ຂ່າວຫຼ້າສຸດ

ແກ່ນ​ໝາກ​ບົວ ມີ​ຄຸນ​ປະໂຫຍດ​ຕ້ານ​ມະ​ເຮັງ​ຕັບ ແລະ ບຳລຸງ​ປະສາດ

314 16 ສ.ຫ. 2018 ຫົວຂໍ້ຂ່າວອື່ນໆ
ແກ່ນ​ໝາກ​ບົວ ມີ​ຄຸນ​ປະໂຫຍດ​ຕ້ານ​ມະ​ເຮັງ​ຕັບ ແລະ ບຳລຸງ​ປະສາດ

     ແກ່ນ​ໝາກ​ບົວ ມີ​ວິຕາມິນ A ວິຕາມິນ C ວິຕາມິນ E ແລະ ມີ​ໂປຼ​ຕິນ ປະມານ 23% ເກືອ​ແຮ່ ຟົດ​ສະ​ຟໍ​ຣັດ ມີ​ຄຸນ​ປະໂຫຍດ​ຕໍ່​ການ​ບຳລຸງ​ສະໝອງ ບຳລຸງ​ປະສາດ ບຳລຸງ​ໝາກ​ໄຂ່ຫຼັງ ປ້ອງ​ກັນ​ພະຍາດ​ມະ​ເຮັງ​ຕັບ ຊ່ວຍ​ໃນ​ການ​ປິ່ນປົວ​ອາການ​ຖອກທ້ອງ ໃຊ້​ເປັນ​ຢາ​ບຳລຸງ​ເລືອດ ຫຼື ເພີ່ມ​ເລືອດ ສິ່ງ​ສຳຄັນ​ທີ່​ສຸດ​ສ່ວນ​ທີ່ຢູ່​ໃຈກາງ​ໃນ​ຂອງ​ແກ່ນ​ໝາກ​ບົວ ມີ​ລົດ​ຂົມ ສາມາດ​ປິ່ນປົວ​ພະຍາດຫົວໃຈ ການ​ກິນ​ແກ່ນ​ໝາກ​ບົວ​ເພື່ອ​ບຳລຸງ​ເລືອດ​ແມ່ນ​ຕ້ອງ​ກິນ​ດິບ (ສົດ) ເພາະວ່າ​ແກ່ນ​ບົວ​ທີ່​ຜ່ານ​ການ​ປຸງ​ແຕ່ງ​ມາ​ແລ້ວ ຫຼື ນຳ​ມາ​ຕົ້ມ​ໃຫ້​ສຸກ​ແມ່ນ​ບໍ່​ຊ່ວຍ​ໃຫ້​ເກີດ​ຄຸນ​ປະໂຫຍດ​ຕໍ່​ຮ່າງກາຍ​ໄດ້.

    ຜ່ານ​ຜົນ​ການ​ວິໄຈ​ດ້ານ​ການ​ຢາ ພົບ​ວ່າແກ່ນ​ຫມາກ​ບົວມີ​ສານ​ແອນ​ຕິ​ອອກ​ຊິ​ແດນ​ໃນ​ປະລິມານທີ່​ສູງ ຊື່ງ​ສານນີ້

 ມີ​ຄຸນ​ປະໂຫຍດ ຄື:

-  ຫຼຸດ​ການ​ເຊື່ອມ​ຂອງ​ອະ​ໄວ​ຍະ​ວະ​ຕ່າງໆ​ໃນ​ຮ່າງກາຍ ໂດຍ​ສະເພາະ ຜິວໜັງ.

-  ສາມາດ​ປ້ອງ​ກັນ​ພະຍາດ​ມະ​ເຮັງ ໂດຍ​ສະເພາະ ມະ​ເຮັງ​ຕັບ.

- ສະເພາະ​ສ່ວນ​ຢູ່​ໃນ​ກາງຂອງ​ແກ່ນ​ໝາກ​ບົວ​ທີ່​ມີ​ລົດ​ຂົມ​ນັ້ນ ມີ​ຄຸນ​ປະໂຫຍດ​ໃນ​ການ​ຂະຫຍາຍ​ຫຼອດ​ເລືອດ​ຫົວໃຈ ແກ້​ອາການ​ຫິວ​ນ້ຳ.

- ແກ່ນ​ໝາກ​ບົວ ມີ​ລົດ​ຫອມ​ຫວານ ແລະ ມັນ​ໜ້ອຍ​ໜຶ່ງ ເປັນ​ຢາ​ບຳລຸງ​ກຳລັງ ບຳລຸງ​ໄຂ​ຂໍ້ ແກ້​ຮ້ອນ​ໃນ ແກ້​ອາການ​ເມື່ອຍ ເພີ່ມ​ໄຂມັນ​ໃນ​ຮ່າງກາຍ.

-  ສ່ວນ​ເປືອກ​ຂອງ​ແກ່ນ​ໝາກ​ບົວ (ເປືອກ​ສີຂຽວ) ສາມາດ​ປິ່ນປົວ​ບາດແຜ​ມົດ​ລູກ.

-  ກ້ານ​ດອກ​ບົວ​ທີ່​ຕາກ​ແຫ້ງ​ນຳ​ເອົາ​ມາ​ຈູດ​ໄຟ​ແລ້ວ​ດູດ ສາມາດ​ປິ່ນປົວ​ພະຍາດ​ລິດ​ສະ​ດວງ​ດັງ​ໄດ້.

ຂ່າວທີ່ກ່ຽວຂ້ອງ