ຂ່າວຫຼ້າສຸດ

ເຮືອບິນ​ຂອງ​ມາ​ເລ​ເຊຍ ທີ່​ພົວພັນ​ກັບ​ກໍລະນີ 1MDB ຈອດ​ໄວ້​ທີ່​ສິງກະໂປ

172 16 ສ.ຫ. 2018 ຂ່າວຕ່າງປະເທດ
ເຮືອບິນ​ຂອງ​ມາ​ເລ​ເຊຍ ທີ່​ພົວພັນ​ກັບ​ກໍລະນີ 1MDB ຈອດ​ໄວ້​ທີ່​ສິງກະໂປ

   ຂ່າວສານ ຣອຍ​ເຕີ ໃຫ້​ຮູ້​ວ່າ ຕຳຫຼວດ​ສິງກະໂປ ແຈ້ງ​ໃຫ້​ຮູ້ເມື່ອ​ວັນ​ທີ 14 ສິງຫາ​ນີ້​ວ່າ ເຮືອບິນ​ລຳ​ໜຶ່ງ ທີ່​ກ່ຽວຂ້ອງ​ກັບ​ກໍລະນີ​ຫຍຸ້ງ​ເຫຍືອງ​ຢູ່​ໃນ​ກອງ​ທຶນ​ແຫ່ງ​ລັດ 1MDB ຂອງ​ມາ​ເລ​ເຊຍ ພວມ​ຈອດ​ຢູ່​ໃນ​ສະໜາມ​ບິນ ເຊ​ເລ​ຕາ  (Seletar) ຂອງ​ສິງກະໂປ.

   ກ່ອນ​ໜ້າ​ນີ້ ເຈົ້າ​ໜ້າທີ່​ກ່ຽວຂ້ອງ​ຂອງ​ສິງກະໂປ ບໍ່​ໄດ້​ຢືນຢັນ​ເຖິງ​ການ​ມີໜ້າ​ຂອງ​ເຮືອບິນ​ເອກະ​ຊົນ ທີ່​ມີ​ມູນ​ຄ່າ 35 ລ້ານ​ໂດ​ລາ​ສະຫະລັດ ນັ້ນ​ວ່າ​ຢູ່​ໃນ​ສິງກະໂປ. ທາງ​ດ້ານ​ນາຍົກລັດຖະມົນຕີ​ມາ​ເລ​ເຊຍ ມາ​ຮາ​ເທຍ ມໍ​ຮາ​ມັດ ໄດ້​ຖະແຫຼງ​ໄວ້​ວ່າ ທ່ານ​ພວມ​ຊອກ​ຫາ​ວິທີ​ນຳ​ເອົາ​ເຮືອບິນ​ດັ່ງກ່າວ​ກັບ​ຄືນ​ມາ ໂດຍ​ຖື​ວ່າ​ເຮືອບິນ​ລຳ​ນັ້ນ ຢູ່​ໃນ​ສິດ​ຄອບ​ຄອງ​ຂອງ​ນາຍທຶນ ລໍ ເຕັກ ໂຈ (Low Taek Jho) ຊຶ່ງ​ປັດຈຸບັນ​ນີ້ ພວມ​ຢູ່​ລະຫວ່າງ​ການ​ປົບ​ໜີ.

    ທາງ​ການ​ຕຳຫຼວດ​ສິງກະໂປ ໃຫ້​ຮູ້​ວ່າ ຍັງ​ບໍ່​ທັນ​ໄດ້​ຮັບ​ການ​ສະເໜີ​ຢ່າງ​ເປັນ​ທາງ​ການ​ຈາກ​ທາງ​ການ​ມາ​ເລ​ເຊຍ ກ່ຽວ​ກັບ​ການ​ນຳ​ເອົາ​ເຮືອບິນ​ລຳ​ດັ່ງກ່າວ ກັບ​ຄືນ​ໄປ​ຍັງ​ມາ​ເລ​ເຊຍ.

 

ຂ່າວທີ່ກ່ຽວຂ້ອງ