ຂ່າວຫຼ້າສຸດ

ນາຍົກລັດຖະມົນຕີອີຕາລີ ປະກາດ​ພາວະ​ສຸກ​ເສີນ ຫຼັງ​ເກີດ​ເຫດການ​ຂົວ​ພັງ​ຖະຫຼົ່ມ

164 17 ສ.ຫ. 2018 ຂ່າວຕ່າງປະເທດ
ນາຍົກລັດຖະມົນຕີອີຕາລີ ປະກາດ​ພາວະ​ສຸກ​ເສີນ ຫຼັງ​ເກີດ​ເຫດການ​ຂົວ​ພັງ​ຖະຫຼົ່ມ

    ວັນ​ທີ 15 ສິງຫາ​ນີ້ ນາຍົກລັດຖະມົນຕີ ຈູ​ເຊບ ກົງ ຂອງ​ອີ​ຕາ​ລີ ​ໄດ້​ປະກາດ “ພາວະ​ສຸກ​ເສີນ” ​ແກ່ຍາວ​ເປັນ​ເວລາ 12 ​ເດືອນ ຢູ່​ໃນ​ນະຄອນ ​ເຈ​ນົວ ຊຶ່ງ​ເປັນ​ເມືອງ​ເອກ​ຂອງ​ເຂດ ລີ​ກູ​ເຣຍ (ພາກ​ຕາ​ເວັນ​ຕົກ​ສ່ຽງ​ເໜືອຂອງ​ອີ​ຕາ​ລີ). ​ການ​ປະກາດ​ດັ່ງກ່າວ ມີ​ອອກ​ມາ​ຫຼັງ​ເກີດ​ເຫດການ​ຂົວ ມໍ​ຣັນດີ ​ (Morandi) ພັງຖະຫຼົ່ມຢູ່​ໃນ​ນະຄອນ​​ເຈ​ນົວ ​ເມື່ອ​ວັນ​ທີ 14 ສິງຫາ​ທີ່​ຜ່ານ​ມາ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 39 ຄົນ ​ແລະ​ບາດ​ເຈັບ​ອີກ​ຫຼາຍ​ສິບ​ຄົນ.

    ນາຍົກລັດຖະມົນຕີ ກົງ ກ່າວ​ຕໍ່​ກອງ​ປະຊຸມ​ຖະ​ແຫຼ​ງຂ່າວຢູ່​ທີ່​ນະຄອນ​ເຈ​ນົວ ​ຫຼັງ​ການ​ປະຊຸມ​ຄະນະ​ລັດຖະບານ ເມື່ອ​ວັນ​ທີ 15 ສິງຫາ ວ່າ​ນອກຈາກ​ການ​ປະກາດ​ພາວະ​ສຸກ​ເສີນ​ແລ້ວ ລັດຖະບານ​ຈະ​ໃຊ້​ງົບປະມານການ​ລົງທຶນ​ບ້ວງ​ທຳ​ອິດ ມູນ​ຄ່າ 5 ລ້ານ​ເອີ​ໂຣ ​ໃຫ້​ແກ່​ກອງ​ທຶນ​ພາວະ​ສຸກ​ເສີນ​ແຫ່ງ​ຊາດ.

    ໃນ​ຂະນະ​ດຽວ​ກັນ ນາຍົກລັດຖະມົນຕີ ກົງ ກໍ​ຢັ້ງຢືນ​ວ່າ ລັດຖະບານ​ພວມ​ມີ​ຈຸດປະສົງ​ຖອນ​ບໍລິສັດ Autostrade per l'Italia ອອກ​ຈາກສິດ​ຄຸ້ມຄອງ ​ແລະ ​ສຳ​ປະທານ​ລະບົບ​ທາງ​ດ່ວນ​ໝາຍ​ເລກ 10 ຊຶ່ງ​ມີ​ຂົວມໍຣັນດີ​​ເນັ່ງ​ຜ່ານ​.

 

ຂ່າວທີ່ກ່ຽວຂ້ອງ