ຂ່າວຫຼ້າສຸດ

"ຊີດານ" ຕັ້ງເປົ້າຄຸມທີມພຣີເມຍ ຫວັງສຽບຕໍາແໜ່ງ "ມູຣິນໂຢ່" ເປັນພິເສດ

342 16 ສ.ຫ. 2018 ວົງຈອນກີລາ
"ຊີດານ" ຕັ້ງເປົ້າຄຸມທີມພຣີເມຍ ຫວັງສຽບຕໍາແໜ່ງ "ມູຣິນໂຢ່" ເປັນພິເສດ

ລາຍງານຈາກຝຣັ່ງ ລະບຸວ່າ ຊີເນີດີນ ຊີດານ ຕ້ອງການຮັບໜ້າທີ່ຄຸມທີມໃນພຣີເມຍລີກລະດູການໜ້າ ໂດຍກຳລັງຈັບຕາເບິ່ງໄປທີ່ສະຖານະການຂອງໂຈເຊ່ ມູຣິນໂຢ່ ຜູ້ຈັດການໃຫຍ່ແມນເຊສເຕີ ຢູໄນເຕັດ.

          ຜູ້ຈັດການໄວ 46 ປີ ປະສົບຄວາມສຳເລັດ ພາ ຣິວ ມາດຣິດ ສ້າງປະຫວັດສາດຄວ້າແຊັມເອີຣົບ 3 ປີຕິດຕໍ່ກັນ ກ່ອນທີ່ເຂົາຈະຊັອກວົງການດ້ວຍການລາອອກຈາກຕຳແໜ່ງຫລັງຈົບລະດູການທີ່ຜ່ານມາ.

          ກ່ອນໜ້ານີ້ Le 10 Sport ລາຍງານວ່າ ຊີດານເປັນໜຶ່ງໃນເປົ້າໝາຍຂອງທີມແມນຯ ຢູໄນເຕັດ ຫາກສຸດທ້າຍພວກເຂົາຕ້ອງແຍກທາງກັບມູຣິນໂຢ່.

          ຫຼ້າສຸດ L'Équipe ລາຍງານວ່າ ຊີດານ ຕັ້ງໃຈວ່າຕ້ອງການກັບມາຮັບໜ້າທີ່ຄຸມທີມ ໂດຍເປັນທີມໃນພຣີເມຍລີກ ໂດຍສະເພາະ ແມນຯ ຢູໄນເຕັດ.

          ໄລຍະທີ່ຜ່ານມາ ມູຣິນໂຢ່ ຂ້ອນຂ້າງສະແດງອອກຢ່າງຈະແຈ້ງວ່າເຂົາບໍ່ພໍໃຈການເສີມທັບຂອງອົງການບໍລິຫານ ຫຼັງຈາກພັກຮ້ອນທີ່ຜ່ານມາ ໄດ້ພຽງແຕ່ ເຟຣັດ, ດິໂອໂກ ດາໂລ ແລະ ລີແກຣນ ເປັນລູກທີມໜ້າໃໝ່.

          ຜູ້ຈັດການຊາວປອກຕຸຍການ ບອກວ່າ ນີ້ຈະເປັນລະດູການທີ່ຍາກລຳບາກແນ່ນອນໃນການລຸ້ນແຊັມພຣີເມຍລີກ ຫຼັງຈາກທີ່ຄູ່ແຂ່ງເສີມທັບເປັນວ່າຫຼິ້ນ ແຕ່ແມນຯ ຢູໄນເຕັດ ໃຊ້ເງິນພຽງແຕ່ປະມານ 70 ລ້ານປອນ.

          ເຖິງແມ່ນຈະພາທີມເລີ່ມລະດູການດ້ວຍການຊະນະ ເລສເຕີ ຊິຕີ 2-1 ແຕ່ຕອນນີ້ ຮ້ານຮັບພະນັນຖືກກົດໝາຍ ຍົກມູຣິນໂຢ່ເປັນຕົວເກງອັນດັບ 5 ທີ່ຈະພົ້ນຈາກຕໍາແໜ່ງຜູ້ຈັດການພຣີເມຍລີກ ແລະ ຢູ່ອັນດັບທີ່ສ່ຽງທີ່ສຸດໃນບັນດາຜູ້ຈັດການທີມສູງສຸດທັງ 6.

          ອັດຕາຕໍ່ລອງຜູ້ຈັດການທີມ ແມນຯ ຢູໄນເຕັດ ຄົນໃໝ່ ຂອງ ເບດແຟຣ໌

  1. ຊີເນດີນ ຊີດານ 5/2 (ແທງ 2 ຈ່າຍ 5 ບໍ່ລວມທຶນ)
  2. ເມົາຣິຊິໂອ ໂປເຊັດຕິໂນ່ 6/1 (ແທງ 1 ຈ່າຍ 6 ບໍ່ລວມທຶນ)
  3. ຄາໂລ ອັນເຊລັອດຕິ 10/1 (ແທງ 1 ຈ່າຍ 10 ບໍ່ລວມທຶນ)
  4. ໄຣອັນ ກິກ 12/1 (ແທງ 1 ຈ່າຍ 12 ບໍ່ລວມທຶນ)
  5. ອັນໂຕນິໂອ ຄອນເຕ, ມັສຊິມິເລຍໂນ່ ອັນເລກຣີ 14/1 (ແທງ 1 ຈ່າຍ 14 ບໍ່ລວມທຶນ)

ຂ່າວທີ່ກ່ຽວຂ້ອງ