ສົ່ງເສີມການຄ້າການລົງທຶນດ້ວຍລະບົບດີຈີຕອນ

184 17 ສ.ຫ. 2018 ຂ່າວໜ້າ​ໜຶ່ງ

    ໃນ​ວັນ​ທີ 16 ສິງ­ຫາ 2018 ທີ່​ບາງ­ກອກ ປະ­ເທດ​ໄທ ກອງ​ປະ­ຊຸມ​ສຸດ​ຍອດ ກຳ­ປູ­ເຈຍ ລາວ ມຽນ​ມາ ຫວຽດ­ນາມ ແລະ ໄທ (CLMVT) 2018 ພາຍ​ໃຕ້​ຫົວ­ຂໍ້ CLMVT ກ້າວ​ຂຶ້ນ​ສູ່​ເທັກ​ໂນ​ໂລ​ຢີ (CLMVT Taking Off Through Technology) ເພື່ອ​ເພີ່ມ​ທະ­ວີ​ການ​ຮ່ວມ​ສົ່ງ­ເສີມ​ທາງ​ດ້ານ​ການ​ຄ້າ ແລະ ການ​ລົງ­ທຶນ​ດ້ວຍ​ລະ­ບົບ​ດີ​ຈີ​ຕອນ ຢູ່​ໃນ​ປະ­ເທດ​ພາກ​ພື້ນ​ແມ່­ນ້ຳ​ຂອງ ໂດຍ​ມີ ກຳ­ປູ­ເຈຍ ລາວ ມຽນ​ມາ ຫວຽດ­ນາມ ແລະ ໄທ CLMVT ໃຫ້​ກຽດ​ເຂົ້າ​ຮ່ວມ​ໂດຍ​ທ່ານ ພົນ​ເອກ ປະ­ຍຸດ ຈັນ​ໂອ­ຊາ ນາ­ຍົກ­ລັດ­ຖະ­ມົນ­ຕີ ລາ­ຊະ​ອາ­ນາ­ຈັກ​ໄທ ທ່ານ ສົນ­ທິ​ລາ​ສົນ­ທິ ຈິ­ລະ​ວົງ ລັດ­ຖະ­ມົນ­ຕີ​ກະ­ຊວງ​ການ​ຄ້າ​ຂອງ​ໄທ ທ່ານ ຫຸມ­ພັນ ອິນ​ທິ​ຣາດ ຮອງ​ລັດ­ຖະ­ມົນ­ຕີ​ກະ­ຊວງ​ວິ­ທະ­ຍາ­ສາດ ແລະ ເທັກ​ໂນ​ໂລ​ຢີ​ຂອງ​ລາວ ພ້ອມ​ຕາງ­ໜ້າ​ນັກ­ທຸ­ລະ­ກິດ​ຈາກ​ປະເທດ CLMVT ຫຼາຍ​ກວ່າ 700 ທ່ານ.

    ຈຸດ­ປະ­ສົງ​ຂອງ​ກອງ​ປະ­ຊຸມ​ຄັ້ງ​ນີ້ ແມ່ນ​ເພື່ອ​ເປັນ​ເວ­ທີ​ປຶກ­ສາ​ຫາ­ລື​ຂອງ​ຜູ້­ນຳ​ລະ­ດັບ​ສູງ​ຈາກ​ພາກ​ລັດ ແລະ ເອ­ກະ​ຊົນ ລວມ​ເຖິງ​ນັກ­ວິ­ຊາ­ການ​ຈາກ​ປະ­ເທດ CLMVT ໃນ​ການ​ສົ່ງ­ເສີມ ແລະ ພັດ­ທະ­ນາ​ຄວາມ​ສຳ­ພັນທາງ​ດ້ານ​ເສດ­ຖະ­ກິດ​ການ​ຄ້າ ແລະ ການ​ລົງ­ທຶນ ເພື່ອ​ກ້າວ​ສູ່​ຕະ­ຫຼາດ​ໂລກ ແລະ ຈະ­ເລີນ​ກ້າວ­ໜ້າ​ໄປ​ພ້ອມ​ກັນ ແລະ ທັງ​ເປັນ​ການ​ເສີມ​ສ້າງ​ບົດ­ບາດ​ຂອງ​ປະ­ເທດ CLMVT ໃນ​ການ​ເປັນ​ສູນ​ກາງ​ເສດ­ຖະ­ກິດ​ຂອງ​ອາຊຽນ.

ຂ່າວທີ່ກ່ຽວຂ້ອງ