ຂ່າວຫຼ້າສຸດ

ເຟຊບຸກ ຈະຖ່າຍທອດສົດເຕະບານແອັດສະປາຍໃຫ້ຊົມໂດຍບໍ່ເສຍຄ່າ

150 16 ສ.ຫ. 2018 ວົງຈອນກີລາ
ເຟຊບຸກ ຈະຖ່າຍທອດສົດເຕະບານແອັດສະປາຍໃຫ້ຊົມໂດຍບໍ່ເສຍຄ່າ

'ເຟຊບຸກ' ສື່ສັງຄົມອອນລາຍຊົງອິດທິພົນ ກຽມດໍາເນີນການຖ່າຍທອດສົດການແຂ່ງຂັນເຕະບານ ລາ ລີກາ ແອັດສະປາຍ ຈຳນວນ 380 ນັດຕະຫຼອດທັງລະດູການໃໝ່ ໃຫ້ຊົມກັນລ້າໆ ສຳລັບຜູ້ໃຊ້ບໍລິການທີ່ຢູ່ໃນພາກພື້ນທະວີບອາຊີໃຕ້.

          ລາຍງານຈາກສຳນັກຂ່າວ “AP” ລະບຸວ່າ `ເຟຊບຸກ” ຊຶ່ງມີສະມາຊິກໃຊ້ບໍລິການທົ່ວໂລກ ກຳລັງເລັງເປົ້າມາຫາດ້ານເນື້ອໃນກີລາ ຊຶ່ງມີຖານກອງເຊຍບານໜຽວແໜ້ນ ໂດຍກ່ອນນີ້ຫາກໍປະກາດການຄວ້າລິຂະສິດຖ່າຍທອດສົດ ພຣີເມຍລີກ ອັງກິດໃນປະເທດໄທ ຫວຽດນາມ ກໍາປູເຈຍ ແລະ ລາວ ເປັນໄລຍະເວລາ 3 ລະດູການ ຕັ້ງແຕ່ປີ 2019-2022 ຫຼ້າສຸດ ຢືນຢັນວ່າ ລາ ລີກາ ແອັດສະປາຍ ຕັ້ງແຕ່ລະດູການ 2018-19 ປະເທດໃນພາກພື້ນອາຊີໃຕ້ ອັນປະກອບດ້ວຍ ອາຟະການິດສະຖານ ບັງກລາເທດ ພູຖານ ມາລດີຟ ອິນເດຍ ເນປານ ປາກີດສະຖານ ແລະ ສີລັງກາ ສາມາດຮັບຊົມຜ່ານທາງ ເຟຊບຸກ ໄດ້ໂດຍບໍ່ເສຍຄ່າ.

           ນອກຈາກນັ້ນ ສື່ສັງຄົມອອນລາຍສັນຊາດອາເມຣິກາ ຍັງໄດ້ຮັບລິຂະສິດຖ່າຍທອດສົດເປັນໄລຍະເວລາ 3 ລະດູການນັບຈາກນີ້ ລວມທັງການສາຍພາບຕົວຢ່າງການແຂ່ງຂັນ ແລະ ບົດວິເຄາະຫຼັງແຂ່ງ.

          ສຳລັບລະດູການໃໝ່ຂອງ ລາ ລີກາ ຈະເປິດສາກແຂ່ງຂັນນັດທໍາອິດກັນໃນວັນສຸກນີ້ ມີລົງຊີງໄຊກັນ 2 ນັດ ລະຫວ່າງ ຄີໂຣນ່າ ພົບກັບ ຣິວ ບາຢາໂດລິດ ແລະ ຣິວ ເບຕິສ ພົບກັບ ເລບັນເຕ.

ຂ່າວທີ່ກ່ຽວຂ້ອງ