ເຈົ້າພາບພ່າຍແພ້ປາແລັດສະຕິນ 1-2 ສະຖານະການເຂົ້າຮອບລໍາບາກ

195 16 ສ.ຫ. 2018 ວົງຈອນກີລາ
ເຈົ້າພາບພ່າຍແພ້ປາແລັດສະຕິນ 1-2 ສະຖານະການເຂົ້າຮອບລໍາບາກ

ນັກເຕະປາແລັດສະຕິນ ຜ່ານຜ່າສຽງເຊຍຂອງກອງເຊຍບານຫຼວງຫຼາຍ ເອົາຊະນະເຈົ້າພາບອິນໂດເນເຊຍ ນໍາໂດ່ງຂຶ້ນເປັນອັນດັບ 1 ຂອງກຸ່ມ.

          ເມື່ອວັນທີ 15 ສິງຫາທີ່ຜ່ານມາ ການແຂ່ງຂັນເຕະບານອາຊຽນເກມສ໌ ຄັ້ງທີ 18 ກຸ່ມ A ລະຫວ່າງເຈົ້າພາບ ທີມຊາດອິນໂດເນເຊຍ ພົບ ທີມຊາດປາແລັດສະຕິນ.

          ອິນໂດເນເຊຍ ລົງສະໜາມເປັນນັດທີສອງ ເກມທໍາອິດເອົາຊະນະ ໄຕ້ຫວັນ ໄປໄດ້ເຖິງ 4-0 ສ່ວນ ປາແລັດສະຕິນລົງສະໜາມເປັນນັດທີ່ສາມ ເກມທໍາອິດສະເໝີກັບ ໄຕ້ຫວັນ 0-0 ນັດທີ່ສອງເອົາຊະນະ ລາວ 2-1.

          ຜົນປາກົດວ່າເປັນທີມຊາດປາແລັດສະຕິນເອົາຊະນະເຈົ້າພາບອິນໂດເນເຊຍ ໄປໄດ້ 2-1 ໂດຍປາແລັດສະຕິນໄດ້ປະຕູຈາກລູກຈຸດໂທດຂອງ ໂອເດ ດັບບັກ ນາທີ 16 ແລະ ມູຮໍາໝັດ ດາວິສ ນາທີ 51 ສ່ວນ ອິນໂດເນເຊຍໄດ້ປະຕູຈາກ ອິຣະຟານ ຈາຢາ ນາທີ 23.

          ເຮັດໃຫ້ສະຖານະການຂອງກຸ່ມ B ໃນຕອນນີ້ ປາແລັດສະຕິນ ຂຶ້ນນໍາເປັນອັນດັບ 1 ຂອງກຸ່ມ ຫຼັງມີ 7 ແຕ້ມຈາກ 3 ນັດ ຕາມຫຼັງດ້ວຍ ຮົງກົງ 6 ແຕ້ມ ຈາກ 2 ນັດ ແລະ ອິນໂດເນເຊຍ 3 ແຕ້ມ ຈາກ 2 ນັດ.

ຂ່າວທີ່ກ່ຽວຂ້ອງ