ພຣີເມຍລີກ ປ່ຽນກົດໃໝ່ໃນຕະຫຼາດພັກຮ້ອນປີໜ້າ

115 16 ສ.ຫ. 2018 ວົງຈອນກີລາ
ພຣີເມຍລີກ ປ່ຽນກົດໃໝ່ໃນຕະຫຼາດພັກຮ້ອນປີໜ້າ

ພຣີເມຍລີກ ອັງກິດ ກຽມປ່ຽນກົດໃຫຍ່ກ່ຽວກັບວັນສຸດທ້າຍຕະຫຼາດຊື້ຂາຍນັກເຕະຍາມຮ້ອນອີກຄັ້ງ ໃນພັກຮ້ອນປີຫນ້າ ຫຼັງຈາກທີ່ພັກຮ້ອນນີ້ ຕະຫຼາດພຣີເມຍລີກ ປິດດໍາເນີນການໄປແລ້ວເມື່ອວັນພະຫັດທີ 9 ສິງຫາທີ່ຜ່ານມາ.

          ຊຶ່ງເປັນຄັ້ງທໍາອິດ ເພາະກ່ອນໜ້ານັ້ນ ກໍຈະປິດຕະຫຼາດພ້ອມໆກັບລີກໃຫຍ່ໃນວັນທີ 31 ສິງຫາ ສົ່ງຜົນໃຫ້ເສຍປຽບແອັດສະປາຍ ເຢຍລະມັນ ຝຣັ່ງ  ອິຕາລີ ທີ່ປິດຊ້າກວ່າ.

          ຕາມຂ່າວລະບຸວ່າ ມີຫຼາຍສະໂມສອນຂອງລີກສູງສຸດເກາະອັງກິດ ກຽມຍຶ່ນສະເໜີໃຫ້ມີການລົງຄະແນນປ່ຽນແປງຕະຫຼາດວັນສຸດທ້າຍກັບໄປເໝືອນເດີມ ຄືໃນວັນທີ 31 ສິງຫາ.

          ແຕ່ທັງນີ້ທັ້ງນັ້ນ ຈະປ່ຽນແປງລະບົບໄດ້ ກໍຕໍ່ເມື່ອໄດ້ຜົນລົງຄະແນນເຫັນຊອບບໍ່ໜ້ອຍກວ່າ 14 ສະໂມສອນ ໂດຍພຣີເມຍລີກ ຈະນັດທຸກສະໂມສອນທີ່ກ່ຽວຂ້ອງມາຫາລືກັນໃນເດືອນກັນຍານີ້.

ຂ່າວທີ່ກ່ຽວຂ້ອງ