອງ ພ້ອມ​ສັດ­ລ້ຽງ​ໄປ​ໄວ້​ບ່ອນ​ປອດ​ໄພ ແລະ ຂໍ​ໃຫ້​ຕິດ­ຕາມ​ຂ່າວ​ພະ­ຍາ­ກອນ​ອາກາດ ແລະ ລະ­ດັບ​ນ້ຳຈາກ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ໃນ​ໄລ­ຍະ 1-2 ວັນ​ຂ້າງ​ໜ້າ.

ຂ່າວທີ່ກ່ຽວຂ້ອງ