ຂ່າວຫຼ້າສຸດ

ຄ່າ​ເງິນ​ຣຸບ​ຕົກຕ່ຳ​ແຮງ​ສຸດ​ນັບ​ແຕ່​ປີ 2016 ເປັນຕົ້ນ​ມາ

57 16 ສ.ຫ. 2018 ຂ່າວຕ່າງປະເທດ
ຄ່າ​ເງິນ​ຣຸບ​ຕົກຕ່ຳ​ແຮງ​ສຸດ​ນັບ​ແຕ່​ປີ 2016 ເປັນຕົ້ນ​ມາ

    ໃນ​ການ​ແລກປ່ຽນ​ຢູ່​ໃນ​ນະຄອນ​ຫຼວງ​​ມົສ​ກູ ເມື່ອ​ວັນ​ທີ 13 ສິງຫາ​ນີ້ ອັດຕາ​ແລກປ່ຽນ​ລະຫວ່າງ​ເງິນ​ໂດ​ລາ​ສະຫະລັດ ກັບ​ເງິນ​ຣຸບ ຂອງ​ຣັດ​ເຊຍ ໄດ້​ເພີ່ມ​ຂຶ້ນ​ຢ່າງ​ແຮງ ຂຶ້ນ​ໄປ​ຢູ່​ທີ່​ລະດັບ 68,66 ຣຸບ/1 ໂດ​ລາ​ສະຫະລັດ ແລະ​ເປັນ​ຂີດ​ໝາຍ​ເທື່ອ​ທຳ​ອິດ ນັບ​ແຕ່​ເດືອນ​ເມສາ ປີ 2016 ເປັນຕົ້ນ​ມາ ທີ່​ອັດຕາ​ແລກປ່ຽນ​ນັ້ນ​ທຳລາຍ​ແດນ 68 ຣຸບ/1 ໂດ​ລາ​ສະຫະລັດ.

    ໃນ​ຂະນະ​ດຽວ​ກັນ ອັດຕາ​ແລກປ່ຽນ​ລະຫວ່າງ​ເງິນ​ເອີ​ໂຣ ກັບ​ເງິນ​ຣຸບ ກໍ​ເພີ່ມ​ຂຶ້ນ​ສູ່ 78,15 ຣຸບ/1 ເອີ​ໂຣ. ນີ້​ເປັນ​ເທື່ອ​ທຳ​ອິດ ນັບ​ແຕ່​ເດືອນ​ເມສາ​ປີ  2016 ເປັນຕົ້ນ​ມາ ທີ່​ການ​ແລກປ່ຽນ​ເງິນ​ເອີ​ໂຣ ກັບ​ເງິນ​ຣຸບ ກາຍ​ແດນ 78 ຣຸບ/1ເອີ​ໂຣ.

    ທະນາຄານ​ກາງ​ຣັດ​ເຊຍ ຖະແຫຼງ​ເມື່ອ​ວັນ​ທີ 10 ສິງຫາ​ທີ່​ຜ່ານ​ມາ ວ່າການ​ທີ່​ຄ່າ​ຂອງ​ເງິນ​ຣຸບ ຕົກຕ່ຳ​ລົງ​ໃນ​ຊຸມ​ມື້​ທີ່​ຜ່ານ​ມາ ແມ່ນ​ເປັນ​ປະຕິກິລິຍາ​ປົກກະຕິ​ຂອງ​ຕະຫຼາດ ຫຼັງ​ຈາກ​ທີ່ ສ ອາ​ເມ​ຣິ​ກາ​ປະກາດ​ມາດ​ຕະການ​ປິດ​ລ້ອມ​ຕໍ່​ຣັດ​ເຊຍ. ໃນ​ຂະນະ​ດຽວ​ກັນ ທະນາຄານ​ກາງ​ຣັດ​ເຊຍ ກໍ​ເນັ້ນ​ໜັກ​ວ່າ ເຂົາເຈົ້າ​ມີ​ເຄື່ອງມື​ພຽງພໍ ເພື່ອ​ສະກັດ​ກັ້ນ​ຄວາມ​ສ່ຽງ​ຄຸກ​ຄາມ​ຕໍ່​ຄວາມ​ໝັ້ນຄົງ​ທາງ​ດ້ານ​ການ​ເງິນ.

 

ຂ່າວທີ່ກ່ຽວຂ້ອງ