ຂ່າວຫຼ້າສຸດ

ເສື້ອກ້າມໄຮເທັກ ທີ່ສາມາດກວດສຸຂະພາບໄດ້

140 16 ສ.ຫ. 2018 ຫົວຂໍ້ຂ່າວອື່ນໆ

    ໜັງ­ສື​ພີມ​ດ້ານ​ວິ­ທະ­ຍາ­ສາດ ແລະ ເທັກ​ໂນ​ໂລ​ຢີ​ຂອງ​ຈີນ​ໄດ້​ລາຍ​ງານ ໃນ​ວັນ​ທີ 7 ກໍ­ລະ­ກົດ 2018 ທີ່​ຜ່ານ​ມາ ກຸ່ມ​ນັກ​ວິ­ໄຈ​ຊາວ​ຈີນ​ໄດ້​ອອກ​ແບບ ແລະ ຜະ­ລິດເສື້ອ​ກ້າມ​ຮຸ່ນ​ໃໝ່ ​ໂດຍການ​ນຳໃຊ້​ເທັກ​ໂນ​ໂລ​ຢີ​ຂັ້ນ​ສູງ ເຊິ່ງ​ສາ­ມາດ​ກວດ​ສອບ​ອັດ­ຕາ​ການ​ເຕັ້ນ​ຂອງ​ຫົວ­ໃຈ​ໄດ້​ແບບ​ທັນ­ທີ ແລະ ສາມາດແຈ້ງ​ເຕືອນ​ຫາກ​ເກີດ​ສັນ­ຍານ​ການ​ເປັນ​ພະ­ຍາດ­ຫົວ­ໃຈ ແລະ ຫຼອດ​ເລືອ​ໄດ້.

    ເສື້ອ​ກ້າມອັດ​ສະ​ຣິ​ຍະ smart vest ຖືກ​ພັດ­ທະ­ນາ​ໂດຍ​ນັກ​ວິ­ໄຈ​ຈາກວິ­ທະ­ຍາ­ໄລຕົງ​ໜານ ໃນ​ແຂວງ​ຈຽງ​ຈູ ທາງ​ພາກ​ຕາ­ເວັນ​ອອກ​ຂອງ​ປະ­ເທດ​ຈີນ ແລະ ຮ່ວມ​ມື​ກັບບໍ­ລິ­ສັດ Lenovo ເຊິ່ງ​ບໍ​ລິສັດ​ຂະ­ໜາດ​ໃຫຍ່​ເປັນ​ຜູ້­ນຳ​ດ້ານ​ເທັກ​ໂນ​ໂລ​ຢີ ສຳ­ລັບ​ເສື້ອ​ຮຸ່ນ​ນີ້​ຮູບ​ຮ່າງ​ລັກ­ສະ­ນະ​ພາຍ​ນອກ ແມ່ນ​ຄ້າຍ­ຄື​ເສື້ອ​ໃສ່​ອອກ­ກຳ­ລັງ​ກາຍ​ທົ່ວ​ໄປ ແຕ່​ພາຍ​ໃນ​ຈະ​ປະ­ກອບມີ​ຂົ້ວ​ໄຟ­ຟ້າ​ແບບ​ບໍ່​ມີ​ສາຍ ມີ​ລະບົບ​ເຊັນ​ເຊີ ແລະ ແຜງ​ວົງ​ຈອນ​ທີ່​ມີ​ຄວາມ​ຫົດ​ຢຶດ ເຊິ່ງ​ສາ­ມາດ​ກວດ​ຈັບ​ຄື້ນ​ໄຟ­ຟ້າ​ຫົວ­ໃຈ​ອັດຕາ​ການ​ເຕັ້ນ​ຂອງ​ຫົວ​ໃຈ­ຄວາມດັນ​ເລືອດ ແລະ ການ​ຫາຍ­ໃຈ​ຂອງ​ຜູ້​ສວມ​ໃສ່​ໄດ້​ຕະ­ຫຼອດ​ເວລາ​ທີ່​ສວມ​ໃສ່.

    ນອກ­ຈາກ​ນີ້​ແລ້ວ ມັນ​ຍັງ​ສາມາດ​ອັບ​ໂຫຼດ​ຂໍ້​ມູນ​ທີ່​ລະ­ບົບຄາວ ແລະ ຜູ້​ສວມ​ໃສ່​ກໍ່​ສາມາດ​ກວດສອບ​ສຸ­ຂະ­ພາບ​ຂອງຕົນ​ເອງ​ໄດ້​ແບບ​ທັນ­ໃຈ ໂດຍ​ຜ່ານ​ແອບ​ພລີ​ເຄ​ຊັ່ນມື​ຖື​ຂອງ​ຕົນ ເຊິ່ງ​ມັນ​ເໝາະ​ສົມ​ທັງ​ຍິງ ແລະ ຊາຍນຸ່ງ​ເວ­ລາ​ໃດ​ກໍ່​ໄດ້.

ຂ່າວທີ່ກ່ຽວຂ້ອງ