ຂ່າວຫຼ້າສຸດ

ກຳປັ່ນ​ຂວ້ຳ​ຢູ່​ໃນ​ແມ່ນ້ຳ​ນິນ ເຮັດ​ໃຫ້​ເດັກ​ນັກຮຽນ​ເສຍ​ຊີວິດ 22 ຄົນ

149 17 ສ.ຫ. 2018 ຂ່າວຕ່າງປະເທດ
ກຳປັ່ນ​ຂວ້ຳ​ຢູ່​ໃນ​ແມ່ນ້ຳ​ນິນ ເຮັດ​ໃຫ້​ເດັກ​ນັກຮຽນ​ເສຍ​ຊີວິດ 22 ຄົນ

    ແມ່ຍິງ​ຜູ້​ໜຶ່ງ ແລະ ເດັກ​ນັກຮຽນ​ອີກ 22 ຄົນ ໄດ້​ເສຍ​ຊີວິດ ເມື່ອ​ກຳປັ່ນ​ບັນທຸກ​ເດັກ​ນັກຮຽນ​ເຫຼົ່ານັ້ນ ເກີດ​ພິກ​ຂວ້ຳ ແລະ​ຈົມ​ນ້ຳ ໃນ​ວັນ​ທີ 15 ສິງຫາ​ນີ້ ທີ່​ແມ່ນ້ຳ​ນິນ (Nile) ໃນ​ຍ່ານ​ທີ່ຢູ່​ທາງ​ທິດເໜືອ​ນະຄອນຫຼວງ​ຄາ​ຕູມ ຂອງ​ຊູ​ດານ.

    ສຳນັກ​ຂ່າວສານ SUNA ຂອງ​ຊູ​ດານ ໃຫ້​ຮູ້​ວ່າ ກຳປັ່ນ​ດັ່ງກ່າວ ບັນທຸກ​ເດັກ​ນັກຮຽນ 40 ກວ່າ​ຄົນ ພວມ​ຢູ່​ລະຫວ່າງ​ການ​ເດີນທາງ​ໄປ​ຫາ​ໂຮງຮຽນ​ກໍ​ເກີດ​ອຸບັດເຫດ. ຜູ້​ເຫັນ​ເຫດການ​ເລົ່າ​ວ່າ ອຸບັດເຫດ​ນັ້ນ​ເກີດ​ຂຶ້ນ ໃນ​ຂະນະ​ທີ່​ກຳປັ່ນ​ພວມ​ຂ້າມ​ແມ່ນ້ຳ ໂດຍ​ທີ່​ມີ​ກະແສນ້ຳ​ພັດ​ໄຫຼ​ຢ່າງ​ແຮງ.

    ໃນ​ຕອນ​ເຊົ້າ​ວັນ​ທີ 15 ສິງຫາ ເຈົ້າ​ໜ້າທີ່​ຊູ​ດານ ໄດ້​ສະເໜີ​ໃຫ້​ໂຮງຮຽນ​ແຫ່ງ​ຕ່າງໆ​ໃນ​ທົ່ວ​ພື້ນ​ທີ່​ນະຄອນຫຼວງ​ຄາ​ຕູມ ປິດ​ການ​ຮຽນ​ການ​ສອນ ຍ້ອນ​ເກີດ​ສະພາບ​ຝົນຕົກ​ໜັກ ແລະ ລົມ​ພັດ​ແຮງ ທີ່​ໄດ້​ເຮັດ​ໃຫ້​ເຮືອນ​ຊານ​ຖືກ​ທຳລາຍ​ໄປ​ແລ້ວ​ຫຼາຍ​ຮ້ອຍ​ຫຼັງ ຢູ່​ໃນ​ຫຼາຍ​ແຂວງ ແລະ ນະຄອນ​ທົ່ວ​ປະເທດ​ຊູ​ດານ.

 

ຂ່າວທີ່ກ່ຽວຂ້ອງ