ຂ່າວຫຼ້າສຸດ

ສ ເກົາຫຼີ ນຳ​ເຂົ້າ​ເບຍ​ຈາກ ສ ອາ​ເມ​ຣິ​ກາ ຫຼາຍ​ເປັນ​ປະຫວັດ​ການ

90 17 ສ.ຫ. 2018 ຂ່າວຕ່າງປະເທດ
ສ ເກົາຫຼີ ນຳ​ເຂົ້າ​ເບຍ​ຈາກ ສ ອາ​ເມ​ຣິ​ກາ ຫຼາຍ​ເປັນ​ປະຫວັດ​ການ

    ຕົວ​ເລກ​ຈາກ​ອົງການ​ດ່ານ​ພາສີ​ອາກອນ​ຂອງ ສ ເກົາຫຼີ ທີ່​ມີ​ອອກ​ມາ​ເມື່ອ​ວັນ​ທີ 15 ສິງຫາ​ນີ້ ໃຫ້​ຮູ້​ວ່າ ໃນ 6 ເດືອນ​ຕົ້ນ​ປີ 2018 ສ ເກົາຫຼີ ໄດ້​ນຳ​ເຂົ້າ​ເບຍ ໃນ​ປະລິມານ​ສູງ​ເປັນ​ປະຫວັດ​ການ ຈາກ ສ ອາ​ເມ​ຣິ​ກາ ໂດຍ​ບັນລຸ​ມູນ​ຄ່າ​ເຖິງ 19,5 ລ້ານ​ໂດ​ລາ​ສະຫະລັດ.

    ຕົວ​ເລກ​ດັ່ງກ່າວ ນັບ​ວ່າ​ເພີ່ມ​ຂຶ້ນ​ເກືອບ​ສອງ​ເທົ່າ​ຕົວ ເມື່ອ​ທຽບໃສ່​ລະດັບ 7,84 ລ້ານ​ໂດ​ລາ​ສະຫະລັດ ຂອງ​ໄລຍະ​ເວລາ​ດຽວ​ກັນ​ໃນ​ປີ​ກາຍ ແລະ​ກໍ​ເກີນ​ຕົວ​ເລກ 17,41 ລ້ານ​ໂດ​ລາ​ສະຫະລັດ ຂອງ​ຕະຫຼອດ​ທັງ​ປີ 2017.

    ຕົວ​ເລກ​ທີ່​ນຳ​ອອກ​ມາ​ດັ່ງກ່າວ​ກໍ​ໃຫ້​ຮູ້​ວ່າ ສ ເກົາຫຼີ ໄດ້​ນຳ​ເຂົ້າ​ເບຍ​ຈາກ ສ ອາ​ເມ​ຣິ​ກາ ໃນ​ມູນ​ຄ່າ​ປະມານ 1 ລ້ານ​ໂດ​ລາ​ສະຫະລັດ/ເດືອນ ພາຍ​ໃນ​ປີ 2017 ແຕ່​ວ່າ​ຕົວ​ເລກ​ດັ່ງກ່າວ ບັນລຸ​ເຖິງ 3 ລ້ານ​ໂດ​ລາ​ສະຫະລັດ ໃນ​ເດືອນ​ມີນາ ປີ  2018 ແລະ​ ເພີ່ມ​ຂຶ້ນ​ເປັນ 4,8 ລ້ານ​ໂດ​ລາ​ສະຫະລັດ ແລະ 5,39 ລ້ານ​ໂດ​ລາ​ສະຫະລັດ ຕາມ​ລຳດັບ​ໃນ​ເດືອນ​ພຶດສະພາ ແລະ ມິຖຸນາ ປີ​ນີ້.

    ໃນ​ຂະນະ​ດຽວ​ກັນ ໃນ​ໄລຍະ​ແຕ່​ເດືອນ​ມັງກອນ ຫາ​ເດືອນ​ມິຖຸນາ ປີ 2018 ສ ເກົາຫຼີ​ນຳ​ເຂົ້າ​ເບຍ​ຈາກ​ຍີ່ປຸ່ນ ໃນ​ປະລິມານ​ທີ່​ມີ​ມູນ​ຄ່າ 39,2 ລ້ານ​ໂດ​ລາ​ສະຫະລັດ.

 

ຂ່າວທີ່ກ່ຽວຂ້ອງ