ວັນເສົາ ທີ 23 ກຸມພາ 2019 18:11:35
- ລາວ-ຈີນ ເສີມຂະຫຍາຍສາຍພົວພັນຄູ່ຮ່ວມຍຸດທະສາດ
- ອະນຸສອນສະຖານ ທ່ານ ໜູຮັກ ພູມສະຫວັນ ຈະໄຂເປັນທາງການຕົ້ນເດືອນເມສານີ້
- ຄະນະຜູ້ແທນມູນນິທິຈີນ ເພື່ອສັນຕິພາບ ແລະ ການພັດທະນາ ຢ້ຽມຢາມ ສປປ ລາວ
- ການຮ່ວມມືຂະແໜງກົດໝາຍ ແລະ ຍຸຕິທຳ ລາວ-ຍີ່ປຸ່ນ ມີປະສິດທິຜົນສູງ
- ສະຫຼອງວັນສ້າງຕັ້ງສາຍພົວພັນການທູດ ລາວ-ສິງກະໂປ ຄົບຮອບ 45 ປີ
- ປະເມີນແຜນງານ ວຽກງານອາຫານທ່ຽງໃນໂຮງຮຽນ
- ການສົ່ງເສີມການຜະລິດເປັນສິນຄ້າ ຍັງມີຫຼາຍຂອດບໍ່ສອດຄ່ອງ
- ອັດຕະປື ເຝິກອົບຮົມຫັດກາຍະບໍລິຫານໃຫ້ພະນັກງານ
- ເຕະບານມິດຕະພາບ ຕ້ອນຮັບວັນແມ່ຍິງສາກົນ
- ວຽງຈັນສິງ ໄດ້ຂັນຣັກບີ້ ບາງກອກ 10 ຄົນ ສະໄໝທີ 3
ສປປ ເກົາຫຼີ ແລະ ສ ອາເມຣິກາ ເຈລະຈາລະດັບວິຊາການ
ແຫຼ່ງຂ່າວທາງການທູດ ລາຍງານເມື່ອວັນທີ 14 ສິງຫານີ້ວ່າ ສປປ ເກົາຫຼີ ແລະ ສ ອາເມຣິກາ ໄດ້ດຳເນີນການເຈລະຈາລະດັບວິຊາການ ຢູ່ທີ່ບ້ານສະຫງົບເສິກ ປານມູນຈອມ ເມື່ອທ້າຍອາທິດທີ່ຜ່ານມາ.
ແຫຼ່ງຂ່າວດັ່ງກ່າວ ທີ່ບໍ່ປະສົງອອກນາມ ໃຫ້ຮູ້ວ່າ ບາດກ້າວຕໍ່ໄປຂອງ ສປປ ເກົາຫຼີ ໃນຂະບວນການຫັນສູ່ການປອດນີວເຄລຍ ແລະບັນຫາການອອກຖະແຫຼງການສິ້ນສຸດສົງຄາມເກົາຫຼີ (1950-1953) ຢ່າງເປັນທາງການ ຖືກຖືວ່າເປັນລາຍການດຳເນີນງານຂອງການເຈລະຈາດັ່ງກ່າວ.
ຂ່າວໃຫ້ຮູ້ອີກວ່າ ເຈົ້າໜ້າທີ່ ສປປ ເກົາຫຼີ ແລະ ສ ອາເມຣິກາ ໄດ້ປຶກສາຫາລືກ່ຽວກັບຫຼາຍມາດຕະການ “ຕົວຈິງ” ແຕ່ບໍ່ໄດ້ໃຫ້ຮູ້ເຖິງຂໍ້ມູນລາຍລະອຽດ. ແຫຼ່ງຂ່າວດັ່ງກ່າວ ກໍໃຫ້ຮູ້ວ່າ ສປປ ເກົາຫຼີ ແລະ ສ ອາເມຣິກາ ອາດຈະດຳເນີນການເຈລະຈາລະດັບວິຊາການຮອບຕໍ່ໄປ ຢູ່ທີ່ບ້ານປານມູນຈອມ ພາຍໃນອາທິດນີ້.
ອີກດ້ານໜຶ່ງ ຂ່າວສານຢອນຮັບ ລາຍງານວ່າ ຄະນະລ່ວງໜ້າຈຸໜຶ່ງຂອງ ສ ເກົາຫຼີ ປະກອບມີ 18 ຄົນ ໄດ້ເດີນທາງໄປຍັງ ສປປ ເກົາຫຼີ ໃນວັນທີ 15 ສິງຫານີ້ ເພື່ອກວດກາເບິ່ງວຽກງານການກະກຽມໃຫ້ແກ່ການພົບປະຂອງບັນດາຄອບຄົວ ທີ່ໄດ້ພັດພາກຈາກກັນ ໃນສະໄໝສົງຄາມເກົາຫຼີ (1950-1953). ຂ່າວແຈ້ງວ່າ ຄະນະດັ່ງກ່າວ ໄດ້ມຸ່ງໜ້າໄປຍັງພູ ກຶມກັງ ໃນເຂດແຄມຝັ່ງທະເລທິດຕາເວັນອອກຂອງ ສປປ ເກົາຫຼີ ຊຶ່ງເປັນສະຖານທີ່ໆຈະຈັດການພົບປະດັ່ງກ່າວ ໂດຍຈະມີຂຶ້ນແຕ່ວັນທີ 20-26 ສິງຫານີ້.
